Voahiraka hiasa hanao asa fitsaboina tao amin'ny Fokontany Tsarahonenana i Docteur Benja. Noro sy Suzie no tovovavy nifanerasera voalohany tamin'i Docteur Benja, ary tsikaritr'ity farany fa na saro-kenatra aza i Suzie dia mahasarika azy ihany. Sendra be olona tsaboina i Docteur Benja indray andro, tsy nanam-potoana hikarakarana sakafo izy ka tafaresaka tamin'i Suzie, nanomboka teo izy roa dia lasa nifankahazo sy nifanampy ; Docteur Benja nitsabo ny renin'i Suzie, ary ny fianakavian'i Suzie mikarakara sakafo araka izay vita ho an'i Docteur.
Mpinamana efa hatramin'ny ela i Mahandry sy Ethan. Niverina teo an-tanindrazana i Ethan rehefa nahavita fianarana ho psychiatre ka niara-nipetraka izy roalahy. I Mahandry tia an'i Raitra, i Ethan latsam-pitiavana tamin'ny Joy. Tsy fantatra anefa ho tanteraka ihany ve ny fitiavan'izy ireo avy. Marary saina mantsy i Raitra, ary miankina amin'ny tsy fahasalamany koa ny fitiavan'i Ethan sy Joy.
Bruno dia zanak'olona, azo lazaina fa zanaka tsara taiza. Nanampy ny reneny tamin'ny findrosoana ny sakafo i Bruno nandritra ny fetin'ny faran'ny taona, tsy nitombon-tsaina anefa izy fa nosembanin'ireo namany, hoe handeha hivoaka hamonjy alim-pandihizana. Tsy nanaiky ny handehanan'i Bruno any amin'ilay alim-pandihizana ny reniny fa mampiahiahy ny fahazoan-dalana mikasika io lanonana io. Nandeha antsokosoko ihany i Bruno na efa norarana aza.
Fanontaniana no mipetraka hoe : inona no atao hoe "fitiavana" aminao? hatraiza ny fetran'ny fitiavana? Nitsingerina ny taona nanaovan'i Mahenina sy i ROAZY ny mariazin'izy ireo ary nomarihana tamin'ny sakafo niaraha izany. Naharay taratasy tamin'i Mahenina manafatra azy ho tonga any amin'ny hôtely Tsaralova, nanambara io taratasy io fa hisy zavatra "surprise" ho hita ao. Niahiahy i Mahenina ary nanontany ny hevitr'i Vonjy namany, nandrisika azy ity farany hoe mandehana fa raha misy mampiahiahy dia antsoy aho hamaha olana.
♦ Notanterahana ny sabotsy 23 marsa 2024 ny Sampankazon'ny Tanora tao amin'ny Zone Antsirabe Renivohitra... ♦ Eo am-panatanterahana sy famitana ny Fiangonana ao Tsinjorano, izay zana-piangonan'ny Eglizy Saint Sauveur Antanety Distrikan'Ambohimena, ny ao amin'ny Diôsezin'Antsirabe, ankehitriny... ♦ Nanamarika ny faha-100 taonan'ny Antilin'i Madagasikara, ny tao amn'ny Diôsezin'i Toamasina...
Tohiny...Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.
Tohiny...Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.
Tohiny...© 2024 Radio Don Bosco