Lohahevitra : Vaovao

♦ Miezaka misoroka ny tsy hisian'ny korontana eto Madagasikara ny vondrona afrikana, ka mampiantso ireo mpisehatra voakasik'izany mifanakalo hevitra amin'ny alalan'ny atrik'asa mandritra ny roa andro hifarana anio... ♦ Nambaran'ny filohan'ny fikambanana ZaViavy Miray Hina fa mila apetraka eto amintsika ny fitsinjaram-pahefana tena izy. Mivangongo ampelan-tanan'ny olom-bitsy ny fahefana eto Madagasikara hoy izy... ♦ Hotanterahana eto Madagasikara ny 25 aogositra hatramin'ny 03 septambra 2023 ny lalaon'ny nosy andiany faha-11, araka ny tapaka nandritra ny fivorian'ny Filan-kevitra iraisam-pirenen'ny lalaon'ny nosy aty amin'ny Faritry ny ranomasimbe indiana. Tanàna dimy no hanaovana izany...

Lohahevitra : Mba ho vanona
Voadika amin'ny fiteny :  Français (France) 

Mila mifanampy ny fianakaviana, ary atao zava-dehibe ilay fomba fiheverana malagasy hoe "tantsoroka sy valy tanana". Mampifanakaiky am-po ary mitondra amin'ny fifampitokisana sy ny fahatokisan-tena ny fifanampiana ary ahafahana mpampivelatra ny fahefana anaty. Fandaharana "mba ho vanona", tontosaina eto amin'ny radio Don Bosco, iarahana amin'i Jeneraly Désiré Ramakavelo.

Lohahevitra : Vaovao

♦ Naneho ny heviny momba ilay fikasan'ny solombavambahoaka hanao fitsipaham-pitokisana ny governemanta farany teo ny vondrona afrikana. Tokony hajaina ny lalàna velona raha misy ny fifampitsabahana andraikitra eo amin'ny andrim-panjakàna mpanao lalàna sy ny mpanatanteraka hoy Ramatoa Hawa Ahmed Youssouf... ♦ Nanomboka omaly, hitohy anio ny fikaonandoham-pirenena karakarain'ny Hetsika Iombonana ho an'ny Fanarenana sy Fanorenana Ifotony an'i Madagasikara... ♦ Hanatitra taratasy eny amin'ny Fitsaràna Avo momba ny Lalam-panorenana ny Firaisan-kinan'ny Sekoly tsy miankina amin'ny finoana, taorian'ny nandanian'ny Antenimiera ilay volavolan-dalàna momba ny fanavaozana ny rafi-panabeazana...

Lohahevitra : Kintan'ny finoana
Voadika amin'ny fiteny :  Français (France)   English (United Kingdom) 

15 desambra — Teraka tao Colastri ao Cappadoce i Christiane, na Nina, na Ninon, na ihany koa Nune. Ny tena anarany dia tsy fantatra mazava fa ireo anarana ireo dia nomen'ny olona tao Géorgie azy, noho izy nitory ny fivavahana kristianina, avy amin'ny hoe mpianatr'i Kristy. Ny Nina dia fanafohezana ny Christiane, ny Nune kosa dia fiantsoana ireo vehivavy relijiozy.

Sous-catégories

Vaovao

Arofanina

[Miara-dàlana] Zoma 9 mey 2025

• Nankahery ny vahoaka maneran-tany, hampanjaka ny fiadanana sy ny fandriam-pahalemana, ny Papa Léon XIV, tamin'ny fisehoany voalohany teo amin'ny Bazilikan'i Masindahy Piera ny 8 mey 2025 tamin'ny 7 ora sy 25 minitra, ora tany Roma... • Manentana ny olon-dehibe rehetra manerana an'i Madagasikara ny avy eo anivon'ny Vovonam-pirenena Katolikan'ny Lehibe, mba tsy hiandry farany vao hisoratra anarana, ho an'izay hiatrika ny JNA any Morondava... • Fenofeno ny fandaharam-potoanan'ny Papa Léon XIV, manomboka androany zoma 9 mey hatramin'ny sabotsy 24 mey 2025...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...