Mompera Luca Treglia

Talen'ny Radio nanomboka ny 1996 hatramin'ny 1998,
avy eo ny taona 2006 hatramin'ny 2015.

Mompera Cosimo Alvati

Talen'ny Radio nanomboka 1998 hatramin'ny 2006.

Mompera Franck Randriamiandrinirinarivo

Talen'ny Radio nanomboka ny taona 2015.

Radio Don Bosco

Plus je l'écoute, plus je l'aime

previous arrow
next arrow
Slider

Talata 30 jona 2020 — Herinandro faha-13 mandavantaona — Evanjely Masina nosoratan'i Masindahy Matio 8, 23-27 — Fanahy sy fiainana ny teninao, ry Tompo ; Ianao no manana ny teny mahavelona mandrakizay.

0 : 00

Niara-dia tamn’ireo mpianany i Jesoa tao anaty sambo kely, hany ka rendri-torimaso. Nandritra izay indrindra no nisy tafio-drivotra mafy ka raiki-tahotra ireto mpianatra ka tsy maintsy namoha anʼi Jesoa. Noho ny tahotrʼizy ireo dia nandidy ny rivotra sy ny ranomasina i Jesoa mba hitony. Tsapanʼi Jesoa tamin’izany àry, fa mbola kely ny finoanʼireto mpianany. Izy ireo izay nahita Azy nanasitrana ny marary sy nandroaka demony, ary fantatrʼizy ireo tsara fa zanakʼAndriamanitra, nefa dia mbola natahotra izy ireo na dia teo akaiky teo àry i Jesoa. Aiza marina àry ny finoanʼizy ireo ?

Miantefa amintsika kristianina ihany koa izany fanontaniana izany eo anatrehanʼireo zava-tsarotra sy manahirana eo amin’ny fiainantsika. Miantso antsika àry, i Jesoa, mba haharitra ao amin’ny finoana eo am-panarahan-dia Azy, na amin’ny sarotra na amin’ny mora. Ny fandresenʼi Kristy teo amin’ny ranomasina dia tandindona sahady ny fandreseny ny ratsy sy ny fahafatesana. Aza adinoina àry, fa eo anivontsika mandrakariva i Jesoa ary tsy mamela antsika ho irery. Noho izany, tsy tokony hino fotsiny Azy isika fa hatoky tanteraka mihitsy. I Jesoa akory tsy natao mba hanao fahagagana ho antsika fa ho Tomponʼny voaary rehetra.

Matokia àry isika fa manala antsika amin’ny tahotra sy manampy antsika amin’ny sarotra i Jesoa. Izy tokoa no hiankinantsika eo amin’ny fiainana.

Ny rariny ho fampivoarana ny marefo

Arahanao amin'ny rakitsary eto ny firarian-tsoa avy amin'i Mgr Désiré Tsarahazana. "Raha tiantsika ny ho sambatra, dia tsy maintsy mampanjaka ny marina isika", hoy i Mgr Désiré Tsarahazana tamin’ny firarian-tsoa nataony ho an'ny Malagasy amin’izao Noely izao. Tia antsika rehetra tsy an-kanavaka Andriamanitra, noho izany dia tokony hifanaja sy hanampy ary hiaro ireo marefo indrindra.

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Entanin'ny fanantenana isika

Nivoaka tamin'ny 29 desambra 2020 ny fanazavana ofisaly ny teny fanentanan'i P. Ángel Fernández Artime, Recteur Majeur, ho an'ny taona 2021, mitondra ny lohateny ho : "Entanin'ny fananteanana isika : indro havaoziko ny zavatra rehetra" (Ap 21,5). Efa  nadika amin'ny fiteny dimy samihafa izy io: italianina, anglisy, espanola, portogey ary frantsay.

Tohiny...