Lohahevitra : Vaovao

♦ Entanina tsy hanararaotra amin'ny fampiakarana mihoampampana ny vidin'ny entana ilaina andavanandro ny mpivarotra sy ny mpandraharaha, manoloana ny fiakaran'ny vidin-tsolika, izay tsy azo nialana hoy ny teo anivon'ny fiadidiana ny repoblika... ♦ Manan-karena volamena i Madagasikara ho ny Synpromine-Mad na "syndicat professinnel des mines de Madagascar, ka tokony fehezina tsara io sahatry ny volamena io mba hampivoarana ny tanindrazana... ♦ Mitaraina amin'ny alafon'ny ankora fototra sy ny tsy fisian'izany ny mpanao asa-tanana malagasy, lasan'ny sinoa eny ifotony ambongadiny izany tao anatin'ny taona vitsy izay ho izy ireo...

Lohahevitra : Vaovao

♦ Haparitaka isan-diôsezy ireo fehin-kevitra nivoitra tamin'ny fakan-kevitra sinaodin'ny Eveka 2023. Nofaranana omaly teny amin'ny ESCA Antanimena ny fakan-kevitra sinaodin'ny Eveka 2023, sehatra nasiônaly... ♦ Vehivavy miisa 5 no maty an-dranomasina omaly tany Manakara. Efa miisa 3 ireo voasambotra tamin'ilay vonon'olona 32 nitranga tany Ambohitriniandriana-Ankazobe... ♦ Vinavinaina ho tanterahana amin'ny volana septambra izao ny fikaonan-doham-pirenena. Tinapak'ireo mpizaika tamin'ilay dinik'asa iombonana ho fanomanana ny fikaonan-doham-pirenena, natao ny faran'ny herinandro teo io...

Lohahevitra : Hirika
Voadika amin'ny fiteny :  Français (France)   English (United Kingdom) 

Nanatevi-pahalalana nandritra ny telo andro tao Betsitaisana, Fokontany Tsimiambolahy ao amin'ny Kaominina ambanivohitra Fihaonana, Distrika Ankazobe, amin'ny alalan'ny fiofanana, ireo tantsaha miara-miasa amin'ny Fikambanana "Tsiky Tsika".

Lohahevitra : Vaovao

♦ Miombon-kevitra amin'ny tokony hisian'ny fifampiresahann'ny ankolafin-kery eto amin'ny firenena ny antoko Otrikafa. Tsy ekena hoy izy ireo ny fikatsahana fiaraha-miasa aorian'izany dinika izany... ♦ Tompon'antoka amin'ny fidangan'ny vidin'ny entana ilaina andavan'andro eto amintsika ny ministeran'ny varotra hoy ny filohan'ny Fikambanan'ny Tanora avara-pianarana na ny FITAMA... ♦ Mampiodina tetik'asa mivohy mankany amin'ny fandriampahalemana ny Antilin'i Madagasikara any amin'ny diosezy Ambositra... ♦ Hifampiresaka amin'ny lehiben'ny diplômasia rosiana ny lehiben'ny diplômasia amerikana. Tsy mbola voafaritra ny fotoana hanaovana izany...

Lohahevitra : Miaina sy mitia
Voadika amin'ny fiteny :  Français (France)   English (United Kingdom) 

Ny hanaovana ny asa tsara ho lovan'ny taranaka dia isan'andro mihitsy no hiainana azy. Noheverintsika hoe izay tsy ilaina dia fako ka ariana, kanefa mbola misy ny azo hampiasana azy ireny : ohatra ny fakon-dakozia dia ahazoana zezika compost ; ny rano nanasana sakafo dia ahafahana mamokatra olitra ho sakafon'ny akoho amam-borona ; ireo voan'ny voankazo dia ahafahana mamatsy tanin-jana-kazo kely eo an-jaridaina ; ny taim-biby ahodina ho "biogaz" ; ny vatan-kazo sy ny raviny hanatsarana ny "permaculture" ; ny "plastique" azo atao tavy dia hambolena anana sy ny voankazo. Ireo no hatao dia efa mametraka lova ho an'ny taranaka isika no sady mitsinjo ny tontolo iainana.

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Mifameno ny lehilahy sy ny vehivavy ka izay fifamenoan'izay no mahatonga azy ireo hifanolotra fitiavana. Ny fanambadiana dia misy fototra ara-tsoratra masina : Ary hoy Iaveh Andriamanitra: Tsy tsara raha irery ny lehilahy; fa hanaovako mpanampy azy mitovy aminy izy. Jen2; 18. katesizy momba ny fanambadiana, iarahana amin'i P. Rarivoson Aurélien.

