Atolotr'i Rakotoarison James Daniel

Lohahevitra : Hirika

Voadika amin'ny fiteny :   

Naseho ny : 11 avrily 2023

Ketsa Saraka, na fafy saraka, ahazoana 10 taonina isaky ny hektara ny fampiharana ity teknika fambolem-bary nokarohany ity hoy jeneraly Rabemanantsoa Robert. Milonjehatra ny salohim-bary eny an-tanimbarin'i jeneraly amin'izao volana avrily izao. Tsy ho ela dia hampiaka-bokatra izy. Manam-boninahitra ambony misotro ronono nanana andraikitra ambony tao amin'ny tafika malagasy tamin'ny fotoan'andro ; liana tamin'ny voly vary.

Tohiny...

Atolotr'i Radio Don Bosco

Lohahevitra : Miaina sy mitia

Naseho ny : 7 mey 2021

Miara-manorina ny ho aviny sy ny maha olom-banona azy amin'ny ray aman-dreny ny zatovo ka ao an-tokantrano no tena hanefena izany. Ny andraikitry ny tanora manoloana ny maha zatovo azy dia ny fanajana ny ray aman-dreny, noho izy ireo fanomezana. Namana akaiky izy ireo ka hanokanana fotoana manokana hiarahana aminy, ary tsy andosirana mihitsy ny ray aman-dreny na dia mahasosotra ny zatovo aza ny ataony. Amin'izany dia ny zatovo mihitsy no mila miantso "Filankevi-pianakaviana" (Conseil de famille), ny teny sy ny fihetsika amin'izany kosa ezahana mba ho amim-panajana hatrany.

Tohiny...

Atolotr'i Andriambololona Samuel Aimé

Lohahevitra : Mba ho vanona

Voadika amin'ny fiteny :      

Naseho ny : 6 mey 2021

Ao anatin' ny fo no tena mandrindra ny fiainana ary mibaiko misimisy kokoa ny fitiavana. (05-05-2021)

Tohiny...

Atolotr'i Randriamanisa Liva Niaina

Lohahevitra : Ampela mihary

Voadika amin'ny fiteny :      

Naseho ny : 5 mey 2021

Rehefa miresaka ny hoe toe-tsaina fototra entina miatrika ny fiainana dia matetika izay mahakasika ny tena manokana hatrany no tonga ao an-tsaina. Tsy azo lazaina ho mivelatra tanteraka anefa ny olona iray, na atao hoe mahomby amin'ny lafiny rehetra aza, nefa manana disadisa eo amin'ny fiaraha-monina. Mitaky finiavana sy fandavan-tena lehibe, noho izany, ny ezaka hahazo ny hafa, izay tsy maintsy fantarina amin'ireo lafiny dimy maha olona. Dingana voalohany amin'izany ezaka izany ny fifehezan-tena tsy hitsaratsara foana.

Tohiny...

Atolotr'i Radio Don Bosco

Lohahevitra : Andriano ny fahasalamana

Voadika amin'ny fiteny :      

Naseho ny : 1 mey 2021

Ny hery fiarovana ao amin'ny vatan'ny olombelona dia fitambaran'ny singa maromaro, miara-miasa sy mifandrindra asa, mitily sy misakana izay rehetra mety ho fanafihana mahazo ny vatan'ny olombelona. Mila kolokoloina ny hery fiarovana ao amin'ny vatana mba hahatomombana tsara ny asany.

Tohiny...

Atolotr'i Rakotoarison James Daniel

Lohahevitra : Hirika

Voadika amin'ny fiteny :      

Naseho ny : 30 avrily 2021

Nidina ifotony nijery ny fomba fiasa teny amin'ny abattoir teny Ampasika, ao Antananarivo Atsimondrano, ny Minisitra Ranarivelo Lucien sy ny mpiara-miasa aminy, ny alatsinainy 26 avrily teo, manoloana ny fisian'ny FVR mahazo ny omby sy ny ondry aman'osy amin'ny faritra dimy eto Madagasikara.

Tohiny...

Atolotr'i Radio Don Bosco

Lohahevitra : Miaina sy mitia

Voadika amin'ny fiteny :      

Naseho ny : 30 avrily 2021

Ny olombelona dia vatana, saina sy fanahy. Samy mila sakafo izy telo ireo, samy mila fanabeazana, samy manana zo hivoatra, ary tsy azo sarahana. Mibe ny olona, mba hanovo soatoavina, ka mampifanaraka ny fanapahan-keviny amin'ny soatoavina tsara nibeazany ny tsirairay. Mba tsy handeha an-jambany ny "tanora miala sakana", dia tokony ho namany mandrakariva ny ray aman-dreny. Atsangana ao an-trano ny "conseil de famille", hibeazan'ny tsirairay, sy hanehoany ny maha olona feno azy.

Tohiny...

Atolotr'i Andriambololona Samuel Aimé

Lohahevitra : Mba ho vanona

Voadika amin'ny fiteny :      

Naseho ny : 29 avrily 2021

Na dia mandalo vanim-potoana sarotra aza dia tadidio fa mbola hisy ny tsirim-panantenana eo amin' ny fiainana. (28-04-2021)

Tohiny...

Atolotr'i Randriamanisa Liva Niaina

Lohahevitra : Ampela mihary

Voadika amin'ny fiteny :      

Naseho ny : 28 avrily 2021

Herintaona mahery no niatrehantsika ny valan'aretina nateraky ny Coronavirus. Nampisy fiovana teo amin'ny toe-tsaina sy ny fomba amam-panao ny fihanak'ity valan'aretina ity. Fiovana mankany amin'ny fandrosoana ve ? Sa mitondra fihemorana kosa ?

Tohiny...

Atolotr'i Radio Don Bosco

Lohahevitra : Andriano ny fahasalamana

Voadika amin'ny fiteny :      

Naseho ny : 24 avrily 2021

Aretina mpahazo ny biby mandinika ny Fièvre de la Vallée du Rift ka ny kaikitry ny moka no fomba fifindran'ny tsimokaretina eo amin'ny samy biby. Efa tamin'ny taona 1880 no nahafantarana ny fisiany, ary ny taona 1951, tao Afrika Atsimo, no nahitana voalohany tranga tamin'ny olombelona. Ny fikirakirana ny ran'ny biby marary sy ny fihinanana ny hena sy ny ronono tsy tsara masaka kosa no mampifindra ny tsimokaretina amin'ny olombelona.

Tohiny...

Atolotr'i Rakotoarison James Daniel

Lohahevitra : Hirika

Voadika amin'ny fiteny :      

Naseho ny : 23 avrily 2021

Marihana isaky ny 22 Avrily ny andro iraisam-pirenena ho an'ny tany. Andro natokana ho fanentanana ho fampiharana ireo fepetra isan-karazany hisitrahana ny zo momba ny fananan-tany sy ny fanakanana ny fihetsika rehetra amin'ny fahapotehan'ny ala sy ny fanaovana ny doro tanety. Isan'ny misehatra amin'izay fanajàna ny zo momba ny fisitrahana tany izay ny ONG Fiantso Madagasikara... 

Tohiny...

Atolotr'i Radio Don Bosco

Lohahevitra : Miaina sy mitia

Voadika amin'ny fiteny :      

Naseho ny : 23 avrily 2021

Mila fitoniana ny olona ankehitriny, indrindra manoloana izao valan'aretina izao, mila mametraka filaminana sy fandaminana. Miezaka mametraka fifandraisana tsara manomboka eo anivon'ny ankohonana ary miitatra hatramin'ny fiaraha-monina... 

Tohiny...