Mompera Luca Treglia

Talen'ny Radio nanomboka ny 1996 hatramin'ny 1998,
avy eo ny taona 2006 hatramin'ny 2015.

Mompera Cosimo Alvati

Talen'ny Radio nanomboka 1998 hatramin'ny 2006.

Mompera Franck Randriamiandrinirinarivo

Talen'ny Radio nanomboka ny taona 2015.

Radio Don Bosco

Plus je l'écoute, plus je l'aime

previous arrow
next arrow
Slider

Alahady 28 jona 2020 — Alahady faha-13 mandavantaona — Evanjely Masina nosoratan'i Masindahy Matio 10, 37-42 — Hankalazaina anie ny Mpanjaka avy, amin'ny Anaran'ny Tompo. Fiadanana anie any an-danitra, ary voninahitra anie any amin'ny Avo indrindra.

0 : 00

Ho antsika izay te hanara-dia anʼi Jesoa Kristy àry dia tsy mora velively ny zavatra miandry.

Voalohany amin’izany dia ny fandavana ny tena. Ny fitiavana anʼi Jesoa mihoatra ny zavatra rehetra no takiana amin’izany ka anisany ireo olona izay tena akaiky antsika : ny ray aman-dreny sy ny zanaka ary ireo namana. Tsy afaka ny hitondra ny hazofinjaliantsika mihitsy isika raha tsy manome toerana voalohany anʼi Jesoa ao am-pontsika mihoatra ny olona rehetra, satria Izy Jesoa mantsy no arahina. Ny fitiavana dia fahafoizana, izany hoe rehefa tianʼi Jesoa dia vonona hamoy ny aina noho Izy, tahaka ireo martirinʼny finoana izay nahavatra mihitsy nanaiky ho faty noho ny fitiavana anʼi Kristy. Tsara ny manamarika fa i Jesoa eto tsy niteny mihitsy hoe ‟Aza tiavina ny ray na ny reny na ireo zanaka", fa ireo àry no tokony hampitomboantsika mandrakariva ny fitiavana azy ireo fa aoka kosa mba tsy ho sakana ireo olona ireo amin’ny fanarahan-dia Azy.

Ny faharoa, dia nampanantena i Jesoa fa tsy ho very valisoa ireo manara-dia Azy. Izy irery ihany araka izany no mahafantatra izay tokony ho valisoantsika. Valisoa izay tsy mitovy velively amin’ny valisoa fanomenʼolombelona. Andriamanitra mantsy dia tsy afaka manome ankoatra ny Tenany, dia tsy inona izany fa ny Fitiavany. Fa io fitiavany io dia miseho amin’ny endrika maro samihafa eo amin’ny fiainantsika. Ka noho izany, eo am-panarahan-dia Azy, dia tokony hiezaka hatrany isika hanao ny tsara. Amen !

Ny rariny ho fampivoarana ny marefo

Arahanao amin'ny rakitsary eto ny firarian-tsoa avy amin'i Mgr Désiré Tsarahazana. "Raha tiantsika ny ho sambatra, dia tsy maintsy mampanjaka ny marina isika", hoy i Mgr Désiré Tsarahazana tamin’ny firarian-tsoa nataony ho an'ny Malagasy amin’izao Noely izao. Tia antsika rehetra tsy an-kanavaka Andriamanitra, noho izany dia tokony hifanaja sy hanampy ary hiaro ireo marefo indrindra.

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Entanin'ny fanantenana isika

Nivoaka tamin'ny 29 desambra 2020 ny fanazavana ofisaly ny teny fanentanan'i P. Ángel Fernández Artime, Recteur Majeur, ho an'ny taona 2021, mitondra ny lohateny ho : "Entanin'ny fananteanana isika : indro havaoziko ny zavatra rehetra" (Ap 21,5). Efa  nadika amin'ny fiteny dimy samihafa izy io: italianina, anglisy, espanola, portogey ary frantsay.

Tohiny...