Atolotr'i Radio Don Bosco

Lohahevitra : Vaovao

Naseho ny : 23 septambra 2021

♦ Olona roa tapitrisa eo no hiniana vonoina amin'ny fivelomany, manoloana ny fahapotehan'ny seha-pihariana lavanila eto Madagasikara, hoy ireo avy any Sava. Miantso ny fanjakana tsy hametra ho 66 fotsiny ireo mpandraharaha afaka manondrana lavanila izy ireo... ♦ Mikasa ny hanome ny fitantanana ny hetra sy ny fadintseranana ho an'ny orinasa tsy miankina ny fanjakana foibe. Mitsipaka izany marindrano ireo sendikà eo anivon'ny Minisiteran'ny vola, raha nanao fanambarana androany...

Tohiny...

Atolotr'i Ramiandrasoa Jean Emilien Louis Marc

Lohahevitra : Tenin'ny Tompo

Voadika amin'ny fiteny :      

Naseho ny : 5 oktobra 2021

Talata 5 oktobra 2021 — Herinandro fahafito amby roapolo mandavantaona — Sokafy, ry Tompo, ny fonay mba hitandremanay ny tenin-Janakao — Evanjely Masina nosoratan'i Masindahy Lioka 10, 38-42

Tohiny...

Atolotr'i Ramiandrasoa Jean Emilien Louis Marc

Lohahevitra : Tenin'ny Tompo

Voadika amin'ny fiteny :      

Naseho ny : 4 oktobra 2021

Alatsinainy 4 oktobra 2021 — Herinandro fahafito amby roapolo mandavantaona — Izay mitandrina ny didin’i Kristy, no manana ny fitiavana an’Andriamanitra lavorary ao aminy tokoa — Evanjely Masina nosoratan'i Masindahy Lioka 10, 25-37

Tohiny...

Atolotr'i Radio Don Bosco

Lohahevitra : Vaovao

Naseho ny : 23 septambra 2021

♦ Kely finoana amin'ny ahazoan'i Madagasikara ny nosy malagasy manodidina ny mpanao politika Ralison Roger taorian'ny lahatenin'ny filoham-pirenena, omaly tany New York. Tsy maintsy hiafara amin'ny fiaraha-mintantana ny zava-misy... ♦ Tsy nanafina ny ahiahiny amin'ny mety hahafaty ny sehatry ny fizahan-tany eto amintsika ny mpandraharaha amin'izany raha toa ka tsy mbola hisokatra ny sisin-tanin'i Madagasikara... ♦ Manomboka mamerina ireo sehatr'asany teo aloha indrindra ireo kaompania misehatra amin'ny dihy eto Madagasikara. isan'izany ny kaompania Zarasoa sy ny sekoly Zarasoa...

Tohiny...

Atolotr'i Radio Don Bosco

Lohahevitra : Miaina sy mitia

Voadika amin'ny fiteny :      

Naseho ny : 24 septambra 2021

Miantoka ny fahasalamana sy ny fahatokisan-tena ny nify ka mila fanaraha-maso sy fikarakarana tsy an-kiato. Maro ny antony samihafa toy ny tahotra, ny ara-bola, ny tsaho, ny finoanoampoana isan-karazany mahatonga ny olona tsy hikarakara loatra ny nify. Vokatr'izany ratsy ny nify, mitarika aretina maro sy tsy fahatokisan-tena eo amin'ny fifandraisana aman'olona.

Tohiny...

Atolotr'i Ramiandrasoa Jean Emilien Louis Marc

Lohahevitra : Tenin'ny Tompo

Voadika amin'ny fiteny :      

Naseho ny : 3 oktobra 2021

Alahady 3 oktobra 2021 — Alahady fahafito amby roapolo mandavantaona — Fanahy sy fiainana, ry Tompo, ny teny voalazanao, Ianao no manana ny teny fiainana mandrakizay — Evanjely Masina nosoratan'i Masindahy Marka 10, 2-16

Tohiny...

Atolotr'i Radio Don Bosco

Lohahevitra : Vaovao

Naseho ny : 23 septambra 2021

♦ Noresahan'ny filoha Malagasy Andry Rajoelina teo amin'ny fivorian'ny firenena mikambana ny momba ny fitakiana hamerenana amin'i Madagasikara ny nosy manodidina "Iles Eparses"... ♦ Manameloka ny tranga famonoan'olona tany amin'ny kaominina Marovitsika ny CNIDH. Tranga nahafaty olona 45 vokatry ny fifandonana teo amin'ny fokonolona sy ny dahalo nanafika azy ireo... ♦ Am-pandaminana ny fandraisana ireo mpianatra vao afaka bakalorea farany teo ny Oniversiten'Antananarivo. Hisy fivoriana manokana handinihina ny momba izany hoy ny Pr Ravelomanana Mamy...

Tohiny...

Atolotr'i Radio Don Bosco

Lohahevitra : Vaovao

Naseho ny : 22 septambra 2021

♦ Namoaka fanambarana manameloka ny tranga famonoana olona tany amin'ny kaominina Marovitsika ny CNIDH... ♦ Mbola eo am-pandaminana ny fandraisana ireo mpianatra vao afaka bakalorea farany teo ny Oniversiten'Antananarivo... ♦ Ho mora noho ny saran'ny Taxi ny saran'ny "téléphérique" kasaina hapetraka ao an-drenivohitra...

