Alakamisy 15 ôktôbra 2020 — Herinandro faha-28 mandavantaona — Evanjely Masina nosoratan'i Masindahy Lioka 11, 47-54 — Ampianaro ahy, ry Tompo ny lalanao, ary tariho ho amin’ny lala-mahitsy aho.

0 : 00

Anisan'ny namonoana ny mpaminany tany amin'ny Testamenta Taloha, eny fa na i Jesoa izay mihoatra ireny mpaminany ireny aza, dia noho izy ireny mitory sy mijoro ary mampianatra ny marina, mitandro ny rariny. Ny antony mantsy dia manelingelina ny Farisianina sy ny mpanora-dalana izany rehetra izany, indrindra eo amin'ny fiainam-bavaka sy ny rafi-piaraha-monina. Satria tokoa i Jesoa no irak'Andriamanitra mivantana sy mpitondra ny hafany tety an-tany, ka tsy eken'ny sain'izy ireo velively izany.Tsy mataho-maso mena anefa i Jesoa fa vonona ary sahy mijoro milaza ny marina araka an'Andriamanitra. Tsy natahotra vavan'olona i Jesoa, na dia efa fantany àry hoe hiafara amin'ny fanenjehana azy sy ny fifofoana ny ainy. Izay tokoa ilay hoe, izay sahy maty no mifono lambamena.

Ankehitriny dia mbola hita sy tsikaritra ny toe-tsaina farisianina amin'ny toerana rehetra, izany dia miseho amin'ny tsy famelana ny kristianina haneho ny finoany, amin'ny fanaratsiana ny Fiangonana, amin'ny fanenjehana ny mpitondra ao amin'ny Fiangonana. Koa alao hery àry, ho an'izay voakasik'izany, fa raha tsy miaraka amin'Andriamanitra angaha moa misy mpanenjika izany, fa ny hazo avo hono halan-drivotra, ary ny fotsifotsy halan-doto, ka loza ho ahy raha tsy mitory ny Vaovao Mahafaly aho, hoy i Masindahy Paoly. Rasiko ny anjara manandrify ny fiantsoanao ahy, vonona aho ho tia hatramin'ny fara fofon'aiko. Fa izany no voadiko masina, ry Andriamanitra Ray ô ! Amen.

[Miara-dalana] Zoma 10 septambra 2021

♦ "Mila ezaka ny fiainana ny voady", io no hafatra napetraky ny Lehiben'ny Fikambanana Salezianina Don Bosco, nandritra ny voady notononin'ireo frera 22 mirahalahy... ♦ Nandefa hafatra, manentana ny rehetra hihavana amin'ny voaary i Mgr Fulgence Rabemahafaly... ♦ Ny fitoviana ao amin'i Kristy dia mandrava ny endri-pahasamihafana rehetra, hoy ny Papa François nandritra ny "Audience générale"...

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Tondrozotran'ny Firohotan'ny Tanora Salezianina

Ny sabotsy 31 jolay 2021 tamin'ny 2 ora sy sasany folak'andro lasa teo, oran'ny Roma, no notanterahana ny fivoriambe nataon'ny tompon'andraikitry ny MSJ (Mouvement Salésien des Jeunes) na Firohotan'ny Tanora Salezianina maneran-tany, izay niarahan'izy ireo tamin'i solontenan'ny pastoralin'ny tanora sy ny mpandrindra an'ity MSJ ity. Araka ny atontan'isa dia nahitana mpandray anjara miisa 130 tamin'ity fivorianam-be ity.

Tohiny...