Atolotr'i Radio Don Bosco

Lohahevitra : Miaina sy mitia

Voadika amin'ny fiteny :   

Naseho ny : 14 avrily 2023

Zava-mitranga amin'ny fiainan'ny olombelona ny fiankinan-doha. Mety ho vokatry ny tarazo, fahabangana niainana teo aloha ka itadiavana fomba hamenoana azy, tsy fahampiana amin'ny lafiny maro indrindra ny fitiavana, fahadisoam-panantenana no mety ho antony mahatonga izany. Zava-dehibe noho izany ny fifanampiana eo anivon'ny tokantrano ahafahana misoroka sy miala amin'ny fiankinan-doha mety mahazo ny olona iray, toy ny fankaherezana azy, fanomezan-danja azy, fanampiana azy hankafy ny tenany sy hahalala ny fahamendrehany, fampandraisana andraikitra azy ary ny fahatokisana omena azy sy azony avy amin'ireo akaiky azy. Miaraka amin'izany rehetra izany ny vavaka. Fandaharana "miaina sy mitia"

Tohiny...

Atolotr'i Radio Don Bosco

Lohahevitra : Miaina sy mitia

Voadika amin'ny fiteny :      

Naseho ny : 21 avrily 2023

Tranga manokana miseho amin'ny vehivavy ny fadimbolana. Manana dikany telo lehibe izy : voalohany, tonga amin'ny fahamaotiana ny zazavavy ; faharoa, manaporofo fa tsy nitoe-jaza ilay vehivavy ; ary fahatelo, manomboka indray ny tsinjerina vaovao. Fandaharana "miaina sy mitia"

Tohiny...

Atolotr'i Radio Don Bosco

Lohahevitra : Miaina sy mitia

Voadika amin'ny fiteny :      

Naseho ny : 28 avrily 2023

Manana  fifandraisana manokana   amin’Andriamanitra   isika  araka   ny  làlana   sy   ny traikefa ary ny sedra diavintsika tsirairay avy. Manana drafi-pitiavana ho ahy eto an-tany   Andriamanitra,   tsy   misy   kisendrasendra   izany.   Ny   zava-drehetra   dia nalahatr’Andriamanitra avokoa, ary ny faniriany ho antsika dia ny fiainana anatin’ny fahafenoana. Miantso ny olombelona hitady Azy Andriamanitra, hahafantatra Azy sy ho tia   Azy.   Tanora   mandalo  sedra   sy   fitsapana   aho   fa   tsapako   “fa   sarobidy   eo imason’Andriamanitra aho ary tonga eto (an-tany) aho ho amin’ny iraka manokana anirahany ahy”. Fandaharana "miaina sy mitia"

Tohiny...

Atolotr'i Radio Don Bosco

Lohahevitra : Miaina sy mitia

Voadika amin'ny fiteny :      

Naseho ny : 5 mey 2023

Toy ny isan-taona dia mikarakara ny antsoina hoe “Andro Sosialy” ny Asam-pamonjena sosialy sy ekolojika izay tantanan’ny Fikambanan’I Jesoa eto Madagasikara, mba ijerena akaiky sy itadiavana vahaolana manoloana ireo olana diavin’ny fiarahamonina. Araka ny lohahevitra dia hiresaka mahakasika ny fifidianana ity hetsika lehibe ity. Ny tanjona dia (i) ny hisoroka izay fifandirana ahiana hiseho na amin’ny lafiny ara-politika izany na amin’ny lafiny hafa toy ny firohotana isan-karazany na ny fikambanana ara-tsosialy, ka hisongadina ao anatin’izany ny firesahana ny etika sy ny moraly tokony ananana amin’ny andraikitra ara-politika... Fandaharana "miaina sy mitia"

Tohiny...

Atolotr'i Radio Don Bosco

Lohahevitra : Miaina sy mitia

Voadika amin'ny fiteny :      

Naseho ny : 12 mey 2023

Ilàna finiavana sy fahaizana ny mifanakalo hevitra. Manatsara ny fifandraisana eo amin’ny mpivady izany satria ny fifanakalozan-kevitra no ahafahan’ny andaniny sy ny ankilany mifankafantatra, mifankahazo, mifampatoky bebe kokoa hatrany. Ny fifanakalozan-kevitra ihany koa no ahafahana mifampizara ny fihetseham-po sy mifehy izany. Fifanakalozana mivantana, misy hafanana sy hafaliana no entanina araka izay azo atao. Eto dia manamafy ny fomba fiteny Malagasy : “Mpifankatia tsy mifaramafara hono, very ny androtokom-pitiavany, ady no farany”. Fandaharana "miaina sy mitia"

Tohiny...

Atolotr'i Radio Don Bosco

Lohahevitra : Miaina sy mitia

Voadika amin'ny fiteny :      

Naseho ny : 26 mey 2023

Napetrak’Andriamanitra eo anivon’ny zavaboahary mahagaga aho. Ny olombelona no zavaboahary tsara indrindra nataon’Andriamanitra. Isan’izany aho sy ireo olona manodidina ahy : izay no antsoina hoe fiaraha-monina. Faly aho fa manana ny toerako eo anivon’ny fiaraha-monina misy ahy. Manana adidy aho manoloana izany: manatsara azy, mikajy ny soa iombonana, mandray andraikitra, mibe sy manabe ny hafa, ho modely ho an’ireo tanora namako. Fandaharana "miaina sy mitia"

Tohiny...

