Lohahevitra : Tantara

Niova tanteraka i Ravaka, nisaraka tamin'ireo naman-dratsiny, eny fa na dia efa nitoe-jaza tamin'i Sanda aza izy, ary vonona ny hitaiza ny zanany. I Sanda kosa vao mainka manohy ny asa ratsiny hatrany, raha efa niova ihany koa i Sedra, ary te hanaraka ny làlan'i Dina.

Lohahevitra : Tantara

Namaramparana ny fivahiniany eto Madagasikara i Line Bordas. Nametraka fahatsiarovana ho an'ilay rahavaviny kambana aminy izay hitany ihany izy. Fifankahitana  azo lazaina hoe niserana tao anatin'ny indray mipi-maso monja ihany, ary fifankahitana nitondrana fangirifiriana tsy hay fafana eo amin'ny androm-piainany manontolo.

Lohahevitra : Tantara

Tonga nampahery an'i Sedra tany am-ponja i Dina sy nanome vola fanampiana azy, ary nitaona azy mba hiverina amin'Andriamanitra. Nanao asa tselika miasa amin'ny hotely iray i Dina sy Ravaka fa tsy afaka mandefa vola ho azy ireo intsony ireo ray aman-dreniny. Notafihin'i Sanda sy ireo namany tao izy ireo ary dia lasany avokoa ny vola rehetra tao.

Lohahevitra : Tantara

Na dia liana ihany aza i Line Bordas rehefa tonga teny Ambinany, amin'ireto olona marobe mifanaretsaka miatrika ny famaranana ny Sambatra, dia niangavy mafy tamin'izy telo mianadahy izy mba haterina hody, rehefa avy nifamaly tamin'i Noro i Sambivelona ka nanao farateny taminy.

[Miara-dàlana] Alatsinainy 22 aprily 2024

♦ Nankalaza ny fetin'i Kristy Mpiandry Ondry Tsara, ny Eglizy maneran-tany omaly alahady 21 aprily 2024. Nankalaza izany koa ny tao amin'ny Diôsezin'i Port-Bergé... ♦ Hananganana "sanctuaire", eo ambany fiarovan'ny Olontsambara Lucien Botovasoa, sy "centre spirituel", ny eo amin'ny toerana naha martiry an'i Ramose Lucien Botovasoa... ♦ Nanentana ny mpino rehetra mba hamantatra ny tsiambaratelon'ny fiainany, miaraka amin'ny Jesoa Mpiandry Ondry Tsara, ny Papa François, tamin'ny Vavaka Ry Mpanjakavavin'ny Lanitra, omaly alahady...

Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...