Lohahevitra : Tantara

Tonga matetika toy ny fanaony ao an-tokantranon'i Rivo sy Ranja i Haja, indrindra fa hatramin'ny nahatsapany fa mbola tia ny vadiny i Ranja. Etsy an-daniny, manam-pitiavana an'i Haja i Tiana mpanampy an-dry Ranja, ary tsikaritr'i Haja izany. Nangataka tamin'i Ranja i Haja fa hanatanteraka izay sitrapony na inona na inona raha manaiky hisaraka amin'ny vadiny. Tsia no navalin-dRanja azy satria mbola tiany ny vadiny ary tsy hisaraka aminy na oviana na oviana izy, raha tsy hoe i Rivo angaha no tsy hanaiky intsony.

Lohahevitra : Tantara

Naresaka tao an-tanàna fa i Anja no namosavy an’i Sahondra. Nandosindosiran’ny manodidina sy ny mpiray vohitra i Anja. Noheverin’ny olona ho namosavy an’i Sahondra. Heloka mahafaty ny famosaviana araka ny didin’andriana. Te hanampy an’ity zazavavy efa iriny ho andefimandry rahateo i Leva, ka niangavy mafy tamin’i raibeny mba hijoro vavolombelona fa tsy namosavy an’i Sahondra i Anja.

Lohahevitra : Tantara


Nanapa-kevitra i Rivo fa hanajanona ny fifanarahana arak'asa tanterahana any ivelan'i Madagasikara, mba tsy hanaovany ambanin-javatra ireo vady aman-janany. Nahagaga an'i Haja sady naharomotra azy ny nahita an'i Ranja mianoka hasambarana eo anilan'ny vadiny, ka ny fibobohana toaka no nasetriny izany. Nilaza tsy nanontaniana tamin'i Tefy tao anaty ranomason-toaka ny zava-misy marina i Haja. Nolazainy tamin'ity zanany lahy tokana fa mpanararaotra ny vehivavy, ary hamono tena izy fa mijaly noho izany. Nitaraina tany amin'i Rivo sy Ranja i Tefy rehefa voaporofony fa tena misakaiza amin'ny vehivavy hafa ny rainy, ka niangavy azy mivady izy mba hanampy azy sy ny reniny. Nanome toky azy i Rivo fa hanao izay azony atao, na dia somary nisalasala aza i Ranja.

Lohahevitra : Tantara

Mifankatia i Leva sy Anja, mahatsiaro ho latsa-danja raha milahatra amin’i Setra sy Sahondra vao avy nanamarika teo anatrehan’ny fianakaviany avy ny fifankatiavana sy ny fikasan’izy ireo hivady. Nitsiriritra izany tamin’alahelo i Anja. Fa tsy menatra ny amin’ny tsy fananany kosa i Leva raha niresadresaka momba izany izy roa. Herinandro monja taorian’ny fiantranoana dia maty i Sahondra. Tany amin’i Anja hany sakaizan’itompokovavy no niantefan’ny ahiahin’ny mpianakavy ho antony nahafaty an’i Sahondra.

[Miara-dàlana] Zoma 26 aprily 2024

♦ Notanterahana ny sabotsy 20 aprily 2024 ny fanamasinana ho Eveka an'i S.E. Mgr le Cardinal Ángel Fernández Artime, Lehiben'ny Fikambanana Salezianin'i Don Bosco maneran-tany... ♦ Tao anatin'ny telo andro no nankalazan'ny Arsidiôsezin'i Fianarantsoa ny fetin'i Jesoa Mpiandry Ondry Tsara, teo amin'ny Kianjan'i Masindahy Josefa, Ambozontany, sady fanokafana ny taom-bolafotsy naha Eveka an'i Mgr Fulgence Rabemahafaly... ♦ Mandalo eto Madagasikara indray ny Hetsika Focolari, vondrona miaina sy mampiaina ny Evanjely amin'ny alalan'ny hira sy ny dihy ary indrindra ny vavaka...

Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...