Lohahevitra : Vaovao

♦ Nosamborina noho ny kabariny hitarika olona hidina an-dalam-be ny kandidà Jean Jacques Ratsietison omaly, raha ny fanazavàn'ny mpitandro filaminana. Niteraka resa-be ny zom-pirenena frantsay ananany, taorian'ny namotsorana azy... ♦ Nisy fiovàna ny fandaharam-potoanan'ilay ady hevitra hifanatrehan'ireo kandidà miisa 3 manao fampielezan-kevitra, handeha amin'ny haino aman-jerim-panjakàna. Nahemotra amin'ny alatsinainy izao izany, araka ny fanazavàn'ny CENI... ♦ Manomboka mihena ny fandefasan'ireo orinasa afak'haba entana any ivelany, noho ny tahotry ny krizy pôlitika misy eto amintsika. Misy amin'ireo orinasa ireo no efa mandefa mpiasa anaty fiatoana ara-teknika hoy ny Randrana Sendikaly...

Lohahevitra : Filira

Ny lalao dia fialamboly hikatsahana fafinaretana, fitaizana sy fanabeazana. Ny tanjona amin'ny lalao iray dia fitantanana ny olona iray haleo-tena, hahay hanavaka ny tsara sy ny ratsy, hahay hiaina fandresena sy fahombiazana. Ny lalao dia nentina namondronana olona maromaro hisehoan'ny firaisan-kina. Ny lalao malagasy dia maro ary misy ho an'ny sokajin-taona rehetra sy ny sokajin'olona : vavy sy lahy, zaza, ankizy, tanora, lehibe. Ny lalao dia sady afahana mampiasa vatana no azo hampiasana saina ihany koa. Ny dihy sy ny hira dia isan'ireo lalao malagasy...

Lohahevitra : Vaovao

♦ Nosamborina teny Analakely ary navotsotra omaly tamin'ny 8 ora alina ihany ny kandidà ho filoham-pirenena Jean Jacques Ratsietison, anatin'ny vondron'ny kandidà. Tsy fantatra mazava ny antony nisamborana azy... ♦ Nidoboka eny am-ponja vonjimaika ny 5 tamin'ireo olona miisa 11 nosamborina, noho ny fihetsiketsehana ny sabotsy, nandritra ny hetsika fotsy notarihin'ny vondron'ireo kandidà. Ny 9 novambra izao ny fotoam-pitsaràna azy ireo... ♦ Nofoanana vonjimaika ny sidina iraisam-pirenena sahanin'i Madagascar Arlines, noho ny fantiantoka ara-bola. Nanazava ny momba izany omaly ny tale jeneralin'ity kaompania an'habakabaka nasiônaly ity...

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ao amin'ny Eglizy, manana toerana lehibe ny fianakaviana araka ny fomba fiteny efa mahazatra antsika hoe ny fianakaviana dia Eglizy kely ao an-tokantrano. Sarobidy eo imason' Andriamanitra ny fianakaviana satria teo amin'ny tantaram-pamonjena, fianakaviana tao Nazareta no nidiran'ilay Olona faharoa amin'ny Trinite Masina ka nanatanterahiny ny Mistery Fahatongavana ho Nofo. Katesizy momba ny Eglizy, ny fianakaviana sy ny pôlitika, iarahana amin'i P. Abdon Rafidison. 

Sous-catégories

Vaovao

Arofanina

[Miara-dàlana] Alatsinainy 11 aogositra 2025

• Kristy, loharanon'ny fanantenana, ny fampihavanana ary ny fiadanana. Vinan'ny Fiangonana Fianakavian'Andriamanitra eto Afrika, ho an'ny 25 taona ho avy. Io no hafatra avy amin'ny Fihaonambe faha-20-n'ny Fivondronamben'y Eveka Katolika eto Afrika sy Madagasikara... • Tontosa ny 10 aogositra 2025 ny Eokaristia Masina, nametrahana an'i Mgr Marek Ochlak, teo amin'ny fiketrahana maha Evekan'ny Diosezin'i Fenoarivo Atsinanana azy... • Na aiza na aiza misy antsika, aza avela ho verivery foana ny fotoana ahafahana mitia. Io no fanentanana nataon'ny Papa Léon XIV, nandritra ny vavaka Angelus omaly...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...