Atolotr'i Radio Don Bosco

Lohahevitra : Vaovao

Naseho ny : 5 marsa 2021

♦ Anio no hahafantarana ny valin-tenin'ny eo anivon'ny OMC eto amin'ny Faritra Analamanga, ny amin'ny fanomezan-dalana ireo solombavambahoaka TIM hanao tatitra amin'ny vahoaka, rahampitso sabotsy... ♦ Mbola hihamafy ny rotsak'orana anio amin'ny ankapobeny manerana ny nosy, araka ny nambaran'ny teo anivon'ny Météo. Ho mafy kokoa anefa izany ho an'ny Faritra Melaky sy Boeny...

Tohiny...

Atolotr'i Radio Don Bosco

Lohahevitra : Vaovao

Naseho ny : 4 marsa 2021

♦ Namerina nampahafantatra androany ireo solombavambahoaka TIM fa hakisaka eny amin'ny Magro Tanjombato ny tatitra amin'ny vahoaka saika hataon'izy ireo eny Soamandrakizay. Andrasana ny fanapahan-kevitry ny Prefektioran'ny Pôlisy Antananarivo... ♦ Nivadika ho andro ratsy ilay tangoron-drahona naraha-maso tao amin'ny Lakandranon'i Môzambika. Anio alina izy no hanatona ny maron-tsiraky ny faritr'i Melaky, ka mety ho lasa "dépression tropicale"...

Tohiny...

Atolotr'i Rakotoarison James Daniel

Lohahevitra : Hirika

Voadika amin'ny fiteny :      

Naseho ny : 5 marsa 2021

Fambolem-bary ety afovoan-tany : mivaha ny olana amin'ny tsy fahampian'ny Faosifaoro. Andalam-panandramana ao amin'ny kaominina Ambanivohitra Behenjy, distrika Ambatolampy ankehitriny ny P-Dipping. Nisy ny fampisehoana ny fahombiazan'ity teknika ity ny 26 febroary teo... 

Tohiny...

Atolotr'i Radio Don Bosco

Lohahevitra : Miaina sy mitia

Voadika amin'ny fiteny :      

Naseho ny : 5 marsa 2021

Tombony lehibe ho an'ny ankohonana ny fanànana ny vehivavy, izay fo mitempo hampiaina fitiavana azy. Saina mihevitra ny ho avy "ho azy sy ny ankohonany". Atodiny amin'ny fitsinjovana ny tontolo iainana ny hetsika rehetra ataony. Fampiasàna fatana mitsitsy tsy haringana ny ala, fanodinana ireo fako mba hampihenàna ny vola mivoaka. Zariny sahady ihany koa ny zanany mba hanaja ny tontolo iainana... 

Tohiny...

Atolotr'i Radio Don Bosco

Lohahevitra : Vaovao

Naseho ny : 4 marsa 2021

♦ Tsy misy afatsy ny fifampidinihana ihany hoy ny komity Miaro ny Soa Iombonana ny famahàna ny toe-draharaha politika misy ankehitriny... ♦ Nitondra voka-tsoa tamin'ny fanatsaràna ny fari-piainan'ny tantsaha ny fametrahana ny rafitra nisahana ny tahiry ifanohanana teny Ifotony hoy ny filoha nasiônalin'ny FIFATA... ♦ Natao tany amin'ny faritr'i Vakinakaratra ny atrik'asa momba ny tany manana sata manokana iaraha-mitantana...

Tohiny...

Atolotr'i Radio Don Bosco

Lohahevitra : Vaovao

Naseho ny : 4 marsa 2021

♦ Tsy hanome alalana ny hetsika politika ataon'ny solombavambahoaka Tim eny Soamandrakizay ny Prefet Antananarivo. Tsy mihemotra fa mitana ny heviny ny mpanohitra... ♦ Nanolotra fotodrafitr'asa fitehirizana hazan-drano ho an'ny FMMA ny vadin'ny filoham-pirenena... ♦ Horaisin'ny Fanjakàna an-tanana ny fandrindrana sy ny fandaminana ny voka-bary miala amin'ny tantsaha mandra-pahatonga any amin'ny mpanjifa... 

Tohiny...

