Ireo latsaka amin’ny tany tsara no izay mitandrina ny teny...

Sabotsy 19 septambra 2020 — Herinandro faha-24 mandavantaona — Evanjely Masina nosoratan'i Masindahy Lioka 8, 4-15 — Sambatra ireo mitana ny tenin’Andriamanitra amin’ny fo tsara sy mahitsy, ka mitandrina azy sy mamoa amin’ny faharetana.

0 : 00

Tenin'Andriamanitra efa fandrentsika matetika, ary mety efa hay tsianjery mihitsy ity Vaovao Mahafaly nalahatry ny Fiangonana hodinihintsika anio ity, izay manambara ny fanoharana momba ny voa nafafy sy ny toerana hamafazana azy. Nezahan'i Kristy nazavaina tamin'ny mpianany ny hevitry ny fanoharana nataony, tsy sanatria akory hoe manavakavaka Izy, fa fantany tsara ny toetran'ireto vahoaka betsaka nanatona Azy. Ho antsika izay mihaino sy mandinika ny tenin'Andriamanitra àry, tsy asiana resaka be intsony fa fantaro izay karazan-tany misy anao, ary enga anie ka ho tany tsara sady lonaka ka hamokatra azaka izay andrasan'i Kristy amintsika : "Aoka hihaino izay manan-tsofina hihainoana".

[Miara-dàlana] Zoma 26 aprily 2024

♦ Notanterahana ny sabotsy 20 aprily 2024 ny fanamasinana ho Eveka an'i S.E. Mgr le Cardinal Ángel Fernández Artime, Lehiben'ny Fikambanana Salezianin'i Don Bosco maneran-tany... ♦ Tao anatin'ny telo andro no nankalazan'ny Arsidiôsezin'i Fianarantsoa ny fetin'i Jesoa Mpiandry Ondry Tsara, teo amin'ny Kianjan'i Masindahy Josefa, Ambozontany, sady fanokafana ny taom-bolafotsy naha Eveka an'i Mgr Fulgence Rabemahafaly... ♦ Mandalo eto Madagasikara indray ny Hetsika Focolari, vondrona miaina sy mampiaina ny Evanjely amin'ny alalan'ny hira sy ny dihy ary indrindra ny vavaka...

Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...