Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 6 aogositra 2021

Tamin’izany andro izany, nanatona an’i Jesoa i Piera nanao hoe: "Tompoko, raha diso impiry amiko moa ny rahalahiko no tokony hamela azy aho? Hatramin’ny impito va?" Dia hoy i Jesoa taminy: "Izaho tsy milaza aminao hoe: hatramin’ny impito fa hatramin’ny impitopolo fito. Koa amin’izany ny fanjakan’ny lanitra dia tahaka ny mpanjaka anankiray izay te-hamotopototra ny toe-pananany amin’ny mpanompony; ary raha vao nanomboka nanao izany izy, dia nentiny teo aminy ny anankiray izay ananany talenta iray alina. Ary noho izy tsy nanan-kaloa, dia nasain’ny tompony hamidy izy sy ny vadiny aman-janany, mbamin’ny fananany rehetra, mba hanefana ny trosa. Dia niankohoka ilay mpanompo, ka nifona taminy hoe: "Mba omeo andro aho, dia haloako daholo ny anao rehetra." Nangoraka ny fon’ilay tompon’izany mpanompo izany, ka sady nandefa azy handeha no namoy ny trosa taminy.

Fa raha vao nivoaka ilay mpanompo, dia tojo itý mpanompo namany anankiray izay ananany denie zato; noraisiny tamin’ny tendany ilay io ka nokendainy nataony hoe: "Aloavy ny trosako any aminao." Niankohoka ilay namany, dia nifona taminy nanao hoe: "Mba omeo andro aho, dia haloako ny anao rehetra." Nefa tsy nety izy fa lasa nampanao azy an-tranomaizina, ambara-pandoany ny trosa. Nalahelo loatra ny mpanompo sasany nony nahita izany, ka lasa nilaza izany rehetra izany tamin’ny tompony. Dia nampanalain’ny tompony izy ka nilazany hoe: "Ry mpanompo ratsy fanahy, efa nafoiko avokoa ny trosako rehetra taminao, noho ianao nifona tamiko, ka moa tsy tokony mba hamindra fo amin’ny namanao va ianao tahaka ny namindrako fo taminao?" Dia tezitra ny tompony ka natolony ny mpampijaly izy, ambara-pandoany ny trosa rehetra.

Dia ho tahaka izany koa no hataon’ny Raiko izay any an-danitra aminareo, raha tsy samy mamela ny rahalahinareo amin’ny fonareo avy ianareo." Rahefa avy niteny izany i Jesoa dia niala tao Galilea ka tonga teny an-tsisin’i Jodea, an-dafin’i Jordany.

Atolotr'i Radio Don Bosco

Lohahevitra : Vaovao

Naseho ny : 5 aogositra 2021

♦ Nahazo fahafahana vonjy maika ny efatra amin'ireo voarohirohy amin'ilay raharaha fikasana hamono mpitondra ambony eto amin'ny firenena "Apollo 21". Hitohy rahampitso indray ny fitsarana ity raharaha ity... ♦ Mitaraina ny fikambanan'ny sekoly tsy miankina eto Madagasikara, amin'ny fahasahiranan'ny ray aman-dreny mampiditra mpianatra eny amin'izy ireo. Miantso ny fitondrana handray andraikitra koa ity fikambanana ity, amin'ny fidangan'ny vidin'ny fitaovam-pianarana amin'izao...

Tohiny...

Atolotr'i Rakotoarison James Daniel

Lohahevitra : Hirika

Voadika amin'ny fiteny :      

Naseho ny : 6 aogositra 2021

Nahavory olona maro ny andro voalohan'ny foara iraisam-pirenena ho an'ny toe-karena eny ambanivohitra na ny FIER MADA andiany faha-22, tanterahana eny amin'ny kianjan'i Makis Andohatapenaka ao Antananarivo-Renivohitra. Foara nanomboka ny alarobia 04 aogosiatra hatramin'ny alahady 08 aogositra ho avy izao.

Tohiny...

Atolotr'i Ranaivozanany Tina Jeannot

Lohahevitra : Tenin'ny Tompo

Voadika amin'ny fiteny :      

Naseho ny : 8 aogositra 2021

Alahady 8 aogositra 2021 — Alahady fahasivy ambin'ny folo mandavantaona — Izaho no lalana sy fahamarinana ary fiainana, hoy ny Tompo; tsy misy olona mankany amin’ny Ray afa-tsy amin’ny alalako — Evanjely Masina nosoratan'i Masindahy Joany 6, 41-51

Tohiny...

Atolotr'i Radio Don Bosco

Lohahevitra : Vaovao

Naseho ny : 5 aogositra 2021

♦ Banga iray indray ny tarika Mahaleo, nodimandry androany maraina teny amin'ny hôpitaly Ravoahangy Andrianavalona i Charles Bert Andrianaivo... ♦ Hifarana anio ny fampiofanana fanatevenam-pahalalana ho an'ireo ben'ny tanàna lany tamin'ny anaran'ny IRK nomen'ny FES teny Ankadikely... ♦ Niakatra ho 44,12% ny taham-pahafahana fanadinam-panjakàna BEPC tany amin'ny farimpiadidim-pampianarana Mandritsara... 

Tohiny...

