Lohahevitra : Tantara

Hitan'i Line Bordas ilay silany notadiaviny. Anton-diany eto Madagasikara. Nivaloharika izy, nila tsy hahajoro intsony fa nalemy tanteraka niatrika ny zava-nisy. Na i Noro aza niantso an'Andriamanitra vao nitampim-bava nahita ity kambana amin'i Line Bordas, voarakitra an-tsary tao anaty "caméra".

Lohahevitra : Tantara

Mitebiteby sy miahiahy fatratra ny amin'ny fahafatesana i ramatoa Juliette. Nanoratra tamin'i Don Bosco izy mba hangataka amin'ny alalan'i Masina Maria, ny mba hialany amin'izany tahotra ny fahafatesana izany sy ny mba hiatrehany izany am-pitoniana rehefa tonga ny fotoana.

Lohahevitra : Tantara

Nafana ny koranan'i Line Bordas sy i Noro ary ramatoa talen'ny toby fitaizana zaza kambana, na dia nosembanin'ny fiatahan'iNoro nivoaka naka rivotra tany an-tokontany aza izany noho izy nisalebolebo : nitoe-jaza.

Lohahevitra : Tantara

Fanta-daza loatra eran'ny tanàna nisy azy sy niasany i Don Bosco sy ny Oratorio naoriny niaraka tamin'ireo ankizilahy tanora taizany. Hatrany an-dalana ivahiniana anaty fiaran-dalamby dia tsy misy resaka afa-tsy izy sy ny ankiziny. Nisy lehilahy iray niara-dia tamin'izy ireo nefa nanaratsy sy niampanga azy ho mpangalatra sy mpisoloky imasom-bahoaka tsotra izao, saingy tsy nahita fahombiazana tamin'izany.

[Miara-dàlana] Zoma 26 aprily 2024

♦ Notanterahana ny sabotsy 20 aprily 2024 ny fanamasinana ho Eveka an'i S.E. Mgr le Cardinal Ángel Fernández Artime, Lehiben'ny Fikambanana Salezianin'i Don Bosco maneran-tany... ♦ Tao anatin'ny telo andro no nankalazan'ny Arsidiôsezin'i Fianarantsoa ny fetin'i Jesoa Mpiandry Ondry Tsara, teo amin'ny Kianjan'i Masindahy Josefa, Ambozontany, sady fanokafana ny taom-bolafotsy naha Eveka an'i Mgr Fulgence Rabemahafaly... ♦ Mandalo eto Madagasikara indray ny Hetsika Focolari, vondrona miaina sy mampiaina ny Evanjely amin'ny alalan'ny hira sy ny dihy ary indrindra ny vavaka...

Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...