Lohahevitra : Lahatsoratry ny Evanjely
Voadika amin'ny fiteny :  Français (France)   English (United Kingdom) 

Tamin’izany andro izany,
nony voafantsika teo amin’ny Hazofijaliana i Jesoa,
dia nijanona nijery teo ny vahoaka,
ary ny loholona avy no nandatsa Azy nanao hoe:
“Namonjy ny sasany Izy ka aoka hamonjy ny Tenany,
raha Izy no Kristin’Andriamanitra, ilay voafidy”.
Ny miaramila koa naneso Azy,
ka nanatona nanolotra vinaingitra Azy,
ary nanao hoe:
“Raha Ianao no Mpanjakan’ny Jody,
vonjeo ny Tenanao”.
Teo ambonin’ny lohany koa dia nisy soratra
tamin’ny teny grika sy latinina ary hebrio nanao hoe:
“Ity no Mpanjakan’ny Jody”.
Ary ny anankiray tamin’ireo mpangalatra
izay nihantona teo dia nanevateva Azy nanao hoe:
“Raha Ianao no i Kristy, vonjeo ny Tenanao sy izahay”.
Fa nanarin’ilay anankiray izy,
nataony hoe:
“Ialahy koa ve tsy matahotra an’Andriamanitra,
saingy hoe samy voaheloka ho faty izao?
Ny antsika dia rariny izao,
satria mandray ny valin’ny ratsy nataontsika isika;
fa ny Azy kosa
tsy mba nanao ratsy na inona na inona Izy”.
Dia hoy izy tamin’i Jesoa:
“Tompoko, tsarovy aho,
rehefa mby any amin’ny fanjakanao Ianao”.
Ka hoy ny navalin’i Jesoa azy:
“Lazaiko marina aminao
fa anio dia hihaona amiko any am-paradisa ianao”.

Lohahevitra : Vaovao

♦ Miisa 35 ireo olona hiatrika fitsarana adiheloka bevava anio, manoloana ny raharaha namonoana an'Itompokolahy Rakotoarisoa Henri, mpilatsaka antsitrapo sy mpanao fanairana momba ny tsindry mihatra amin'ny harena voajanahary any Ankazondandy... ♦ Nihaiky ny Pôlisim-pirenena fa ny nisy pôlisy voatonontonona ho isan'ny tompon'antoka tamin'ilay raharaha nahafatesana mpiraki-draharaha sy Inspecteur des impôts, teny Imerinkasinina... ♦ Manodidina ny 7 miliara Ariary ny fahavoazana vokatry ny kolikoly, hitan'ny Fitantanana Iraisam-paritry ny Bianco eto Antananarivo, tamin'ny taon-dasa...

Lohahevitra : Vaovao

♦ Nitatitra ny asa vitany tamin'ny taon-dasa ny Bianco Antananarivo. Manodidina ny 7 miliara Ariary ny fahavoazana vokatry ny kolikoly, hitan'izy ireo, ary vola 16 miliara Ariary no tsy maintsy nogiazana... ♦ Nanazava ny momba ilay fidangan'ny hetran-trano alainy, izay niteraka resabe, androany ny tompon'andraikitra eo anivon'ny Kaominina Antananarivo... ♦ Nisy pôlisy voatonotonona ho isan'ny tompon'antoka tamin'ilay raharaha nahafatesana mpiraki-draharaha sy mpanara-maso ny hetra, teny Imerinksainina...

Lohahevitra : Vaovao

♦ Manentana ny olom-pirenena handala ny kolontsain'ny fihavanana sy ny fifampiresahana ny Filohan'ny CEM teo aloha Maka Alphonse... ♦ Tompon'antoka amin'ny tsy fandriam-pahalemana misy ankehitriny ny prefet sy ny lehiben'ny distrika hoy Andriamatoa solonavalona Paolo Raholinarivo. Tsy tokony ahilika any amin'ny mpitandro filaminana ny rihatra... ♦ Mampiantrano ny fivoriana ho fanitsiana sy fanatsarana ny paik'ady hitantanana ireo zavaboahary amin'ny fari-dranomasin'i Afrika Atsinanana i Madagasikara. Fihaonana tanterahana eto Antananarivo... ♦ Nanambara ny maha kandidà azy amin'ny fifidianana filoham-pirenena amin'ny taona 2024 i Donald Trump...

Lohahevitra : Miaina sy mitia
Voadika amin'ny fiteny :  Français (France) 

Maro ny tranga mamoafady ataon'ny sokajin'olona rehetra. Fanabeazana tsara no vahaolana ahafahan'ny tsirairay mifehy ny fakam-panahy mivoana amin'ny sitrapon'Andriamanitra eo amin'ny lafiny ara-pananahana. Fandaharana momba ny fahaiza-miaina sy mitia, tontosaina eto amin'ny radio Don Bosco iarahana amin'ny centre Arrupe Madagasikara.

Lohahevitra : Vaovao

♦ Tombanana 4,9% ny tahan'ny fiakaran'ny harin-karena faobe amin'ny herintaona. Ampelan-tanan'ny solombavambahoaka avokoa moa ankehitriny ny rijan-teny rehetra momba ny volavolan-dalàna mifehy ny fintantanam-bolam-panjakàna 2023... ♦ Natomboka tao Ankaramena any amin'ny Faritra Anosy ny fizaràna hanam-pamokarana ho an'ny tantsaha mpamokatra. Fepetra ampiharin'ny fitondram-panjakàna hanampiana ny tantsaha hamokatra sakafo misimisy kokoa... ♦ Tokony hatao mialohan'ny fifidianana ny dinika hisorohana ny tsy fitovain-kevitra amin'ny fanantanerahana ny fifidianana ho ny firaisamonim-pirenena. Izy ireo izay miatrika ny seminera havoria eny amin'ny lapan'ny tanàna Analakely...

