Lohahevitra : Tsotra Mandavantaona
Voadika amin'ny fiteny :  Français (France)   English (United Kingdom) 

Vakiteny voalohany

Bokin’i Izaia Mpaminany (Iz. 58, 7-10)

Hiposaka hoatra ny fahazavan’ny maraina ny fahazavanao.

Izao no lazain’ny Tompo:

Tsy izao va no fifadiana tiako kokoa;
ny hizaranao ny mofonao amin’izay noana,
sy ny hampiantranoanao ireo mahantra sy tsy manan-kidirana,
sy ny hanafianao izay hitanao miboridana,
ary ny tsy hivilianao tsy hijery ny tapaky ny tenanao?
Amin’izany ny fahazavanao hiposaka hoatra ny fahazavan’ny maraina,
ary ny fahasitrananao ho tonga faingana;
ny fahamarinana, hialoha lalana anao;
ny voninahitry ny Tompo ho vodilalanao.
Amin’izany ianao hiantso, ary ny Tompo hamaly;
ianao hitaraina, ary Izy hanao hoe:

“Inty Aho!”

Raha esorinao tsy ho eo aminao intsony ny jioga,
ny fanambànana sy ny teny manala baraka;
raha manome ny haninao ho an’ny noana ianao,
sy mamoky ny fanahy miferin’aina;
hiposaka ao amin’ny maizina ny fahazavanao,
hamirapiratra hoatra ny mitataovovonana ny haizinao.

— Izany àry ny tenin’ny Tompo.

Salamo fandinihana

Salamo (Sal. 111, 45. 6-7. 8a sy 9)

Ny olo-marina tsilovina raha maizina.

Ny olo-mahitsy fanilo amin’ny haizina,
fa marina, mangoraka sy antra.
Ny tsara fanahy mahery mampisambotra
ny lalany voalamina araka ny rariny.

Tsia, tsy hirona izy mandrakizay,
ny anaran’ny olo-marina ho mandrakizay.
Ny fandrenesana loza tsy mba atahorany
ny fony mitombina matoky ny Tompo.

Ny fony tsy matahotra fa mandry feizay,
mahafoy izy, omeny be ny mahantra
ny soa ataony maharitra mandrakizay,
ny hery sy voninahiny miasa mitombo.

Vakiteny faharoa

Taratasy voalohan’i Masindahy Paoly Apôstôly ho an’ny kristianina tany Kôrinty (1 Kôr. 2, 1-5)

Notorìko taminareo ny fanambaran’i Kristy voafantsika.

Ry kristianina havana,
fony aho tonga taty aminareo,
dia tsy mba tamin-teny ambony, na tamim-pahendrena
no nitoriako ny Evanjelin’Andriamanitra taminareo.
Fa ninia tsy nahalala zavatra hafa
afa-tsy i Jesoa Kristy aho taty aminareo,
indrindra fa Izy voafantsika tamin’ny Hazofijaliana.
Ary tamim-pahalemena sy tahotra ary hovitra be
no nanatonako anareo;
sady tsy mba tamin’ny tenim-pahendrena mampiaiky volana
no nampianarako sy nitoriako teny taminareo,
fa tamin’ny fanehoan’ny Fanahy
sy ny herin’Andriamanitra azy, ho marina;
mba tsy hiorenan’ny fonareo amin’ny fahendren’olombelona,
fa amin’ny herin’Andriamanitra ihany.

— Izany àry ny tenin’ny Tompo.

Evanjely

Aleloia. Aleloia.

Izaho no fahazavan’izao tontolo izao, hoy ny Tompo;
izay manaraka Ahy no manana ny fahazavan’ny fiainana.

Aleloia.

Evanjely Masina nosoratan’i Masindahy Matio (Mt. 5, 13-16)

Ianareo no fahazavan’izao tontolo izao.

Tamin’izany andro izany,
i Jesoa niteny tamin’ny mpianany nanao hoe:

“Ianareo no fanasin’ny tany;
fa raha ny fanasina no tonga matsatso,
hatao ahoana no fanasina azy indray?
Tsy ho azo atao inona intsony izy,
fa dia hariana any alatrano hohitsahin’ny olona.

