Alakamisy 26 desambra 2019 — Masindahy Etienne Martiry — Evanjely Masina nosoratan'i Masindahy Matio 10, 17-22 — "Isaorana anie ilay avy amin'ny anaran'ny Tompo. Ny Tompo Andriamanitra mpanazava antsika."

Ao anatin'ny fotoana tena sarotra indrindra no hahihtana ny finoantsika sy ny fitiavantsika an'Andriamanitra. Tian'i Kristy ireo mpianany sy isika kristianina izay milaza fa mpanara-dia azy mba hizotra ny làlana nodiaviny, dia ny tsy fivadihana amin'Andriamanitra Ray na inona na inona zavatra miseho eo amin'ny fiainantsika.

Mankalaza an'i Masindahy Etienne koa ny Fiangonana androany. Isan'ireo diakra fito mirahalahy voalohany mba hanampy ireo Apôstôly sy anisan'ireo martiry voalohany noho ny finoana an'i Jesoa Kristy. Tsy mba natahotra ny hampanjaka ny fahamarinana izy, ary tsy nanadino ny namela ny helok'ireo namono azy.