- Eto izao ianao :
-
Fandraisana
-
Pastôraly
-
Tenin'ny Tompo
-
All languages
-
Malagasy
- Fanabeazana
- Atolotr'i Radio Don Bosco
- Lohahevitra : Miaina sy mitia
-
Voadika amin'ny fiteny :
Manana fifandraisana manokana amin’Andriamanitra isika araka ny làlana sy ny traikefa ary ny sedra diavintsika tsirairay avy. Manana drafi-pitiavana ho ahy eto an-tany Andriamanitra, tsy misy kisendrasendra izany. Ny zava-drehetra dia nalahatr’Andriamanitra avokoa, ary ny faniriany ho antsika dia ny fiainana anatin’ny fahafenoana. Miantso ny olombelona hitady Azy Andriamanitra, hahafantatra Azy sy ho tia Azy. Tanora mandalo sedra sy fitsapana aho fa tsapako “fa sarobidy eo imason’Andriamanitra aho ary tonga eto (an-tany) aho ho amin’ny iraka manokana anirahany ahy”. Fandaharana "miaina sy mitia"
- Atolotr'i Radio Don Bosco
- Lohahevitra : Mba ho vanona
-
Voadika amin'ny fiteny :
Mahaiza mifanampy isika Malagasy amin'ny fanjifàna ny vokatra eto an-toerana, fa ny vita avy any ivelany manabe takolaka ny hafa fotsiny. Tsangan-kevitra apetraka ny hoe : "maro tohanan'ny maro". Fandaharana "mba ho vanona", tontosaina eto amin'ny radio Don Bosco, iarahana amin'ny jeneraly Désiré Ramakavelo.
- Atolotr'i Radio Don Bosco
- Lohahevitra : Andriano ny fahasalamana
-
Voadika amin'ny fiteny :
Maro ny antony mety hahatonga ny sofina hanana olana amin'ny fandrenesana. Manongilana loha sy sofina, na mamerina manontany matetika raha misy miteny aminy ny olona manana olana amin'ny fandrenesana. Mila fitiliana akaiky amin'ny alalan'ny "audiometrie" io olana io. Mety ho tratrany ny sokajin-taona rehetra. Misy karazany roa amin'ny ankapobeny : voalohany, olana eo amin'ny fidiran'ny feo ; faharoa, olana eo amin'ny fandraisana ny feo. Fa mety ho izy roa miaraka koa. Ananan'ny manam-pahaizana manokana momba ny sofina vahaolana daholo ireo. Ilaina ny manatona mpitsabo raha vao misy olana ny fandrenesana. Tsy fisikotra ny sofina, tsy tsara ny mihaino feo mafy loatra fa mety hanimba ny sofina.
- Atolotr'i Randriamanisa Liva Niaina
- Lohahevitra : Ampela mihary
-
Voadika amin'ny fiteny :
Mila mahay miaina anaty fandanjalanjana ny olona mba tsy hiteraka olana amin'ny lafin-javatra hafa. Mila miezaka mahay ambony, mahay ambany isika, ary koa mila manaiky tsotra izao ny lalana nodiavina, indrindra raha tena fahasahiranana na lalan-tsarotra no nodiavina. Mila mahay miatrika fahasahiranana ary ihany koa mahay miaina fiadanana sy filaminana... Fandaharana "Ampela Miary" tontosaina eto amin'ny radio Don Bosco.
Sous-catégories
[Miara-dàlana] Zoma 9 mey 2025
• Nankahery ny vahoaka maneran-tany, hampanjaka ny fiadanana sy ny fandriam-pahalemana, ny Papa Léon XIV, tamin'ny fisehoany voalohany teo amin'ny Bazilikan'i Masindahy Piera ny 8 mey 2025 tamin'ny 7 ora sy 25 minitra, ora tany Roma... • Manentana ny olon-dehibe rehetra manerana an'i Madagasikara ny avy eo anivon'ny Vovonam-pirenena Katolikan'ny Lehibe, mba tsy hiandry farany vao hisoratra anarana, ho an'izay hiatrika ny JNA any Morondava... • Fenofeno ny fandaharam-potoanan'ny Papa Léon XIV, manomboka androany zoma 9 mey hatramin'ny sabotsy 24 mey 2025...
Tohiny...Tsy misy afaka manavotra antsika afa-tsy Andriamanitra
I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.
Tohiny...Zatti, rahalahinay
Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.
Tohiny...© 2025 Radio Don Bosco