Ianareo no fahazavan’izao tontolo izao:
tsy azo afenina izay tanàna miorina eo antampon-tendrombohitra,
ary tsy misy olona mampirehitra jiro,
ka mametraka azy ao ambanin’ny vata famarana,
fa eo ambonin’ny fanaovan-jiro no apetrany
mba hanazava izay rehetra ao an-trano.
Aoka hazava eo imason’ny olona tahaka izany koa ny fahazavanareo,
mba hahitany ny asa soa ataonareo,
ka hanomezany voninahitra ny Rainareo izay an-danitra”.

— Izany àry ny tenin’ny Tompo.

 

Lohahevitra : Vaovao

♦ Mitsipaka marindrano ny fametrahan'ny fitondram-panjakàna ny haba manokana alaina amin'ny fanondranana ny vokatry ny harena an-kibon'ny tany ny FOM. Nivoitra nandritry ny fivoriambe nataon'izy ireo teny Alasora izany... ♦ Haverina ny fifidianana ho an'ireo birao mandrafitra ny antenimieran'ny varotra sy ny indostria any Fianaratsoa noho ny didim-pitsaràna mivoaka. Famerenana ny fifidianana kasaina hatao amin'ny volana avrily izao... ♦ Tsy hanavahana ny fampiharana ny lalàna ho an'ny rehetra hoy ny ministry ny fitsarana Rakotozafy François raha naneho hevitra momba ny raharaha ny Harry Laurent Rahajason na i Rolly Mercia izy...

Lohahevitra : Vaovao

♦ Nanoratra tantara indray ny Barea ny faran'ny herinandro teo. Tafakatra amin'ny dingan'ny ankatoky ny famaranana amin'ny CHAN 2023 ny ekipam-pirenena Malagasy,  hihaona amin'i Sénégal rahampitso... ♦ Mitaky ny handravàna ireo Antenimiera mpanao lalàna sy hanovàna ny Governemanta ny Vondrona Pôlitika hafa Mira na ny VPHM. Tsy atokisan'ny fianakaviambe iraisam-pirenena intsony ireo andrim-panjakàna ireo, hoy izy ireo, ny faran'ny herinandro teo... ♦ Tafakatra 27 ireo namoy ny ainy, olona miisa 21 mbola tsy hita popoka manerana ny nosy, vokatry ny fandalovan'ny rivo-doza Cheneso. Olona maherin'ny 84.000 no tra-boina vokatr'izany, raha ny tatitra farany avy amin'ny BNGRC...

Lohahevitra : Andriano ny fahasalamana
Voadika amin'ny fiteny :  Français (France)   English (United Kingdom) 

Fizaran-taona tsy maintsy misy ny fahavaratra isan-taona, misy foana ny tranga toy ny traboina sy ny aretina samihafa. Misy ireo aretina miseho rehefa fahavaratra ka isan'ireny : aretin-kibo vokatry ny fahalotoan'ny rano fampiasa sy fisotro ; eo koa ny areti-maso izay mora mifindra tokoa amin'ny alalan'ny fifampikasoana, aretina vokatry ny tsimok'aretina n'a otrik'aretina ; ny lagaly izay aretina mahazo ny hoditra vokatry ny loto ihany koa. Ho fisorohana ireny aretina rehetra ireny dia entanina ny rehetra mba hampiasa rano azo antoka, hanaja ny fahadiovana, ary hamonjy tobim-pahasalamana raha misy tranga tsy fahasalamana mampiahiahy...

Lohahevitra : Vaovao

♦ Sahirana amin'ny fanatanterahana ny asa, vokatry ny tsy fahampian'ny fitaovana sy ny olona, ny eo anivon'ny Fitsarana Fandravana... ♦ Mitsipaka tanteraka ny fametrahan'ny fitondram-panjakana ny "Droit de sortie", na ny haba manokana alaina amin'ny fanondranana ny vokatry ny harena an-kibon'ny tany, ny FOM, federasiôna ivondronan'ireo fikambanana misehatra amin'ny harena an-kibon'ny tany... ♦ Hiato mandritra ny telo andro, manomboka ny 3 febroary izao, ny tolotra hampiasana ny fitaovana nomerika eo anivon'ny Jirama...

