Hery telo no ananan'ny fanahy dia ny fahalalana, fitadidiana ary fahatelo farany dia ny sitrapo. Ny fahafahana dia ao amin'ny fanahintsika no misy azy. Zava-dehibe ny fahafahana sy ny sitrapo eo amin'ny fiainan'ny olombelona. Maro ny tokantrano mikorontana, ary betsaka ireo tanora tsy mahafehy tena noho ny tsy fahaizana mandanjalanja ny atao hoe "fahafahana". Miha very hasina ny olombelona noho ny fivohizana loatra ny fahafahana.

Tokony hitsipaka izay mety hanimba ny fiainantsika na anisan'ny anaty fahafahana aza. Ny Fanahy Masina dia manampy antsika amin'ny fiainana ny fahafahana, ny fitadidiana ary ny sitrapo, entina hanehoana finoana sy hijoroana ho vavolombelon'i Jesoa Kristy. Ny fahafahana dia misy fetrany ihany satria mifarana hatreo amin'ny fahafahan'ny hafa.