Atolotr'i Radio Don Bosco

Lohahevitra : Vaovao

Naseho ny : 26 marsa 2021

♦ Sivy ireo matin'ny Coronavirus, raha ny tatitry ny Ministeran'ny Fahasalamam-bahoaka, androany... ♦ Ho fantatra tsy ho ela, hoy ny Praiministra, ny karazam-bakisiny hafaran'i Madagasikara... ♦ Miakatra hatrany ny tahan'ny fandoavan-ketran'ireo orinasa, raha ny tatitra nentin'ny Foibem-pitantanana ankapoben'ny hetra, androany...

Tohiny...

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 26 marsa 2021

Tamin’izany andro izany, nandeha ny anankiray tamin’ny roa ambin’ny folo lahy atao hoe i Jodasy lskariôta nankany amin’ny lohandohan’ny mpisorona ka nanao taminy hoe: "Homenareo hoatrinona aho, dia hatolotro anareo Izy?" Dia nanisa farantsa kely telopolo ho azy izy ireo. Hatramin’izay, dia nikendry izay hamadihana Azy izy. Ary tamin’ny andro voalohany fihinanana ny azima, dia nanatona an’i Jesoa ny mpianany ka nanao hoe: "Aiza no tianao hamboaranay hihinanao ny Paka?" Dia hoy i Jesoa taminy: "Mankanesa any an-tanàna ao amin-dranona ka lazao aminy hoe: Hoy ny Mpampianatra: Efa akaiky ny fotoan’androko, ka hanao ny Paka ato aminao Aho sy ny mpianatro." Nanao araka izay nasain’i Jesoa nataony ny mpianatra ka namboatra ny Paka. Nony hariva ny andro, dia nipetraka hihinana Izy mbamin’ny mpianany roa ambin’ny folo lahy. Teo am-pihinanana dia hoy Izy: "Lazaiko marina aminareo fa ny anankiray aminareo hamadika Ahy." Nalahelo mafy izy ireo ka samy nanontany hoe: "Moa izaho va izany, Tompoko?" Dia namaly Izy ka nanao hoe: "Izay niara-nanatsoboka ny tanany tamiko tao an-dovia, izy no hamadika Ahy. Ny Zanak’Olona dia mandeha araka ny nanoratana Azy; kanefa loza ho an’izay olona hamadika ny Zanak’Olona! Tsara ho azy ny tsy teraka." Dia mba niteny i Jodasy ilay namadika Azy nanao hoe: "Raby, moa izaho va izany?" Ka novaliany hoe: "Voalazanao."

Atolotr'i Rakotoarison James Daniel

Lohahevitra : Hirika

Voadika amin'ny fiteny :      

Naseho ny : 26 marsa 2021

Namaritra fanamby hametraka mari-pamantarana momba ny kalitao na ny “label qualité” ho an’ny ronono sy ny vokatra azo avy aminy ny Malagasy Dairy Board. Izay no ifantohan’ny tohana atao amin’ny mpiantsehatra miaraka amin’ny mpiara-miombon’antoka… Fanamby nandritra ny fivoriambe notanterahana tamin’ny 19 Marsa 2021 teo… 

Tohiny...