Atolotr'i Radio Don Bosco

Lohahevitra : Miaina sy mitia

Voadika amin'ny fiteny :   

Naseho ny : 2 jona 2023

"Tsy ampy ny mitady elanelam-panahy hampifandraisana ny fiarovana ny voahary sy ny tombontsoa ara-bola, na koa ny fitandrovana ny tontolo iainana sy ny fampandrosoana. Mikasika izany, ny fisian’ny elanelam-panahy dia manemotra kely foana ny fotoana hingadonan’ny faharavana. Ny tsy maintsy atao fotsiny dia ny mamaritra izay atao hoe fandrosoana. Ny fivoarana ara-teknolojia sy ara-toekarena izay tsy mamela tontolo tsara kokoa sy hatsaran’ny lafim-piainana rehetra hiakatra ambony kokoa dia tsy azo heverina ho fandrosoana"(LS 194). Fandaharana "miaina sy mitia"

Tohiny...

Atolotr'i Radio Don Bosco

Lohahevitra : Miaina sy mitia

Voadika amin'ny fiteny :      

Naseho ny : 9 jona 2023

Ny fanabeazana dia adidin’ny ray aman-dreny haha-olom-banona sy haha-mahaleo tena ny zanaka. Ao anatin’izany dia maro ny karazana fanamby atrehina isaky ny sokajin-taonan’ireo zanaka. Etsy andaniny ihany koa anefa maro ny fanentanana
avy amin’ireo mpiaro ny zon’ny ankizy amin’ny fomba fanabeazana tokony ataon’ny ray aman-dreny. Hiatrehina izany rehetra izany dia mila mifanakalo hevitra amin’ny zanaka ny ray aman-dreny, mahazo ny filàn’izy ireo, manampy azy ireo amin’ny fanomanany ny hoaviny; ary indrindra, tsy hiraviravy Tanana manoloana ireo fanamby atrehina samihafa ka handray ny adidy ho antso sy iraka avy amin’Andriamanitra. Fandaharana "miaina sy mitia"

Tohiny...

Atolotr'i Radio Don Bosco

Lohahevitra : Miaina sy mitia

Voadika amin'ny fiteny :      

Naseho ny : 16 jona 2023

Hatao eto Antananarivo ny Fihaonambe nasionalin'ny ankizy andiany faha-3 na JNE Mada III, manomboka ny 26 jolay hatramin'ny 30 jolay 2023. Tsy mitovy amin'ny tanora izy ireo fa ankizy 6 ka hatramin'ny 14 taona, izany hoe ankizy tsy ampy taona. Mila atao mipetrapetraka tsara ny fiomanana rehetra indrindra ny fiahiana ny fahasalaman'ny ankizy, ka izay ny anton'ny fandaharana. Fandaharana "miaina sy mitia"

Tohiny...

Atolotr'i Radio Don Bosco

Lohahevitra : Miaina sy mitia

Voadika amin'ny fiteny :   

Naseho ny : 23 jona 2023

Ataontsika topi-maso miaraka ny amin'ny Trinite Masina ny tontolo izay iainantsika. Raha jerentsika araka ny fijerin'ny Trinite Masina izao tontolo izao dia mirona any amin'ny zava-dratsy ny ankamaroan'ny olona izay mitondra azy any amin'ny afobe fa tsy any an-danitra. Voairaka toa an'i Jesoa koa isika handrava ny herin'ny ratsy amin'ny manodidina antsika sy hanandratra an'Andriamanitra. Fandaharana "miaina sy mitia"

Tohiny...

Atolotr'i Radio Don Bosco

Lohahevitra : Miaina sy mitia

Voadika amin'ny fiteny :   

Naseho ny : 30 jona 2023

Amin’ny kolontsaina Malagasy, ny raibe sy ny renibe ary ny zokiolona no mpitahiry ny fahendrena sy ny soatoavina. Mpanabe izy ireo ary andrin’ny fianakaviana. Ny fananana azy ireo eo anivon’ny fianakaviana dia manome lanja ny fianakaviana sy ny ankohonana. Noho ny fandrosoan’ny teknolojia sy ny fivoaran’ny kolontsaina dia mihamihena ny lanja omen’ny fiarahamonina azy ireo. Manentana antsika araka izany ny Papa Ray Masina Fransoa, amin’ny namoronany ny andro maneran-tany ho an’ny raibe sy ny renibe ary ny zokiolona nanomboka ny taona 2021. Amin’ny taona ity dia ny 23 Jolay 2023 no hanamarinana izany ary anentanana ny kristianina iray manontolo ny fanomezan-danja azy ireo sy io andro maneran-tany io.

Tohiny...

Atolotr'i Radio Don Bosco

Lohahevitra : Miaina sy mitia

Voadika amin'ny fiteny :      

Naseho ny : 7 jolay 2023

Re tetsy sy teroa, ary miharihary tsy takona afenina ny fisian'ny tranga-na fidorohana toaka sy fandraisana zava-mahadomelina eo amin'ny tanora. Misedra olana goavana ny fiaraha-monina noho izany tranga izany, koa rariny raha resahana manokana ity loha-hevitra ity, mba hikatsahana vahaolana maharitra. Manana adidy amin'ny fikatsahana izany vahaolana izany ny tsirairay. Fandaharana "miaina sy mitia" iarahana amin'ny Ivon-terana Arrupe Madagasikara.

Tohiny...