Tohiny...

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 22 septambra 2021

Indray sabata, raha niditra hisakafo tao an-tranon’ny loholon’ny Farisianina anankiray i Jesoa dia nitsikilo Azy izy ireo. Ary nony hitan’i Jesoa ny hamaizan’ny olona nasaina naka ny fitoerana voalohany, dia nanao itý fanoharana itý tamin’izy ireo Izy nanao hoe: "Raha asaina amin’ny fampakaram-bady ianao, aza mipetraka amin’ny fitoerana voalohany, fandrao misy olona nasaina ambony toetra noho ianao, ka ho avy izay nanasa anao sy izy, hilaza aminao hoe: ‘Omeo an’itý ny fitoeranao’, ary amin’izay, dia ho menatra ianao hifindra arý amin’ny fitoerana farany. Fa raha asaina ianao, dia any amin’ny fitoerana farany mipetraka, ka raha tonga izay nanasa anao, dia hilaza aminao hoe: ‘Mandrosoa, ry sakaiza etsy alohaloha kokoa’; amin’izay dia hahazo voninahitra eo imason’izay rehetra hiara-mihinana aminao ianao. Fa izay rehetra manandra-tena no haetry, ary izay manetry tena no hasandratra."

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 22 septambra 2021

Indray sabata, raha niditra hisakafo tao an-tranon’ny loholon’ny Farisianina anankiray i Jesoa, dia nitsikilo Azy izy ireo. Ary indro nisy lehilahy anankiray manirano teo anatrehany. Dia niteny i Jesoa ka nanao tamin’ny mpampianatra ny Lalàna sy ny Farisianina hoe: "Azo atao ve ny manasitrana amin’ny andro sabata?" Fa tsy niteny tsy nivolana izy ireo. Dia noraisin’i Jesoa tamin’ny tanany kosa ralehilahy ka nositraniny ary nalefany handeha, izay Izy vao nilaza tamin’izy ireo hoe: "Raha latsaka amin’ny fantsakana lalina ny ampondra na ny ombinareo, iza aminareo no tsy hanafaka azy faingana na dia sabata aza ny andro?" Fa tsy nanan-kavaly an’izany izy ireo.

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 22 septambra 2021

Tamin’izany andro izany, dia nisy Farisianina sasany nanatona an’i Jesoa, ka nanao taminy hoe: "Mandehana miala eo Ianao, fa tadiavin’i Herôda hovonoina." Dia hoy Izy tamin’ireo: "Mandehana lazao amin’izany amboadia izany hoe: Indro mandroaka demony sy manasitrana marary Aho anio sy rahampitso, fa amin’ny andro fahatelo vao ho tanteraka ny amiko. Kanefa tsy maintsy tohiziko ihany ny diako anio sy rahampitso ary rahafakampitso; satria tsy mety raha mpaminany ka dia hovonoina ivelan’i Jerosalema. Ry Jerosalema, ry Jerosalema, izay mamono ny mpaminany sy mitora-bato izay irahina aminao, impiry re no nitadiavako hamory ny zanakao tahaka ny reniakoho mambomba ny zanany eo ambany elany, fa tsy nety ianareo! Ary indro fa avela aminareo ny tranonareo. Fa lazaiko aminareo fa tsy hahita Ahy intsony ianareo ambara-pilazanareo hoe: Hosoavina anie Ilay avy, amin’ny Anaran’ny Tompo."

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 22 septambra 2021

Tamin’izany andro izany, i Jesoa nitety tanàna sy vohitra maro ka nampianatra sy nandroso ho any Jerosalema. Ary nisy olona anankiray nanontany Azy hoe: "Tompoko, moa dia vitsy ihany no ho voavonjy?" Ka hoy Izy tamin’ny olona: "Mikeleza aina hiditra amin’ny varavarana ety; fa lazaiko aminareo fa maro no hitady hiditra nefa tsy ho afaka. Satria raha efa hitsangana manidy ny varavarana ny tompon-trano no tavela any alatrano ianareo ka handondòna ny varavarana hanao hoe: ‘Tompoko, vohay izahay’, dia hovaliany hoe: ‘Tsy fantatro izay niavianareo.’ Ary amin’izay ianareo dia hanao hoe: ‘Nihinana sy nisotro teo anatrehanao izahay, ary nampianatra teny amin’ny kianjanay Ianao.’ Fa hovaliany hoe: ‘Lazaiko aminareo fa tsy fantatro izay niavianareo; mialà amiko ianareo rehetra mpanao ratsy.’ Ary amin’izay vao hisy fitomaniana sy fikitroha-nify rahefa hitanareo eo amin’ny fanjakan’Andriamanitra i Abrahama sy i Isaaka ary i Jakôba mbamin’ny mpaminany rehetra, fa ianareo kosa ho voaroaka any ivelany. Hisy olona avy any Atsinanana sy Andrefana, ary avy any Avaratra sy Atsimo, hipetraka hihinana eo amin’ny fanjakan’Andriamanitra. Ary indro hisy farany izay ho voalohany, ary hisy voalohany ho farany."