Lohahevitra : Tantara

Maty tamin'ny loza tsy voafaritra ny ray aman-drenin'i Bary ; azo kilasiana ho horohoron-tany no niseho izay nintelina an'ireo havany. 120 no isan'ny olona mponina tao Tsiafajavona, ny 30isa no tsy hita vokatry ny loza, olona miisa 10 sisa velona, ireo 80 hafa kosa tototry ny tany. Nalevina tamin'ny toerana iray ireo fokonolona maty, ary zary nisy hazo-malahelo naniry teo akaiky an'ilay toerana ; mandeha raha ilay hazo raha vao voatsongo. Narovana io toerana io, nasiana soratra hoe : "tany fady".

Lohahevitra : Tantara

Mifankatia i Nary sy Tiana, kanefa manana ny vady aman-janany iry voalohany. Ramatoa Hary dia mpiasa amin'ny orinasa madinika ary mpiasam-panjakana i Nary vadiny. Nahamahana an'i Hary ny fihetsiky ny vadiny saingy mbola tsy naka fanapaha-kevitra hafa izy. Noresahan'i Hary tamin'ny zanany lahy atao hoe Johary, ny fanahiany sy ny olana amin'ny fitantanana ny tokantrano. Tamin'ny alalan'ny vazivazy no nentin'ny reniny nananarana an'i Johary, indrindra ny fifehezan-tena manoloana ny fotoanan'ny fialana sakana.

Lohahevitra : Tantara

Mpiasa an-trano i Liza ary fianakaviana efa-mianaka no mpampiasa azy. Nandeha nitsangatsanga mba hialavoly izy efa-mianaka ; noho ny tonga tamin'ny toerana nokasaina haleha dia nanapa-kevitra ny hizara roa hitsidika toerana samihafa. Niaradia ny rainy sy i Ravo,  fa nisafidy lalana hafa i Rova sy ny reniny ; teny an-dalana hizaha rian-drano ireto farany no nisy tranga hafahafa satria nanjavona i Rova, izay tsy nahitàna fanazavana. 

Lohahevitra : Tantara

Mpampianatra mipetraka irery i Fenitra. Hariva izy vao nanidy trano indray andro, sendra  an'i Tojo izay nisy namono, ary namonjy an'io lehilahy io izy. Notsaboin'i  ny ferin'i Tojo. Mitebiteby Ingahy Ratrema sy Ramatoa Ramary ray aman-drenin'i Tojo, na efa nilaza tamin'ny mpitandro filaminana aza izy ireo. Rehefa nahatsiaro tena i Tojo dia gaga nahita ny manodidina azy izay trano hafa mihitsy, fonenan'i Fenitra. Tsy navelan'i Fenitra hivoaboaka i Tojo sao ho hitan'ireo jiolahy namono azy.

[Miara-dàlana] Zoma 26 aprily 2024

♦ Notanterahana ny sabotsy 20 aprily 2024 ny fanamasinana ho Eveka an'i S.E. Mgr le Cardinal Ángel Fernández Artime, Lehiben'ny Fikambanana Salezianin'i Don Bosco maneran-tany... ♦ Tao anatin'ny telo andro no nankalazan'ny Arsidiôsezin'i Fianarantsoa ny fetin'i Jesoa Mpiandry Ondry Tsara, teo amin'ny Kianjan'i Masindahy Josefa, Ambozontany, sady fanokafana ny taom-bolafotsy naha Eveka an'i Mgr Fulgence Rabemahafaly... ♦ Mandalo eto Madagasikara indray ny Hetsika Focolari, vondrona miaina sy mampiaina ny Evanjely amin'ny alalan'ny hira sy ny dihy ary indrindra ny vavaka...

Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...