Lohahevitra : Miaina sy mitia
Voadika amin'ny fiteny :  Français (France)   English (United Kingdom) 

Ny fanabeazana dia adidin’ny ray aman-dreny haha-olom-banona sy haha-mahaleo tena ny zanaka. Ao anatin’izany dia maro ny karazana fanamby atrehina isaky ny sokajin-taonan’ireo zanaka. Etsy andaniny ihany koa anefa maro ny fanentanana
avy amin’ireo mpiaro ny zon’ny ankizy amin’ny fomba fanabeazana tokony ataon’ny ray aman-dreny. Hiatrehina izany rehetra izany dia mila mifanakalo hevitra amin’ny zanaka ny ray aman-dreny, mahazo ny filàn’izy ireo, manampy azy ireo amin’ny fanomanany ny hoaviny; ary indrindra, tsy hiraviravy Tanana manoloana ireo fanamby atrehina samihafa ka handray ny adidy ho antso sy iraka avy amin’Andriamanitra. Fandaharana "miaina sy mitia"

Lohahevitra : Mba ho vanona
Voadika amin'ny fiteny :  Français (France)   English (United Kingdom) 

Ilaina eo amin'ny fiainana ny fitiavana sy ny fahamarinana ary ny fifampitokisana. Ireo telo ireo no mitondra ho amin'ny fahatsaram-piainana. Fandaharana "mba ho vanona" iarahana amin'ny jeneraly Ramakavelo Désiré.

Lohahevitra : Ampela mihary
Voadika amin'ny fiteny :  Français (France)   English (United Kingdom) 

Ny fiainan'ny olona dia mitohy hatrany, avy nandranto fianarana dia mitohy any amin'ny sehatry ny asa na sehatra hafa, indrindra ny sehatry ny fanambadiana. Ny fitiavana dia : fahasamihafana, fifamenoana, fifanekena, fifaliana, tebiteby, fiainana lava be. Ny olona mifankatia dia mampisongadina ny fahasamihafàna ary tonga amin'ny fifamenoana, ary mifanaiky hifampitantana amin'ny fiainana. Ny dingam-piainana isan-karazany dia ampy hanefy ny olona ara-po hatanty ny ratram-po.

Lohahevitra : Andriano ny fahasalamana
Voadika amin'ny fiteny :  Français (France)   English (United Kingdom) 

Amin'ny andro ririnina dia tsy mari-toerana ny hafanana fa miovaova, miteraka fahasarotana ara-pahasalamana ho an'ny olona izany, indrindra ho an'ireo marefo... Ny anton'ny fahasarotana ara-pahasalamana dia ny rivotra, ny hatsiaka, ary ny hamandoana. Rehefa mahare mangatsika ny vatana dia mikainkona ny lalan-dra, ary mitombo ny hery ilain'ny vatana, ary lasa marihitra ny ra. Malaina ny taovam-pandevonan-kanina, ary mety ho tonga amin'ny tsy fahampian-drano... Mitombo ny olona voan'ny sery...

Sous-catégories

Andriano ny fahasalamana

Miaina sy mitia

[Miara-dàlana] Zoma 8 aogositra 2025

• Hotanterahana ny alahady 10 aogositra 2025, ny fametrahana amin'ny fomban'ny Fiangonana eo amin'ny fiketrahana maha Evekan'ny Diosezin'i Fenoarivo Atsinanana azy an'i Mgr Marek Ochlak... • Mampitodika antsika hivavaka ho an'ireo fiaraha-monina sy firenena sarotra mihavana, ny Tambajotram-pivavahan'ny Papa Maneran-tany ho an'ity volana aogositra ity... • Nandefa hafatra ho an'ireo nandray anjara tamin'ny Fihaonan'ny Fivondronamben'ny Evekan'i Afrika sy i Madagasikara, ny Papa Léon XIV...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...