Atolotr'i Radio Don Bosco

Lohahevitra : Vaovao

Naseho ny : 3 marsa 2021

Nanolotra fotodrafitrasa fitehirizana na fikarakarana amin'ny fomba hafa ny hazandrano, ho an'ny fikambanan'ny vadin'ny mpanjono tany Mahajanga, androany tolakandro ny vadin'ny Filoham-pirenena, Ramatoa Mialy Rajoelina. Hetsika ao anatin'ny fanamariahana hatrany ny andron'ny vehivavy...

Tohiny...

Atolotr'i Radio Don Bosco

Lohahevitra : Tontolo meva

Voadika amin'ny fiteny :      

Naseho ny : 4 marsa 2021

Olana ho an'ny mponina ao amin'ny Kaominina Anjapaly, faritra Anôsy ny fiparitahan'ny rara-pasika amin'ny tanàna maro izay manimba ny fambolena. Ny rara-pasika be loatra no mahatonga ny mponina hifindra monina. Niara-niasa tamin'ny CRS ny mponina hifehezana ny rara-pasika tsy hiparitaka ka namboly zanak'ala laloasy sy lalanda. Ny fandrefiala mena dia misy karazany 12isa. Biby efa hita teo amin'ny nosy hatramin'ny taona 1880, tamin'ny faritra maro... 

Tohiny...

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 3 marsa 2021

Tamin’izany andro izany, dia nirahin’Andriamanitra ny Anjely Gabriely ho any amin’ny tanàna anankiray any Galilea atao hoe Nazareta, ho any amin’ny Virjiny anankiray fofombadin’ilay lehilahy atao hoe Jôsefa, taranak’i Davida, ary ny anaran’ilay Virjiny dia Maria. Ary nony niditra tao aminy ilay Anjely dia nanao hoe: "Arahaba, ry ilay feno hasoavana; ny Tompo ao aminao; nosoavina noho ny vehivavy rehetra ianao." Taitra izy nahare izany, ka nieritreritra izay tokony ho hevitr’izany fiarahabana izany. Fa hoy ny Anjely taminy: "Aza matahotra, ry Maria, fa sitrak’Andriamanitra ianao. Ary indro hitoe-Jaza ianao ka hiteraka Zazalahy, ary Jesoa no hataonao anarany. Ho lehibe Izy ka hatao hoe Zanaky ny Avo indrindra; dia homen’Andriamanitra ny fiketrahan’i Davida rainy Izy, ka hanjaka mandrakizay amin’ny taranak’i Jakôba, ary tsy hanam-pahataperana ny fanjakany." Fa hoy i Maria tamin’ilay Anjely: "Ahoana no hahatongavan’izany, fa tsy mahalala lahy aho?" Hoy ny Anjely namaly azy: "Ny Fanahy Masina no ho tonga ao aminao, ary ny herin’ny Avo indrindra hanaloka anao; noho izany, dia hatao hoe Zanak’Andriamanitra ny Masina haterakao. Ary indro, i Elizabeta rahavavinao dia efa mitoe-jaza koa, na dia efa antitra aza, ary efa mandray enina izy izao ilay natao hoe momba, fa tsy hisy tsy ho hain’Andriamanitra atao." Dia hoy i Maria: "Inty aho ankizy vavin’ny Tompo, aoka ho tanteraka amiko araka ny teninao." Dia niala teo aminy ny Anjely.

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 3 marsa 2021

Tamin’izany andro izany, i Jesoa niteny tamin’ny Jody nino Azy, nanao hoe: "Raha mahatana ny teniko ianareo dia ho mpianatro tokoa, sady ho fantatrareo ny marina, ary ny marina no haha-olona afaka anareo." Dia hoy ny navalin’izy ireo Azy: "Taranak’i Abrahama izahay, ary tsy mba nanompo olona na oviana na oviana, ka ahoana no ilazanao hoe: Ho olona afaka ianareo?" Fa hoy i Jesoa taminy: "Lazaiko marina dia marina aminareo fa izay manota dia mpanompon’ny ota. Ny mpanompo tsy mitoetra ao an-trano mandrakariva fa ny zanaka no mitoetra ao mandrakariva. Koa raha ny Zanaka no manafaka anareo, dia ho afaka tokoa ianareo. Fantatro ihany fa taranak’i Abrahama ianareo, nefa mitady hamono Ahy ianareo, satria tsy tafalatsaka ao am-ponareo ny teniko. Izaho milaza izay hitako eo amin’ny Raiko, ary ianareo kosa manao izay renareo ao amin’ny rainareo." Namaly ireo ka nanao taminy hoe: "I Abrahama no rainay." Fa hoy i Jesoa taminy: "Raha zanak’i Abrahama ianareo dia hanao ny asan’i Abrahama. Nefa mitady hamono Ahy ianareo ankehitriny, dia Izaho izay nilaza taminareo ny marina reko tamin’Andriamanitra: tsy asan’i Abrahama izany. Ny asan’ny rainareo no ataonareo!" Dia hoy ireo taminy: "Tsy mba teraka tamin’ny fijangajangana izahay, ka iray ihany no rainay, dia Andriamanitra." Fa hoy kosa i Jesoa tamin’izy ireo: "Raha Andriamanitra no Rainareo, dia ho tia Ahy ianareo, satria Andriamanitra no niaviako, ary Izy no nahatongavako atý, fa tsy tonga ho Ahy Aho, fa Izy no naniraka Ahy."