Atolotr'i Radio Don Bosco

Lohahevitra : Vaovao

Naseho ny : 5 aogositra 2021

♦ Niseho fitsaraàna voalohany teo anivon'ny fampanoavana omaly ireo olona voarohirohy amin'ny fifofoana ny ain'ny filoham-pirenena. Nalefa eny amin'ny Fonjan'i Tsiafahy ireo atidoha nikotrika ny paikady... ♦ Mirongatra ny tsy fandriampahalemana any amin'ny faritr'i Menabe. Manaitra ny mpitondra ny Justice et Paix any amin'ny Diôsezy Morondrava... ♦ Mikasa hitokona indray anio ny fiara vaventy mpitatitra entana mampiasa ny lalam-pirenena faharoa, noho ny haratsian'ny lalana... 

Tohiny...

Atolotr'i Radio Don Bosco

Lohahevitra : Vaovao

Naseho ny : 4 aogositra 2021

♦ Ny akon'ny fisehoana voalohany : ireo olona voasaringotra tamin'ny Appollo 21 teo anivon'ny fampanoavana... ♦ Miavaka tamin'ny andiany hafa teo alohany fomba fiasa tamin'ny FIER Mada andiany faha-22, izay nanomboka androany, teny amin'ny kianja Makis Andohatapenaka... ♦ Manambana ny hitokona indray rahampitso ireo mpitatitra entana amin'ny fiara vaventy. Hihatra manomboka rahampitso koa ny vidiny farany ambany 500Ariary amin'ny saribao...

Tohiny...

Atolotr'i Radio Don Bosco

Lohahevitra : Tontolo meva

Voadika amin'ny fiteny :      

Naseho ny : 5 aogositra 2021

♦ Ny fikambanana AVENIR dia misehatra ao amin'ny Distrika Manjakandriana, nanomboka tamin'ny taona 1996. Ity fikambanana ity dia nanao ny fanentanana momba ny fiarovana ny tontolo iainana, isan'izany ny ady amin'ny doro tanety sy ny fampiasàna ny saribao tany... ♦ Ny maingoka dia bibikely tsy misy taolana sokajiana ho iray tarika amin'ny "arachnides", misy 600 karazana maneran-tany... ♦ Efa mampiasa ilay fitaovana " FireCast" i Madagasikara, fiaraha-miasa amin'ny Naza, ho fanisàna ny tranga sy fiarovana amin'ny afo... 

Tohiny...

Atolotr'i Radio Don Bosco

Lohahevitra : Vaovao

Naseho ny : 4 aogositra 2021

♦ Trano 250 no may kila hotohoton'ny afo, Anarivony ny tra-boina tsy manan-kialofana, vokatry ny hain-trano nitranga tao amin'ny Fokontany Masindrano-Mananjary... ♦ Hamoraina sy hampiasàna ny teknôlôjia môderina manomboka izao ny fandraisana ny mombamomba ny mpandeha amin'ny taxi-brousse na ny famenoana ny Manifold... ♦ Nivoaka omaly ny didim-pitsarana momba ny fitoriana nataon'ireo mpisolovava miisa 3, niampanga ny holafitry ny mpisolovava  tamin'ny fifidianana sy fanendrena ny solontenan'io holafitra io ao amin'ny CNIDH... 

Tohiny...

Atolotr'i Ratovoarivelo Ndrasantsoa Marie Frédeline

Lohahevitra : Raki-tsarobidy

Voadika amin'ny fiteny :      

Naseho ny : 16 aogositra 2021

Tsy maintsy manova famindra isika mba hitandrovana ny soa iombonana. Manoloana ireo olana lehibe miseho eo amin'ny "tranobe iombonana" dia mitaky ny fiovan-toen-tsaina azo tsapain-tanana ny fiangonana. Fomba fiaina lavitry ny fitiavan-tena sy fanamparam-pahefana ary mitsinjo mandrakariva ny any aoriana. Katesizy momba ny firotsahana amin'ny fikambanana hikatsahana ny soa iombonana, iarahana amin'i P. Ranaivozanany Tina Jeannot.

Tohiny...

Atolotr'i Ratovoarivelo Ndrasantsoa Marie Frédeline

Lohahevitra : Raki-tsarobidy

Voadika amin'ny fiteny :      

Naseho ny : 15 aogositra 2021

Ny olona tsirairay dia sady manana zo amin'ny soa iombonana no manana adidy hampanjaka sy hikolokolo izany. Manana adidy isika hitondra ny anjara biriky amin'ny fanorenana sy fanohizana ny soa iombonana. Mila mifanome tanana ny tsirairay eo anivon'ny sehatra misy azy hanasoa ny hafa. Katesizy momba ny firotsahana amin'ny fikambanana hikatsahana ny soa iombonana, iarahana amin'i P. Ranaivozanany Tina Jeannot.

Tohiny...

Atolotr'i Ratovoarivelo Ndrasantsoa Marie Frédeline

Lohahevitra : Raki-tsarobidy

Voadika amin'ny fiteny :      

Naseho ny : 14 aogositra 2021

Mba hazava sy ho azon'ny tsirairay ny atao hoe "soa iombonana" dia mila miditra ao anatin'ny fikambanana izy. Ao anatin'ny fikambanana no mianatra ny atao hoe : "soa iombonana" ary anisan'ny tarigetra maha fikambanana azy ihany koa ny fikatsahana ny soa iombonana. Tsy maintsy hampifandraisina amin'ny soa iombonana ny soa ho an'ny tsirairay. Katesizy momba ny firotsahana amin'ny fikambanana hikatsahana ny soa iombonanan, iarahana amin'i P. Ranaivozanany Tina Jeannot.

Tohiny...