Lohahevitra : Raki-tsarobidy

Masina ny fanambadiana fa tsy kilalao. Manana ny hajany ambony loatra ka mendrika, tsy natao hosihosena amin'ny tany. Hoy ny Soratra Masina hoe : Aoka hanan-kaja amin'ny olona rehetra ny fanambadiana, ary aoka tsy ho voaloto ny fandrian'ny mpivady, fa hoheloin'Andriamanitra ny mpijangajanga sy ny mpaka vadin'olona. katesizy momba ny fanambadiana, iarahana amin'i P. Rarivoson Aurélien.

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny fanambadiana dia lehilahy sy vehivavy mifanolotra fitia ka tsofin-drano eo anatrehan'Andriamanitra vao afaka miroso amin'ny asa-pahariana. Tsy tokony hatao andrakandrana ny fanambadiana. Ny fanambadiana dia tsy fitaovana hikarohana fahafinaretana fotsiny ihany ka noho izany dia ilàna fiomanana tsara. katesizy momba ny fanambadiana, iarahana amin'i P. Rarivoson Aurélien.

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Raha vao miresaka ny "aina" dia ireto ny fanontaniana tonga ao an-tsaina : Avy aiza ny aina? Inona no famaritana ny hoe "aina"?. Mifototra amin'ireo fanontaniana ireo ny hahatsapana ny hasarobidin'ny aina, indrindra ny ain'olombelona ka mampiavaka azy amin'ny zava-manan'aina hafa rehetra. Ny "aina" dia tsy mbola nisy nahavita na iza na iza afa-tsy Andriamanitra irery ihany. katesizy momba ny hasarobidin'ny aina, iarahana amin'i P. Rafaralahimboa Justolat.

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Maro ny azo hamaritana ny "aina" raha izao taon-jato diavintsika izao no jerena. Tsy tokony hadino amin'ny maha kristiana fa Andriamanitra Velona no manome ny "aina" raha tsy hiresaka afa-tsy izay voalazan'ny Baiboly isika. Ny "aina" dia miantomboka eo amin'ny fiforonany ka mahatonga azy ho olona na zava-manan'aina velona iray ary miafara amin'ny fahafatesana. katesizy momba ny hasarobidin'ny aina, iarahana amin'i P. Rafaralahimboa Justolat.

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny olombelona dia miavaka noho ireto antony ireto : ny fananana fihetseham-po sy ny hafaliana lehibe raha misy aina vaovao teraka eto an-tany ; raha misy zavatra mampijaly ny aina dia mihetsi-po malahelo ary ory tokoa ny olona manoloana ireo namana voan'izany ; raha misy fahafatesana dia mahatsiaro malahelo ary maneho fisaonana mihitsy. katesizy momba ny hasarobidin'ny aina, iarahana amin'i P. Rafaralahimboa Justolat.

Lohahevitra : Vaovao

♦ Mikaon-doha mandritra ny 03 andro eny Ambohipo ireo pretra, relijiozy, laika ao amin'ny vaomieran'ny fifandraisan'ny mpiara-belona avy amin'ny diosezy 22 eto Madagasikara... ♦ Nitsoaka ny fonja nihazonana azy tao Ambalatavoahangy any Toamasina ny voafonja miisa 03 lahy. Voasambotra ny iray, nifampitadiavana hatramin'ny omaly hariva ny 02 ambiny... ♦ Nidinika ny olana sedrain'ny mpisolo vava eo am-panatanterahana ny asany omaly ny holafitra sy ny ministeran'ny fitsaràna... ♦ Miisa 650.000 mahery ny isan'ny olona matin'ny SIDA tamin'ny taona 2021 araka ny tatitra navoakan'ny OMS. Miisa 1.500.000 mahery ireo mitondra ny tsimok'aretina araka ny fitiliana natao ny 2021...

Sous-catégories

Malagasy

[Miara-dàlana] Zoma 22 aogositra 2025

• Miorina amin'ny fanantenana hadio toa an'i Kristy. Io no teny hifanentanan'ireo Fanilon'i Madagasikara manatanteraka Lasy Nasionaly, nanomboka ny 18 hatramin'ny 23 aogositra 2025... • Tanora, mpivahiny masina miisa 869 no nahatanteraka ny Andron'ny Tanora ho an'ny Diosezin'i Mahajanga, tamin'iny herinandro lasa teo iny... • Notanterahana tao amin'ny Diosezin'Ambanja ny Fivahinianana Masina andiany faha-2 ho an'ny Vondrona Iniasianina...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...