Lohahevitra : Vaovao

♦ Tsy hanao fampielezan-kevitra ny vondron'ireo kandidà 11, raha tsy mivaly ny fitakian'izy ireo. Nohamafisin'izy ireo izany, tao aorian'ny fihaonana tamin'ireo mpikamban'ny HCC teny Ambohidahy, androany... ♦ Mangataka fampiantsoana fivoriana tsy ara-potoana, ireo Loholona IRD 14, handinihana ny fepetra horaisina amin'ny Filohan'ny Antenieran-doholona, manoloana ny fanambarana nataony... ♦ Velon-taraina amin'ny tsindry hazolena ataon'ny miaramila dokotera iray, ireo mpianatra mipetraka eny amin'ny Cité an'ny Oniversite...

Lohahevitra : Vaovao

♦ Hifarana anio ny fampiofanana ireo olona 80 isa, izay hanofana ireo mpikamban'ny biraom-pifidianana manerana ny nosy... ♦ Minisitra miisa roa (2) amin'ny governemanta ifarimbonana no efa nanambara ôfisialy ny fametraham-pialàny ankehitriny noho ny filazan'izy ireo fa hifantoka tanteraka amin'ny fampielezan-kevitra amin'izao fotoam-pifidianana izao... ♦ Tsy maintsy manaraka ny fepetra takian'ny lalana ireo haino aman-jery "en ligne" hoy ny filohan'ny holafitry ny mpanao gazety... ♦ Mbola mitohy hatramin'ny omaly ny ady ao amin'ny faritra GAZA. Tsy mitsaha-mitombo vokatr'izany ny isan'ireo olona maty vokatr'izao ady eo amin'ny Israeliana sy ny Hamas...

Lohahevitra : Mba ho vanona
Voadika amin'ny fiteny :  Français (France)   English (United Kingdom) 

Safidy inona no anananao eo anatrehan'ny tranga misy eto amin'ny firenena?. Safidy hampandroso an'i Madagasikara ve sa safidy vao mainka hampilentika noho ny fitiavantena. Mandalo fotoan-tsarotra ny firenentsika, ny vahaolana dia miankina amin'ny izay safidinao ihany. Fandaharana "mba ho vanona" iarahana amin'ny jeneraly Désiré Ramakavelo.

Lohahevitra : Vaovao

♦ Nanatitra taratasy teny amin'ny fitsarana avo momba ny lalàm-panorenana, nilaza fa vonona indray handray ny fitantanana ny firenena, Andriamatoa Razafimahefa Herimanana... ♦ Manentana hatrany ny hitondrana am-bavaka ny firenena ny FFKM, ary nilaza fa mbola vonona hatrany hanohy ny fitadiavam-bahaolana... ♦ Tsy hanao fampielezan-kevitra ny vondron'ny kandidà raha tsy misy mivaly ny fitakiany ka nidina an-dalam-be indray omaly. Nanentana ny vahokan'Antsiranana hiaina hatrany ny fitiavana kosa ny kandidà laharana fahatelo Andry Rajoelina omaly... ♦ Misy fiatraikany amin'ny fahasalamana ara-tsain'ny mponina manodidina ny 1 tapitrisa any Ukraine ny ady iainan'izy ireo hoy ny OMS...

Lohahevitra : Vaovao

♦ Mbola vonona hanohy ny fampihaonana hitadiavana vahaolana amin'ny krizy misy eto amin'ny firenena ny FFKM. Mandalo kihon-dàlana sarotra sy manahirana, hoy ireo Filoham-piangonana efatra mirahalahy, i Madagasikara... ♦ Nanatitra taratasy teny amin'ny Fitsarana Avo momba ny Lalàm-panorenana, milaza ny fahavononany indray handray ny fitantanana ny firenena, ny Filohan'ny Antenimeran--doholona, Herimanana Razafimahefa... ♦ Tsy nanao fampielezan-kevitra, fa nanohy ny fidinana an-dalambe teto an-drenivohitra, ny vondron'ireo kandidà...

Lohahevitra : Vaovao

♦ Lainga ny voalazan'ny filohan'ny Antenimieran-doholona, hoy ny fanambarana ny governemanta ifarimbonana, ka manameloka izany amin'ny heriny manontolo izy ireo...  ♦ Ho an'Antananarivo manokana, navoakan'ny teo anivon'ny prefektioran'Antananarivony lisitry ny toerana afahana manao ny fampielezan-kevitra, ka tsy ao anatin'ny afahana manao izany ny eny amin'ny Kianjan'ny 13 mey... ♦ Tsy handray anjara amin'ny fampielezan-kevitra ny vondron'ny kandidà raha tsy mivaly ny fitakian'izy ireo. Fotoam-bavaka teny Mahatazana teny amin'ny Akamasoa no nanombohan'ny kandidà laharana fahatelo ny fampielezan-kevitra androany maraina...

