07 nôvambra — Teraka tao Steisslingen, Allemagne i Ernest, ary mbola tanora izy no niditra tao amin'ny fikambanan'ny Bénédictins tao Zwiefalten tao amin'ny farihin'i Constance. Nitantana io trano fitokana-monina io izy ny taona 1141 ka hatramin'ny taona 1146.

Trano fitokana-monina nahitana lehilahy sy vehivavy niara-monina no nisy an'i Ernest tamin'izany fotoana izany. Io ilay antsoina hoe "abbaye mixte" ka nahitana relijiozy lahy na ilay antsoina hoe "religieux du coeur", enipolo ; ary nisy frera ihany koa, telopolo amby zato. Dia nahitana relijiozy vavy fitopolo. Noho ny fanentanana nataon'i Masindahy Bernard, mba handray anjara amin'ny ady faharoa ho an'ny Tany masina dia niala tao amin'ny fikambanana i Ernest mba handeha hitory tany amin'io ady ho an'ny Tany masina io, izay notarihan'ny amperora Conrad III ny andin-tafika tamin'izany. Mila olona hankahery azy amin'ny sedra rehetra sy ny karazan'olana maro eny an-dalana ireo mpiantafika ka nanapa-kevitra ny papa Eugène III fa i Ernest no ho mpitarika ireo iraka tamin'izany. Hoy i Ernest, raha handao ireo rahalahiny tao amin'ny fikambanana izy : "Tsy mampaninona ahy izay fahafatesana miandry, raha mijaly ho an'ny fitiavana an'i Kristy aho".

Dia nitory teny tany amin'iny faritry ny silamo iny àry, i Ernest, iny faritr'i Arabie sy i Perse iny. Fa tao aoriana kelin'izay dia nosamborin'ireo silamo izy ka nogadrainy, ary nentiny tany La Mecque, ary nodrokidrokiany mba hivadika silamo, nefa nandà mafy ka nampijalian'izy ireo sy novonoiny, ary tsy tonga tany Jerosalema, tanana masina, akory. Tamin'ny taona 1147 moa izany. Marihana fa nandritra ny fotoana nampijaliana azy, dia nankahery ireo mpanara-dia azy, hifikitra amin'ny finoana an'i Jesoa Kristy hatrany, i Ernest. Ny sary hamantarana azy raha sendra mijery ireny sarin'olomasina ireny dia lehilahy, nahantona amin'ny tanany amin'ny hazofijaliana, ary notapahana ny tongony.

[Miara-dalana] Alatsinainy 23 janoary 2023

♦ Tontosa omaly ny fankalazana ny fetin'ny Seminera Zandriny Ambohipo, sady nanolorana ihany koa ny solom-pen'akoho ho an'ireo seminarista teny an-toerana... ♦ Fanehoana kanto ara-panahy sy famelabelaran-kevitra no nampiavaka ny fankalazana ny Andron'ny Tenin'Andriamanitra, tamin'ny sabotsy 21 janoary 2023, nanoloana ny Librairie Saint Paul Analakely... ♦ Nanatontosa ny fitsidihana pastôraly tao amin'ny Diôsezin'Ambanja, tao amin'ny Fiangonana Masindahy Pierre sy Paul, Nosibe Hellville, i Mgr Donatien Francis Randriamalala, tao aorian'ny fanamasinana azy ny 15 janoary 2023...

Tohiny...

Tsara ny Noely, raha...

Mitondra ny teny fiarahabana sy firarian-tsoa ho antsika, amin'izao fankalazana manetriketrika ny nahaterahan'ny Mpamonjy izao, i Mompera Bizimana Innocent, Lehiben'ny Fikambanana Salezianin'i Don Bosco eto Madagasikara sy ny Nosy Maurice.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...

Famandriham-baovao