Lohahevitra : Miara-dalana

♦ Notanterahana tamin'ny 7 janoary lasa teo ny fanamasinana diakra roa, sy fanamasinana pretra avy amin'ny Fikamabanan'ny Pretra Misiôneran'ny Fianakaviana Masina. Tao amin'ny Paroasy Ambalavao, any amin'ny Arsidiôsezin'i Fianarantsoa no nanatanterahana izany... ♦ Nankalaza ny faha-100 taona niorenany ny Kôlejy Masina Misely Itaosy, izay tantanan'ireo pretra Karma, tamin'ny alatsinainy 23 janaoary 2023, tamin'ny alalan'ny Eokarisitia Masina notarihan'i Mgr Jean Pascal Andriantsoavina, Eveka Mpanampy eto amin'ny Diôsezin'Antananarivo...

Lohahevitra : Tenin'ny Tompo
Voadika amin'ny fiteny :  Français (France)   English (United Kingdom) 

Sabotsy 4 febroary 2023 — Herinandro Tsotra fahefatra Mandavantaona — Taona tsy ankasa — Ny ondriko mihaino ny feoko, hoy ny Tompo. Izaho mahalala azy, ary izy manaraka ahy — Evanjely Masina nosoratan’i Masindahy Marka (Mk. 6, 30-34)

Lohahevitra : Tenin'ny Tompo
Voadika amin'ny fiteny :  Français (France)   English (United Kingdom) 

Zoma 3 febroary 2023 — Herinandro Tsotra fahefatra Mandavantaona — Taona tsy ankasa — Ampianaro ahy, ry Tompo, ny soritrao; tariho amin’ny Fahamarinanao aho — Evanjely Masina nosoratan’i Masindahy Marka (Mk. 6, 14-29)

Lohahevitra : Tenin'ny Tompo
Voadika amin'ny fiteny :  Français (France)   English (United Kingdom) 

Alakamisy 2 febroary 2023 — Ny nanolorana ny Tompo — Fankalazana manetriketrika — Fahazavana hanilo ny Jentily Izy, sady voninahitr’i Israely olonao — Evanjely Masina nosoratan’i Masindahy Lioka (Lk. 2, 22-40)

Lohahevitra : Tenin'ny Tompo
Voadika amin'ny fiteny :  Français (France)   English (United Kingdom) 

Alarobia 1 febroary 2023 — Herinandro Tsotra fahefatra Mandavantaona — Taona tsy ankasa — Sokafy, ry Tompo ny fonay, mba hitandremanay ny tenin-Janakao — Evanjely Masina nosoratan’i Masindahy Marka (Mk. 6, 1-6)

Lohahevitra : Tenin'ny Tompo
Voadika amin'ny fiteny :  Français (France)   English (United Kingdom) 

Talata 31 janoary 2023 — Herinandro Tsotra fahefatra Mandavantaona — Taona tsy ankasa — Mahatoky ny lahatrao, ry Tompo, ary mafy orina mandrakizay alaovalo — Evanjely Masina nosoratan’i Masindahy Marka (Mk. 5, 21-43)

Lohahevitra : Vaovao

♦ Miverina miakatra indray ny rano, any amin'ny Distrikan'Ambato-Boeny, hatramin'ny maraina teo. Manomboka maty koa ny biby fiompy any an-toerana ankehitriny... ♦ Mbola maro ireo tsy maty voalavo an-kibo amin'ny fitrandrahana tsy ara-dalana sy ny fanimbana ny tontolo iainana eto Madagasikara, hoy ny Alliance Voahary Gasy... ♦ Miisa 59 hatramin'izao, ireo voafonja heverina fa mbola tsy very zo, ao amin'ny fonjan'i Taolagnaro...

Sous-catégories

Vaovao

Arofanina

[Miara-dàlana] Alatsinainy 25 aogositra 2025

• Ho kristianina mitondra hazavana sy hafanana, hanome hafaliana sy fanantenana ho an'ny hafa. Izany hafatry ny Arsevekan'Antananarivon, nandritra ny fankalazana ny Andron'ny Diosezin'Antananarivo... • Nitombo roa indray ny pretra Saleziana Don Bosco. Notanterahana omaly, tany Betafo, ny fanamasinana azy ireo... • Nanatanteraka ny Andro Voalohany ho an'ny Ankizy tao amin'ny Diosezin'i Farafangana, nanomboka ny 22 hatramin'ny 25 aogositra 2025... 

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...