- Eto izao ianao :
-
Fandraisana
-
Pastôraly
- Raki-tsarobidy
- Atolotr'i Ratovoarivelo Ndrasantsoa Marie Frédeline
- Lohahevitra : Raki-tsarobidy
-
Voadika amin'ny fiteny :
Ny tena marina dia matetika isika no tsy mifampiresaka ao anatin'ny fifanakalozan-kevitra. Andrasantsika fotsiny ny hahataperan'ny fandraisam-pitenenan'ny hafa hampidirantsika ny hevitsika. Amin'ny tranga toy izany, araka ny voalazan'ny filôzôfa Abraham Kaplan hoe : ny ady hevitra dia lasa resaka roa, olona roa miresaka zavatra roa amin'ny feo roa. Ny fihainoana no singa ilaina voalohany amin'ny fifampiresahana. Katesizy momba ny fifandraisan'ny mpiara-belona, iarahana amin'i P. Marcel Ranivomanalina.
- Atolotr'i Ratovoarivelo Ndrasantsoa Marie Frédeline
- Lohahevitra : Raki-tsarobidy
-
Voadika amin'ny fiteny :
Ny tsy fahampian'ny fihainoana izay matetika iainantsika amin'ny fiainana andavanandro, dia indrisy fa lasa iainan'ny sarambabem-bahoaka ihany koa ka toy izay hifampihaino dia indro isika lasa "miteny ao an-damosin'ny hafa". Maneho io fa aleontsika mitady marimaritra iraisana, toy izay hitady ny marina sy ny tsara ; aleontsika mifantoka amin'ny firesahana toy izay mihaino. Katesizy momba ny fifandraisan'ny mpiara-belona, iarahana amin'i P. Marcel Ranivomanalina.
- Atolotr'i Ratovoarivelo Ndrasantsoa Marie Frédeline
- Lohahevitra : Raki-tsarobidy
-
Voadika amin'ny fiteny :
Misy fampiasana ny fandrenesana mifanohitra amin'ny tokony ho asany : mihaino an-katakonana. Misy fakam-panahy hita eny rehetra eny vohizin'izao vanim-potoanan'ny Web-Social izao izay tsapa ho mihamafy hatrany, tsy inona izany fa ny mihaino sy mitsikilo, manao ny hafa ho toy ny fitaovana hanatrarana ny tombontsoantsika manokana. Katesizy momba ny fifandraisan'ny mpiara-belona, iarahana amin'i P. Marcel Ranivomanalina.
- Atolotr'i Ratovoarivelo Ndrasantsoa Marie Frédeline
- Lohahevitra : Raki-tsarobidy
-
Voadika amin'ny fiteny :
Hoy ny Pape François, ny fihainoana voalohany tokony ho karohintsika raha te hahita serasera tena izy dia ny fihainoana ny tenantsika aloha, ireo filantsika tena izy, izay voasoratra any am-pontsika tsirairay lalina any. Ary tsy maintsy miainga amin'ny fihainoana izay mahatonga antsika ho tokana aman-tany oharina amin'ny voaary rehetra : dia ny faniriana hifandray amin'ny hafa sy amin'Andriamanitra. Katesizy momba ny fifandraisan'ny mpiara-belona, iarahana amin'i P. Marcel Ranivomanalina.
[Miara-dàlana] Alatsinainy 16 jona 2025
• Ny fanakaikezana ny mahantra sy ny fanakaikezana ny pretra, ireo no teboka roa nisongadina, nandritra ny fihaonan'ny Evekan'i Madagasikara tamin'ny Papa Léon XIV... • Ankizy katolika manaja ny tontolo iainana, fanantenan'ny Eglizy : io no teny manentana ho an'ny ankizy rehetra tao amin'ny Diosezin'i Morombe, nentina nanamarihana ny Jobily 2025, ho an'ny ankizy... • Eokaristia Masina notanterahana tao amin'ny EKAR Masina Misely Itaosy omaly, no nentina nanamarihana ny fankalazana ny faha-25 taona niorenan'ny fikamban-drelijiozy Masera Carmélites Mineures de la Charité...
Tohiny...Tsy misy afaka manavotra antsika afa-tsy Andriamanitra
I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.
Tohiny...Zatti, rahalahinay
Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.
Tohiny...© 2025 Radio Don Bosco