Alatsinainy 27 janoary 2020 — Herinandro fahatelo mandavantaona — Evanjely Masina nosoratan'i Masindahy Marka 3, 22-30 — Ampianaro ahy, ry Tompo, ny lalanao, ary tariho amin'ny lala-mahitsy aho.

0 : 00

Fandavana tanteraka ny asan'i Jesoa no nataon'ny Mpanora-dalàna nidina avy any Jerosalema ary finiavana nanely ny fialonana ka nilazany fa tsy mahefa na inona na inona i Jesoa raha tsy amin'ny herin'ny demony. Nambaran'i Jesoa mazava tsara àry fa tsy misy asan'i Satana, mpanohitra ny sitrapon'Andriamanitra, handrava ny asan'i Satana ihany fa ny asan'Andriamanitra no lazainy ho asan'ny demony dia izay no fahotana lehibe.

Fanoharana amin'ny ady ateraky ny korontana no hanazavan'i Jesoa an'izany. Raha tsy mahafaona ny ratsy ny asan'Andriamanitra, dia tsy asan'Andriamanitra izy izany. Fa ny asan'Andriamanitra matoa mahafaona ny ratsy dia fahasoavana ho an'ny olombelona fa ny olombelona no minia mikipy tsy mandray ny sitrapon'Andriamanitra izay antso miantefa ao am-pon'ny tsirairay ary izany ho tsy ahazoantsika ny fibebahana ka ahazoantsika manatona an'Andriamanitra.

Ny ratsy, tsy avy amin'Andriamanitra fa ny tsara no avy amin'Andriamanitra. Tsy ny ratsy akory no mandresy ny ratsy, fa ny tsara no maharesy ny ratsy. Fa raha ny asan'Andriamanitra no lazain'ny Mpanora-dalàna fa ratsy dia izany no asan-demony, izany no manohitra ny Fanahy Masina. Andriamanitra hoy i Jesoa, mamindra fo mandrakariva rehefa mibebaka ny olona, fa izay manao mamifo velona tsy mihaino ary tsy mandray ny asan'ny Fanahy Masina no tsy mba hahazo izany famindram-po izany satria mitsipaka marindrano ny asan'ny Fanahy Masina miantso azy hibebaka. Izay manentsi-tadiny, tsy mihaino, manao mamifo velona ary minia mikipy amin'ny asan'ny Fanahy Masina ihany no manam-pahotana mandrakizay.

[Miara-dàlana] Zoma 3 mey 2024

♦ Notendren'ny Papa François ho Evekan'ny Diôsezin'i Maintirano, i P. Rakotoasimbola Clément Herizo, Misiôneran'ny Lasalety, Vicaire délégué de l'Administrateur Apostolique ao Maintirano ankehitriny... ♦ Ankalazaina amin'ity taona 2024 ity ny faha-150 taona niorenan'ny fikambanan-dry Masera Saint Paul de Fribourg ka hisy ny fanamarihana izany amin'ny volana jona ho avy izao... ♦ Aina mitantana ny fiainan'ny kristianina sy mitarika aza hanara-dia an'i Kristy ny finoana, hoy ny Papa François, nandritra ny fampianarany tamin'ny Audience générale, ny alarobia teo...

Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...