- Eto izao ianao :
-
Fandraisana
-
Fandaharana
-
Fanabeazana
- Andriano ny fahasalamana
- Atolotr'i Radio Don Bosco
- Lohahevitra : Andriano ny fahasalamana
-
Voadika amin'ny fiteny :
Ny fitondrana vohoka dia maharitra 9 volana. Ilaina ny fanaraha-maso ny vohoka manomboka amin'ny fahaefa-bolan'ny vohoka. Mbola ambony ny taha-pahafatesan'ny reny eo am-piterahana ; 70% amin'ny reny dia tsy miteraka any amin'ny tobi-pahasalamana fa any an-tranony ihany, ary izay no isany antony hisian'ny fahasarotana. Ireo fahasarotana mety hitranga : fahaverezan-dra be loatra, fanafian'ny otrik'aretina (sovoka), fivainganan'ny ra amin'ny faritry ny tongotra ary ny farany dia tsy filaminan-tsaina. 45 hatramin'ny 50 andro, aorian'ny fiterahana dia ilaina hatrany ny manara-maso ny fahasalaman'ny reny sy ny zaza, hisorohana izay mety ho fahasarotana, fizaham-pahasalamana isaky ny herinandro...
- Atolotr'i Radio Don Bosco
- Lohahevitra : Andriano ny fahasalamana
-
Voadika amin'ny fiteny :
Ny olona manana toe-batana "matavy" dia azo ambara fa marary. Ny hatavezana dia fiangonan'ny tavy be loatra ao amin'ny vatan'ny olombelona iray. Azo ambara fa manaranaka ny hatavezana satria mifampiankina amin'ny fomba fiaina andavanandro sy mahazatra io aretina io. Misy karazan'ny roa io aretina io : ny voalohany dia ireo mihoatra lanja, ary ny faharoa dia ny matavy. Ny mahasamihafa azy ireo dia ny valin'ny kajy IMC : Mihoatra lanja raha mihoatra na mira 25 ny IMC, ary matavy rah mira na mihoatra ny 30 ny IMC an'olona iray. Ny fomba hikajiana azy : Lanja (kg) zaraina amin'ny halavana ambitomboina halavana. IMC 16-18,4 = tsy ampy lanja ; 18,5-24,9= antonony... Marefo ara-pahasalamana ny olona matavy...
- Atolotr'i Radio Don Bosco
- Lohahevitra : Andriano ny fahasalamana
-
Voadika amin'ny fiteny :
Mila mitandrina ny olona rehetra satria misy mandavantaona ny covid-19 ary mety ho tratrany daholo ny sokajin'olona rehetra. Marihina fa ity coronavirus ity dia mety hiditra amin'ny : orona, maso, lalan-drivotra, sofina, ary mamonjy ny avokavoka. Rehefa tonga ao amin'ny avokavoka ny tsimokaretina dia miparitaka amin'ny vatana amin'ny alalan'ny lalan-dra. Maro ny taova tafian'io tsimokaretina io. Ny fambara : mikohoka, voan'ny sery, manavy, sempotra, reraka, mangovingovitra, miakatra ny tosi-dra... Ny fahavoazana mety hitranga : mivonto ny fo, marary ny voa, fahasimban'ny sarakaty ka mampihetsika ny toe-batana diabetika, misy tsy fahatomombanana ny saina, marary ny hoditra...
- Atolotr'i Radio Don Bosco
- Lohahevitra : Andriano ny fahasalamana
-
Voadika amin'ny fiteny :
Tsy tokony hisy kantsentsitra hivelona ao anatin'ny olombelona. Rehefa betsaka loatra ireo kankana ao anatin'ny olombelona iray dia mety hanentsina ny lalan-kanina, vavony, aty, tsinay. Ireo fambara : mihamahia, marary kibo matetika, mety mitarika tsy fahampian-dra, mangidihidy ny lava-body. Ny kankana dia azo avy amin'ny tanana maloto, sakafo tsy voadio tsara na amin'ny fitaovam-pihinanana maloto, mety ho avy amin'ny rano nosotroina na nirobohana ihany koa ny kankana. Ny kankana dia mety ho tafiditra avy any am-bava na amin'ny alalan'ny maso-koditra...
[Vaovao manokana] Alakamisy 2 mey 2024
Notendren’ny Papa François ho evekan’ny diosezin i Maintirano i Mompera RAKOTOASIMBOLA Clément Herizo, misioneran’ny Lasalety, Vicaire délegué de l’Adminstrateur apostolique ao Maintirano ankehitriny. Teraka ny 23 novambra 1974 tao Ambohimandroso- Ambohimanga Rova i Mgr Clément Herizo, ary ny 30 mars 1975 izy no nandray ny Sakramentan’ny Batemy tao Ambohimanga Rova. Tao Namehana izy no nandray voalohany ny Eokaristia Masina ny 12 novambra 1982, ary ny 23 aogositra 1998 no niroso tamin’ny Sakramentan’ny Fankaherezana tao Alarobia Antananarivo. Nandalina ny filôzofia tao amin’ny Scolasticat Saint Paul Tsaramasoandro Antananarivo izy ny taona 1999 ka hatramin’ny taona 2002.
Tohiny...Famantarana ny fitiavan'Andriamanitra antsika ny Noely
Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.
Tohiny...Zatti, rahalahinay
Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.
Tohiny...© 2024 Radio Don Bosco