Ny 1 desambra dia andro maneran-tany hiadiana amin'ny VIH-SIDA, ka ny loha-hevitra entina hanamarihana izany eto Madagasikara dia : "Ndao homena lanja ny zon'olombelona". Manomboka ny 30 novambra ary mifarana ny 1 desambra ny fanamarihana izay hatao any Antsiranana. Na mitondra ny tsimok'aretina VIH-SIDA aza ny olona iray dia manana ny zony. Fandaharana "miaina sy mitia" eto amin'ny radio Don Bosco, iarahana vaomieran'ny fahasalamana, eo an'ivon-toerana Arrupe.
Fantaro sy tandrovy ny rano satria antoky ny fahasalamana. Noho ny zava-misy ankehitriny indrindra ny fahasarotan'ny fahazoana rano fisotro madio sy ny tsy fiavian'ny orana, dia tsara ny hifanentanana mba samy hitandrina amin'ny fitantanana ny rano ny tsirairay. Ny olona miahy ny rano dia mitsimbiny ny aina, ny rano no fototry ny aina, ohatra ny 80% ny tenan'ny zaza dia rano avokoa. Mila manao ezaka ny tsirairay mba hikajiana ny rano izany hoe mametraka ny paik'ady fitsitsiana. Fandaharana "miaina sy mitia" eto amin'ny radio Don Bosco, iarahana vaomieran'ny fahasalamana, eo an'ivon-toerana Arrupe.
Fanamby maro no manoloana ny sehatry ny fanabeazana ankehitriny noho ny firoboroboana sy ny fandroasoan’ny teknolojia. Etsy andaniny maro ny tombotsoa azo avy amin’izy ireny, fa etsy ankilany kosa raha ny fanehoan-kevitra amin’ny mpandinika dia fantatra fa mbola banga ny fanabeazana eto Madagasikara, fa indrindra amin’izao fotoana mampiazakazaka ny tonolom-pivoarana izao. Misy ezaka sy andriakitra lehibe miandry ny Ray aman-dReny, satria ny fototry ny fanabeazana dia mianga avy any an-tokantrano. Fandaharana "miaina sy mitia" eto amin'ny radio Don Bosco, iarahana vaomieran'ny fahasalamana, eo an'ivon-toerana Arrupe.
Tsikaritra manoloana ny zava-misy ankehitriny fa miaina fanamby maro ny fiaraha-monina malagasy ; misedra olana maro izay hita amin’ny ankapobeny fa efa miantraika mivantana amin’ny isam-batan’olona. Anisan’ny misongadina ao anatin’ireny ny olana mianjady amin’ny tontolo iainana, hita fa mihasimba hatrany ireo voahary ; ny tsy fandriam- pahahelemana mampitaraina ny ankamaroan’ny Malagasy. Etsy ankilany, raha ny eto an-drenivohitra manokana dia mampitaraina ny mponina ny fahatapahan-jiro sy rano lava reny. Ireny rehetra ireny dia misy fiantraikany amin’ny fahasalamana. Fandaharana "miaina sy mitia" eto amin'ny radio Don Bosco, iarahana vaomieran'ny fahasalamana, eo an'ivon-toerana Arrupe.
• Manentana ny kristianina rehetra hanankina an'i Madagasikara amin'ny Fo Masin'i Jesoa, ny Fivondronamben'ny Evekan'i Madagasikara, amin'izao taon-jobily izao... • 12 taona katroka ny 13 marsa 2025, ny nahateo amin'ny Fiketrahana Masina ny Papa François... • Nanao antso avo amin'ny fampitomboana ny andraikitry ny vehivavy amin'ny fitandroana ny fandriam-pahalemana ny Vatica, ny alarobia 12 marsa 2025...
Tohiny...I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.
Tohiny...Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.
Tohiny...© 2025 Radio Don Bosco