Lohahevitra : Ampela mihary
Voadika amin'ny fiteny :  Français (France)   English (United Kingdom) 

Tsy ny vehivavy ihany no mety ho tratra ny "homamiadan'ny nono" fa misy ihany koa ny lehilahy saingy vitsy anisa. Ny fitsirihana sy ny fitilina no tena afahana mamaritra ny fahazoana io aretina io. Ny homamiadana dia fitomboan'ny isa sy habe tsy araka ny tokony ho izy ny sela ao anatin'ny vatan'ny olona iray. Famantarana fa mety ho voan'ny kanseran'ny nono: fiovana eo amin`ny haben`ny na ny endriky ny nono; ny fisehon'ny "dimples" na miforitra amin'ny hoditry ny nono; nitombo ny mena, ny fivontosana, na ny hafanana amin'ny nono iray; mangidihidy maharitra; nono mivadika, izany hoe mivadika ao anaty...

Lohahevitra : Vaovao

♦Nilaza indray ny filohan'ny Antenimieran-doholona Razafimahefa Herimanana fa norahonana ho faty izy sy ny fianakaviany mba handà ny andraikitra, maha-filoha mpisolo toerana azy... ♦ Fanehoan-kevitry ny filohan'ny antenimieran-doholona samirery fa tsy an'ny loholona rehetra ny nambaran'Andriamatoa Razafimahefa Herimanana tamin'ny alahady teo hoy ireo loholona 14 omaly hariva... ♦ Hanomboka anio ny fampielezan-kevitra amin'ny fifidianana filoham-pirenena, ka tsy hifarana raha tsy amin'ny sabotsy 7 novambra 2023 amin'ny misasakalina...

Lohahevitra : Vaovao

♦ Tongotra mby an-dakana ny an'ny CENI, fa hanomboka rahampitso ny fampielezan-kevitra amin'ny fifidianana izay ho Filoham-pirenena, fiodinana voalohany... ♦ Nanohy ny hetsi-pitakiana teny Itaosy, Distrikan'Antananarivo Atsimondrano, ny vondron'ireo kandidà 11 androany. Hitsabo tena any ivelany kosa ny kandidà laharana faha-7, Andry Raobelina... ♦ Nisokatra androany ny fankalazan'ny Réseau SOA ny faha-20 taona nijoroany. Nanokatra izany tamin'ny fomba ôfisialy, ny Minisitry ny Fambolena sy ny Fiompiana, Ramilison Harifidy...

Lohahevitra : Miara-dalana

♦ Sampan’asa iray misahana ny fanohanana ny fitoriana ny Vaovao Mahafaly ny sampan’asa fampielezana ny finoana… ♦ Napetraka tamin’ny fomba ofisialy omaly ireo masera avy amin’ny fikambanana “Petites Sœurs du Sacré-Cœur de Jésus”, izay hiasa ao amin’ny Distrika Antsapanana… ♦ Mila volena ao anatintsika ny toe-tsaina mahay mankasitraka an’Andrimanitra, hoy ny antson’ny Papa François omaly, nandritra ny vavaka Angélus…

Lohahevitra : Tenin'ny Tompo
Voadika amin'ny fiteny :  Français (France)   English (United Kingdom) 

14 ôktôbra 2023 — Sabotsy, Herinandro Tsotra fahafito amby roapolo Mandavantaona — Omeo fahalalana aho, ry Tompo, hitandremako ny lalanao ary hanarahako azy amin’ny foko tontolo — Evanjely Masina nosoratan’i Masindahy Lioka (Lk. 11, 27-28)

Lohahevitra : Tsotra Mandavantaona
Voadika amin'ny fiteny :  Français (France)   English (United Kingdom) 

Vakiteny voalohany

Bokin’i Joely Mpaminany (Joel. 4, 12-21)

Raiso ny antsy fijinjana, fa masaka ny vary.