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 3 marsa 2021

Tamin’izany andro izany, i Jesoa niteny tamin’ny Farisianina nanao hoe: "Handeha Aho ka hitady Ahy ianareo, ary ho faty amin’ny fahotanareo. Izay alehako tsy azonareo aleha." Dia hoy ny Jody: "Hamono tena angaha Izy no manao hoe: izay alehako tsy azonareo aleha?" Fa hoy Izy tamin’izy ireo: "Ianareo avy etý an-tany, Izaho avy any an-danitra; ianareo olon’izao tontolo izao; Izaho tsy mba olon’izao tontolo izao. Izany no nilazako taminareo fa ho faty amin’ny fahotanareo ianareo; satria raha tsy mino ianareo fa Izaho no Izy, dia ho faty amin’ny fahotanareo ianareo." Dia hoy ry zareo taminy: "Iza moa Ianao?" Ka hoy ny navalin’i Jesoa azy: "Izay lazaiko aminareo indrindra. Manana zavatra maro hilazana sy hitsarana anareo Aho; fa marina Ilay naniraka Ahy, ary izay efa reko taminy no lazaiko amin’izao tontolo izao." Tsy nahalala izy ireo fa ny Ray no nolazainy taminy. Ka hoy i Jesoa taminy: "Rahefa voasandratrareo ny Zanak’Olona vao ho fantatrareo fa Izaho no Izy, sady tsy manao na inona na inona ho Ahy Aho, fa izay nampianarin’ny Ray Ahy no lazaiko. Ary Izay naniraka Ahy dia eto amiko, fa tsy navelany ho irery Aho, satria manao izay tiany mandrakariva." Tamin’Izy niteny izany, dia maro no nino Azy.

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 3 marsa 2021

Tamin’izany andro izany, i Jesoa niteny tamin’ny Farisianina nanao hoe: "Izaho no fahazavan’izao tontolo izao: izay manaraka Ahy tsy mandeha amin’ny maizina, fa hanana ny fahazavan’ny fiainana." Dia hoy ny Farisianina taminy: "Manambara tena Ianao, ka tsy marina ny fanambaranao." Fa namaly i Jesoa ka nanao taminy hoe: "Na dia manambara tena aza Aho, dia marina ny fanambarako, satria fantatro izay niaviako sy izay alehako, ary ianareo tsy mahalala izay iaviako sy izay alehako. Ianareo mitsara araka ny nofo, fa Izaho kosa tsy mitsara olona na iza na iza. Ary raha mitsara Aho, dia marina ny fitsarako, satria tsy Izaho irery, fa Izaho sy ny Ray izay naniraka Ahy; ka araka ny voasoratra eo amin’ny Lalànareo, dia marina ny fanambaràn’ny olona roa. Ary Izaho sady manambara ny tenako no ambaran’ny Ray izay naniraka Ahy koa." Dia hoy ry zareo taminy: "Aiza ny Rainao?" Fa i Jesoa namaly hoe: "Samy tsy fantatrareo na Izaho na ny Raiko; fa raha mahalala Ahy ianareo, dia ho nahalala ny Raiko koa." Teo amin’ny fandatsahan-drakitra no nilazan’i Jesoa an’izany, raha nampianatra tao amin’ny tempoly Izy; nefa tsy nisy nisambotra Azy, satria tsy mbola tonga ny fotoany.