Alahady 29 aogositra 2021 — Alahady faharoa amby roapolo mandavantaona — Hanazava ny masom-panahintsika anie Andriamanitra, Rain’i Jesoa Kristy Tompontsika; mba hahalalantsika ny fanantenana niantsoany antsika — Evanjely Masina nosoratan'i Masindahy Marka 7, 1-8. 14-15. 21-23

Tsy sanatria akory, anisan'ireny olona voretra na tsy mba mahalala madio ireny ny mpianatr'i Jesoa eto, raha mihinana amin'ny tanana tsy voasasa, fa ilay fomba fanaon'ny Farisianina sy ny mpaora-dalana mihitys no tian'i Kristy ahitsy : Milaza azy ho maha sy mpanara-dalana, nefa ny atao sy ny fiainana tsy amin'izany akory. "Mpihatsaravelatsihy". Ny lalan'Andriamanitra iuzay mampianatra ny fitiava-namana, afoiny, tsy raharahiany, fa ny fnaon'ny olona, iza toa fombafomba eto ivelany, hajainy sy tanany mandrakariva. "Tsy ny zavatra avy any ivelany miditra ao anatin'ny olona no mahaloto azy, hoy i Kristy, fa izay mivoaka avy ao anaty, avy amin'ny fon'ny olona". Tsy hoe ny foma no ratsy, fa ilay toe-po entina manatanteraka azy no maha ratsy na mahatsara azy, ary ny an'ny Farisianina sy ny mpanora-dalana dia ny tsikera sy ny fitsikilovana ny hafa na ny namana no mahamaika azy eto, fa tsy dia ilay fanasana tanana loatra, izany indrindra no mahatonga an'i Kristy manamarika azy hoe : "Izay mivoaka avy amin'ny fon'ny olona no mahaloto azy".

Mampianatra antsika àry, i Kristy, mba hampifanaraka izay ataontsika eto ivelany, amin'ny toe-pontsika ao anaty, fa tsy ho lasan-ko vavany toa haron-tabebaka fotsiny, ka sanatria malaza tsy hinanana toa lovian-tsahona, na ho anara-maneso toa tsikobokobon-danitra, ka ny anarana ambony dia ambony, nefa ny toerana misy, mifotetaka amin'ny tany.