Atolotr'i Radio Don Bosco

Lohahevitra : Vaovao

Naseho ny : 21 jolay 2021

♦ Hotanterahana eto Antananarivo manomboka ny zoma izao mandritra ny roa andro ny fikaonandoham-pirenena hataon'ny vondron'ny mpanohitra RMDM. Nasaina handray anjara ireo mpikambana any amin'ny faritra... ♦ Nihemotra telo volana ny fotoana fanombohan'ny doro ala sy tanety eto Madagasikara tamin'ity taona ity, hoy ny ministry ny tontolo iainana... ♦ Fivoaran'ny valan'aretina, tranga vaovao miisa 13 no hita tamin'ny fitiliana miisa 100, ny talata teo, tsy nisy ny lavo... 

Tohiny...

Atolotr'i Ramiandrasoa Jean Emilien Louis Marc

Lohahevitra : Tenin'ny Tompo

Voadika amin'ny fiteny :   

Naseho ny : 22 jolay 2021

Alakamisy 22 jolay 2021 — Masimbavy Maria Madalenina — Lazao anay, ry Maria, izay hitanao teny an-dalana. Ny fasan'i Kristy velona no hitako sy ny voninahitr'Izy tafatsangan-ko velona — Evanjely Masina nosoratan'i Masindahy Joany 20, 1. 11-18

Tohiny...

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 21 jolay 2021

Tamin'ny andro voalohan'ny herinandro, dia lasa marainakoa mbola maizina nankany amin'ny fasana i Maria Madelenina, ka nahita fa voaesotra tamin'ny fasana ny vato. Nijanona nitomany teo ivelan'ny fasana izy. Ary teo am-pitomaniana, dia niondrika izy ka nahita anjely roa niakanjo fotsy, nipetraka tao amin'izay nipetrahan'ny vatan'i Jesoa, ny iray teo an-doha ary ny iray teo an-tongotra. Dia hoy izy ireo taminy : "Ravehivavy, nahoana no mitomany ianao?" Ka hoy izy namaly ireo : "Satria nalain'olona ny Tompoko, ka tsy fantatro izay nametrahany Azy". Nony avy nilaza izany izy, dia nitodika, ka nahita an'i Jesoa nitsangana teo, nefa tsy fantany hoe i Jesoa io. Ary hoy i Jesoa taminy : "Ravehivavy, nahoana no mitomany ianao? Iza no tadiavinao?" Nataony ho mpiandry saha io, ka hoy izy taminy : "Raha ianao re no naka Azy, tompoko, mba atoroy ahy kely izay nametrahanao Azy, hangalako Azy". Dia hoy i Jesoa taminy : "Ry Maria!" Dia nitodika izy ka nanao taminy hoe : "Rabóný!" (Izany hoe Mpampianatra). Hoy i Jesoa taminy : "Aza mikasika Ahy, fa mbola tsy niakatra tany amin'ny Raiko Aho, fa mandehana mankany amin'ny rahalahiko, ka lazao aminy hoe : Miakatra ho any amin'ny Raiko sy ny Rainareo Aho, ary any amin'ny Andriamanitro sy Andriamanitrareo!" Dia lasa i Maria Madelenina ka nilaza tamin'ny mpianatra hoe : "Efa nahita ny Tompo aho, ary izany no nolazainy tamiko".

Atolotr'i Ratovoarivelo Ndrasantsoa Marie Frédeline

Lohahevitra : SDB

Naseho ny : 28 jona 2021

Nankalazaina ny 27 jona 2021 ny taom-bolafotsin'ny Radio Don Bosco. Onjam-peo naorin'ny salezian'i Don Bosco tamin'ny taona 1996. Teny manentana mandritra ny fankalazana ny hoe : "Firotsahana sy hafaliana : mandehana mampianara ny firenen-drehetra" (Mt 28, 19). 

Tohiny...

Atolotr'i Radio Don Bosco

Lohahevitra : Vaovao

Naseho ny : 19 jolay 2021

♦ Nahitana zaza rano tsy nisy afa-tsy loha sy tanana, androany, tao amin'ny dabam-pako iray teny amin'ny fokontany Ambohitrakely... ♦ Tontosa androany, ny andro voalohany amin'ny fanadinam-panjakana BEPC. Irosoana avy hatrany ny fitsarana ny laza adina efa vita, ary hafainganina ny famoahana ny voka-panadianna, hoy ny Minisitra mpiahy...

Tohiny...

Atolotr'i Radio Don Bosco

Lohahevitra : Miara-dalana

Naseho ny : 19 jolay 2021

♦ Nankahery ireo pretra Karma vao nohamasinina omaly, i Mgr Rosario Vella, mba tsy ho kivy manoloana ireo fakam-panahy amin'ny maha olombelona... ♦ Nanentana ny fiaraha-miasan'ny lahika sy ny pretra, ny arsevekan'Antsiranana, Mgr Benjamin Marc Ramaroson, nandritra ny fanamasinana ireo pretra efatra mirahalahy, tany Sambava... ♦ Nanao antso avo ho an'ny tanora, ny Kardinaly Tsarahazana Désiré, mba hanome lanja an'Andriamanitra sy ho modely ho amin'ny fiainana, nandritra ny fanamasinana ho pretra ireo tanora efatra mirahalahy avy amin'ny fikambanana Oblats de Marie Immaculée, tao Toamasina...