Lohahevitra : Vaovao

♦ Tombanana hiakatra 4,9% ny tahan'ny harin-kareny faobe eto Madagasikara amin'ny taona 2023, araka ny voafaritra anatin'ny volavolan-dalana hifehy ny tetibolam-panjakana. Efa nivoaka ireo vinavina ara-toekarena voarakitra ao anatin'izany... ♦ Mandinika ny raharaham-pirenena amin'ny alalan'ilay sehatra Havoria ny firaisamonim-pirenena manomboka androany, ka hatramin'ny zoma izao. Dinika handresena lahatra ireo mpanapa-kevitra eto amin'ny firenena... ♦ Hitadiavana paikady ny tondra-drano isam-pahavaratra an-drenivohitra sy ny manodidina...

Lohahevitra : Vaovao

♦ Nanamafy ny fampitandremana ireo solombavambahoaka tsy tonga mivory amin'izao fotoam-pivoriana ara-potoana faharoa izao ny Filohan'ny Antenieram-pirenena Ramatoa Christine Razanamahasoa... ♦ Olona enina no efa matin'ny kéré tany amin'ny Distrikan'i Mananjary raha ny tatitry ny solombavambahoaka voafidy tany an-toerana... ♦Tsy azo iodivirana ny fampiharana ny fambolena an-tanan-dehibe ho an'i Madagasikara noho ny fihazakazahan'ny fitomboan'ny isan'ny mponina... ♦  Tontosa androany maraina ny fandefasan'ny NASA an'ilay sambondanitra ARTEMIS hihazo ny volana. Voalaza ho sambondanitra matanjaka indrindra eran-tany izy io...

Lohahevitra : Mba ho vanona
Voadika amin'ny fiteny :  Français (France)   English (United Kingdom) 

Ny fahefana anaty dia ahitana ireto : ny finoana, ny fanantenana ary ny fitiavana. Ny sakana anaty dia hatarafana ireto : ny fialonana, ny fanaratsiana ary ny fiandaniana. Ny safidy dia anao : na ny fahefana anaty no iainana na ny sakana anaty. Fandaharana "mba ho vanonoa" iarahana amin'ny jeneraly Ramakavelo Désiré.

Lohahevitra : Vaovao

♦ Olona 36 isa no maty vokatry ny fitsaram-bahoaka tany amin'ny Faritra Vatovavy tato anatin'ny enin-taona, tany Ikongo avokoa ny 26 tamin'ireo. Mitsangana ankehitriny ny vaomiera manokana eny amin'ny antenimieram-pirenena, hanadihady ilay tranga nahafaty olona am-polony tany Ikongo farany teo... ♦ Tsy maintsy hamafisina ny fizakantenan'ireo kaominina sy Faritra eto Madagasikara, na eo amin'ny lafiny ara-bola, na amin'ny resaka fitantanana, hoy ny ministra ny atitany sy ny fitsinjaram-pahefana... ♦ Tsy manara-drafitra na secteur informel avokoa ny 95%-ny asa eto Madagasikara. Ezahina hitarina amin'ireo sehatr'asa ireo noho izany ny fiahiana ara-tsôsialy...

Lohahevitra : Vaovao

♦ Hanadihady momba ilay teo-draharaha nitranga tany Ikongo ny 29 aogositra 2022, ny Solombavam-bahoaka. Nolaniana androany ny tolo-pehin-kevitra momba ny fananganana ny vaomiera hisahana izany... ♦ Tsy maintsy hamafisina, hoy ny Minisitry ny Atitany sy ny Fitsinjaram-pahefana, ny fizakan-tenan'ireo Kaominina sy ny Faritra eto Madagasikara, na amin'ny ara-bola izany na amin'ny fitantanana... ♦ Nanomboka androany ny taom-panondranana lavanila 2022-2023, araka ny tapaka tamin'ny Filankevitry ny Minisitra, niainga tamin'ny tolo-kevitry ny Filankevi-pirenen'ny lavanila...

Lohahevitra : Vaovao

♦ Misasaka ny fe-potoana hanavaozana manontolo ny lisitry ny mpifidy ho an'ny fifidianana amin'ny taona ho avy. Lasa nampanahirana ny CENI ny tsy nisian'ny fikaonandoham-pirenena, nialohan'ny nanatanterahana izany, hoy ny antoko Fiombonana... ♦ Voavolavola ny drafitra stratejika ankapobeny ho fanaraha-maso ny asa eto Madagasikara. Nampahafantarina omaly izany drafitra izany, ho fanatsaràna ny aro loza sy fitandremam-pahasalamana eny anivon'ny toeram-piasàna... ♦ Olona miisa 6, no maty nilatsaham-potaka tany Tsiafabositra Maevantanàna omaly. Andro vao maraina ny nisian'izao fipoahan'ny varatra izao, narahin'ny rotsak'orana sy kotroka...

Sous-catégories

Vaovao

Arofanina

[Miara-dàlana] Zoma 30 mey 2025

• Notanterahana androany ny Andron'ny Sekoly Katolika teto amin'ny Diosezin'Antananarivo, ka Eokaristia Masina notarihan'ny Arseveka no nanombohana izany... • Notanterahana ny 27 hatramin'ny 29 mey 2025, ny fihaonan'ireo mpanabe eo anivon'ny seminera, tao amin'ny Arsidiosezin'Antsiranana... • Antso voalohany ho antsika ny ho olombelona. Io no fampianarana nentin'ny Papa Léon XIV, nandritra ny Audience générale, ny alarobia teo...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...