Mompera Luca Treglia

Talen'ny Radio nanomboka ny 1996 hatramin'ny 1998,
avy eo ny taona 2006 hatramin'ny 2015.

Mompera Cosimo Alvati

Talen'ny Radio nanomboka 1998 hatramin'ny 2006.

Mompera Franck Randriamiandrinirinarivo

Talen'ny Radio nanomboka ny taona 2015.

Radio Don Bosco

Plus je l'écoute, plus je l'aime

previous arrow
next arrow
Slider

Alarobia 14 ôktôbra 2020 — Herinandro faha-28 mandavantaona — Evanjely Masina nosoratan'i Masindahy Lioka 11, 42-46 — Ny teninao, ry Tompo, no fahamarinana. Ankamasino amin’ny fahamarinana izahay.

0 : 00

Azo lazaina ho fanakianana mivaivay no azon'ny Farisianina sy ny mpampiana-dalana tamin'i Jesoa androany. Tsy hoe fanakianana be fahatany miendrika fankahalana akory, fa fanakianana hahatsara zavatra, hanitsiana ny fiainana. Misy tokoa izany toetra tsy fampiseho masoandro izany no mbola manjaka ankehitriny, ataon'izay mba manana andraikitra, any amin'ny sehatra samihafa any. Tsy ny rehetra akory no manao izany, fa misy foana ny mpanao ramatahora, misy foana ny mpanao tsindry hazolena, misy foana ny mpanao kely tsy mba mamindro, ary misy foana ny mpitsentsitra ny hatsembohan'ny hafa... Toetra tsy mendrika izany, na manoloana an'Andriamanitra, na manoloana ny mpiara-belona. I Kristy ihany anefa no efa nilaza fa inona moa no soa azon'ny olona raha azony daholo izao rehetra izao nefa very ny fanahiny.

Ry havana, aoka hifanaraka amin'ny lazain'ny vava ny atao, fa ny toky hono fitaka, fa ny atao no hita. Matoa i Jesoa niteny mafy ny Farisianina sy ny mpampiana-dalana dia tsy te hanan-dratsy Izy, ka ny tiana ihany no hanarina ary ny zanaka tiana tsy hitsitsina rotsa-kazo. Koa aoka àry isika hanana fitondran-tena mendrika, mba hiorina tsara ao amin'Andriamanitra. Tia any Ianao ry Jesoa, ka mampiombona anay, mampihavana anay amin'ny Ray. Koa aza ny otanay re no jerena, ry Andriamanitra, fa ny fitivan'i Jesoa Zanakao. Amen.

Ny rariny ho fampivoarana ny marefo

Arahanao amin'ny rakitsary eto ny firarian-tsoa avy amin'i Mgr Désiré Tsarahazana. "Raha tiantsika ny ho sambatra, dia tsy maintsy mampanjaka ny marina isika", hoy i Mgr Désiré Tsarahazana tamin’ny firarian-tsoa nataony ho an'ny Malagasy amin’izao Noely izao. Tia antsika rehetra tsy an-kanavaka Andriamanitra, noho izany dia tokony hifanaja sy hanampy ary hiaro ireo marefo indrindra.

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Entanin'ny fanantenana isika

Nivoaka tamin'ny 29 desambra 2020 ny fanazavana ofisaly ny teny fanentanan'i P. Ángel Fernández Artime, Recteur Majeur, ho an'ny taona 2021, mitondra ny lohateny ho : "Entanin'ny fananteanana isika : indro havaoziko ny zavatra rehetra" (Ap 21,5). Efa  nadika amin'ny fiteny dimy samihafa izy io: italianina, anglisy, espanola, portogey ary frantsay.

Tohiny...