Tohiny...

Atolotr'i Ramiandrasoa Jean Emilien Louis Marc

Lohahevitra : Tenin'ny Tompo

Voadika amin'ny fiteny :      

Naseho ny : 21 jolay 2021

Alarobia 21 jolay 2021 — Herinandro fahenina ambin'ny folo mandavantaona — Raiso amim-pahalemem-panahy ny teny voafafy aminareo, izay mahavonjy ny fanahinareo — Evanjely Masina nosoratan'i Masindahy Matio 13, 1-9

Tohiny...

Atolotr'i Ramiandrasoa Jean Emilien Louis Marc

Lohahevitra : Tenin'ny Tompo

Voadika amin'ny fiteny :      

Naseho ny : 20 jolay 2021

Talata 20 jolay 2021 — Herinandro fahenina ambin'ny folo mandavantaona — Raha misy tia Ahy, dia hitandrina ny teniko izy, ka ho tian’ny Raiko, ary hankao aminy Izahay ka honina ao aminy — Evanjely Masina nosoratan'i Masindahy Matio 12, 46-50

Tohiny...

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 19 jolay 2021

Tamin’izany andro izany, nony efa nampody ny vahoaka i Jesoa dia mba nody, ary nanatona Azy ny mpianany nanao hoe: "Lazao anay ny hevitry ny fanoharana ny amin’ny ahi-dratsy." Ary i Jesoa namaly ka nilaza taminy hoe: "Ny mpamafy ny voa tsara dia ny Zanak’Olona; ny tanimbary dia izao tontolo izao; ny voa tsara dia ny zanaky ny Fanjakana; ny ahi-dratsy dia ny zanak’ilay Ratsy; ny fahavalo izay namafy azy, dia ny demony; ny taom-pijinjana, dia ny fahataperan’izao tontolo izao; ary ny mpijinja, dia ny Anjely. Tahaka ny anangonana ny ahi-dratsy sy andorana azy amin’ny afo no hatao raha mby amin’ny fahataperan’izao tontolo izao. Haniraka ny Anjeliny ny Zanak’Olona, ary ireo dia hanangona sy hamoaka ny mpanafintohina sy ny mpanao ratsy rehetra hiala amin’ny Fanjakany, ka hanipy azy ao amin’ny memy mirehitra: any no hisy fitomaniana sy fikitroha-nify. Amin’izany kosa ny olo-marina dia hamirapiratra tahaka ny masoandro any amin’ny Fanjakan’ny Rainy. Aoka hihaino izay manan-tsofina hihainoana."

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 19 jolay 2021

Tamin'izany andro izany, i Jesoa nanao fanoharana hafa tamin'ny vahoaka nanao hoe : "Ny fanjakan'ny lanitra dia mitovy amin'ny voatsinapy izay nalain'ny olona ka nafafiny tany an-tanimboly. Kely indrindra amin'ny voan-javatra reheta izy ; fa rehefa mitombo kosa, dia lehibe noho ny anana rehetra, ka tonga hazo ; dia avy ny voromanidina mipetraka ao amin'ny rantsany". Ary nanao fanoharana hafa taminy koa Izy hoe : "Ny fanjakan'ny lanitra, dia mitovy amin'ny lalivay, izay nalain'ny vehivavy anankiray ka natony tao amin'ny koban-dafarina intelon'ny famarana, mandra-pahazon'ny lalivay azy rehetra".

Fanoharana no nilazan'i Jesoa izany rehetra izany tamin'ny vahoaka, ary Izy tsy niteny taminy afa-tsy tamin'ny fanoharana, mba ho tanteraka ny tenin'ny mpaminany manao hoe : Hiloa-bava hilaza fanoharana aho, ary hanambara zavatra izay miafina hatramin'ny nanaovana an'izao tontolo izao.

Atolotr'i Ratovoarivelo Ndrasantsoa Marie Frédeline

Lohahevitra : Raki-tsarobidy

Voadika amin'ny fiteny :      

Naseho ny : 25 jolay 2021

Ilaina ny fananana fahasahiana eo amin'ny fiainana. Misy fomba fiteny hoe "izay sahy maty no mifono lambamena". Mila mijoro izany isika, mila vonona ny hanao zavatra. Mila ialàna ny toe-tsaina mora kivy na koa tsy mihevitra afa-tsy ny mety ho voka-dratsiny fa mila fahatokisantena sy fanantenana. Katesizy momba ny fahasahiana, iarahana amin'i P. Jean-Luc Ratovonjanahary.

Tohiny...

Atolotr'i Radio Don Bosco

Lohahevitra : Vaovao

Naseho ny : 19 jolay 2021

♦ Ny laza adina Malagasy no efa vitan'ireo mpiadina BEPC manerana ny nosy ho an'ny tapany maraina. Nizotra am-pilaminana moa izany fanadinam-panjakàna izany tamin'ny ankapobeiny... ♦ Tsy misy ny fahalalahana ara-tsendikal, hoy ny sendikan'ny pôlisim-pirenena; Mitaraina izy ireo fa nakatona ny birao fiasan'ny sendika... ♦ Naka traik'efa tamin'ny tontolon'ny fitrandrahana volamena any Côte d'Ivoire ny ministry ny harena ankibon'ny tany sy ny loharanon-kerena stratejika ny herinandro teo... 

Tohiny...