Izao no lazain’ny Tompo:
Aoka hitsangana ny firenena ary aoka hiakatra izy
ho eny amin’ny lohasahan’i Jôsafata!
Fa any no hipetrahako hitsara ny firenena rehetra manodidina.
Raiso ny antsy fijinjana fa masaka ny vary ;
avia hanosihosy fa feno ny famiazam-boaloboka, mihoatra ny barika;
satria be ny haratsian’izy ireo.
Vahoaka be, vahoaka be, ao amin’ny lohasahan’ny Fitsarana!
Fa efa antomotra ny andron’ny Tompo
ao amin’ny lohasahan’ny Fitsarana!
Ny masoandro amam-bolana, mihamaizina,
afaka amin’ny kintana ny famirapiratany.
Hierona avy ao Siôna ny Tompo,
ary hampandre ny feony avy eo Jerosalema Izy;
hihorohoro ny tany aman-danitra.
Nefa ny Tompo no ho fialofana ho an’ny vahoakany,
ho fiarovana ho an’ny zanak’i Israely.
Dia ho fantatrareo fa Tompo Andriamanitrareo Aho,
izay monina ao Siôna tendrombohitro masina;
ho fitoerana masina i Jerosalema,
ka tsy hodiavin’ny hafa firenena intsony.
Amin’izany andro izany,
dia hitete avy amin’ny tendrombohitra rehetra ny divay vaovao;
ny havoana handriaka ronono;
ary ny lohasahan-driaka any Jodà,
hitsororohan’ny rano avokoa.
Hisy loharano hivoaka avy ao an-tranon’ny Tompo,
ka handena ny lohasahan’i Akasià.
I Ejipta kosa hanjary tany lao,
i Edôma ho efitra faharavana,
noho ny fahasiahana namelezany ny taranak’i Jodà,
fa nandatsaka ny ra tsy manan-tsiny teo amin’ny taniny izy ireo.
Ary i Jodà, honenana mandrakizay,
ary i Jerosalema koa, mandritra ny taona mifandimby.
Fa hosasako ny ran’izy ireo, izay mbola tsy voasasako.
Dia honina ao Siôna Andriamanitra.

— Izany àry ny tenin’ny Tompo.

Setriny

Salamo 96, 1-2. 5-6. 11-12

Mifalia, ry olo-marina eo imason’Izy Tompo.

Aoka hifaly izany tany, fa manjaka izao ny Tompo;
koa samia manao korana ianareo nosy maro;
fa ny rahona no lamba ihodidinan’ny mpanjaka, e!
ny rariny sy ny hitsiny, ijoroany ao an-drova.

Fa ny tany raha mahita tsy mitsaha-mihorohoro,
tendrombohitra amin’izany dia mitsonika mikoa.
Fahamarinany no tian’izany lanitra hambara;
voninahiny tazàno hita mason’ny vahoaka.

Ny hazavana vao mitranga, ny olo-marina no tràny,
ka somebin-karavoana izay mahitsy fo rehetra.
Mifalia, ry olo-marina eo imason’Izy Tompo!
Eny, masina ny Anarany, tongava ianao hisaotra.

Evanjely

Aleloia. Aleloia.

Omeo fahalalana aho, ry Tompo, hitandremako ny lalanao ary hanarahako azy amin’ny foko tontolo.

Aleloia.

Evanjely Masina nosoratan’i Masindahy Lioka (Lk. 11, 27-28)

Sambatra ny kibo izay nitondra Anao! Fa vao mainka sambatra izay mihaino ny tenin’Andriamanitra.

Tamin’izany andro izany,
nisy vehivavy anankiray niantso teo afovoan’ny vahoaka
ka nanao tamin’i Jesoa hoe:

“Sambatra ny kibo izay nitondra Anao,
sy ny nono izay ninonoanao!” —

“Fa vao mainka sambatra aza, hoy i Jesoa,
izay mihaino ny tenin’Andriamanitra ka mitandrina azy.”

— Izany àry ny tenin’ny Tompo.

Sous-catégories

Vaovao

Arofanina

[Miara-dàlana] Zoma 22 aogositra 2025

• Miorina amin'ny fanantenana hadio toa an'i Kristy. Io no teny hifanentanan'ireo Fanilon'i Madagasikara manatanteraka Lasy Nasionaly, nanomboka ny 18 hatramin'ny 23 aogositra 2025... • Tanora, mpivahiny masina miisa 869 no nahatanteraka ny Andron'ny Tanora ho an'ny Diosezin'i Mahajanga, tamin'iny herinandro lasa teo iny... • Notanterahana tao amin'ny Diosezin'Ambanja ny Fivahinianana Masina andiany faha-2 ho an'ny Vondrona Iniasianina...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...