Noharian'Andriamanitra hitovy endrika aminy ny olombelona. Noho izany dia manan-danja sy manana fahamendrehana ny olombelona tsirairay, ary anisan'izany "Aho". Amin'ny maha-tanora ahy dia afaka mampiasa izany ho tombony aho : afaka mamorona sy matsilo saina. Tsara aho ary afaka manao ny tsara ihany koa. Fandaharana "miaina sy mitia" iarahana amin'ny Centre Arrupe Madagascar.

Ny olona tsirairay dia tsy maintsy manana vina sy tanjona raha te-ho tafita eo amin'ny fiainana. Io vina sy tanjona io dia azo avy amin'ny fananana "fahefana anaty" izay fanalahidin'ny fiainana manontolo. Fandaharana "mba ho vanona" iarahana amin'ny jeneraly Ramakavelo Désiré.

Manana adidy hanabe sy hanomana ny zanaka mba hatratra ny tanjona kasainy, ny mpivady. Mila mihomana mialoha ny mpivady, izany hoe mandalo fifampidinihana vao tokony hiroso amin'ny fiterahana. Misy akony amin'ny fitaizana ilay zanaka ny antony hiterahana : Faniriana, na noho ny tosiky ny fiaraha-monina. Fandaharana "ampela miary" tontosaina eto amin'ny radio Don Bosco.

Rehefa tery na voatsindry ny retsika siatika dia miteraka fanaintainana eo amin'ny valahana, izay mety ahazo ny lehilahy 35 hatramin'ny 55 taona na ny vehivavy avy niteraka. Ireo antony : fihetsika tsy nahiana, fafindisoana eo amin'ireo  taolam-pisaka kely amin'ny hazondamosina, fahanteran'ny hazondamosina, fahateren'ny fantsona kely ao anatiny, dona.  Ny retsika siatika dia retsika izay manome ny fahatsapan'ny ampahany amin'ny rantsam-batana ambany sy ny ampahany amin'ny fihetsiny: ahatsapana sy manetsika ny rantsam-batana ambany. Fambara : Marary ny valahana, tsy mahavita mihetsika, voly ny tongotra, fanaintainana tsapa amin'ny ratsam-batana ambany...

Sous-catégories

Andriano ny fahasalamana

Miaina sy mitia

[Vaovao manokana] Alakamisy 2 mey 2024

Notendren’ny Papa François ho evekan’ny diosezin i Maintirano i Mompera RAKOTOASIMBOLA Clément Herizo, misioneran’ny Lasalety, Vicaire délegué de l’Adminstrateur apostolique ao Maintirano ankehitriny.  Teraka ny 23 novambra 1974  tao Ambohimandroso- Ambohimanga Rova i Mgr Clément Herizo, ary ny 30 mars 1975 izy no nandray ny Sakramentan’ny Batemy tao Ambohimanga Rova. Tao Namehana izy no nandray voalohany ny Eokaristia Masina ny 12 novambra 1982, ary ny 23 aogositra 1998 no niroso tamin’ny Sakramentan’ny Fankaherezana tao Alarobia Antananarivo. Nandalina ny filôzofia tao amin’ny Scolasticat Saint Paul Tsaramasoandro Antananarivo izy ny taona 1999 ka hatramin’ny taona 2002.

Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...