Lohahevitra : Tantara

Tonga nitady an'i Anja indray i Setra ny ampitson'iny. Nambaran'i Anja fa lehilahy tsy azo ianteherana i Setra, ary saika nidiran-doza izy raha nipingapinga niaraka taminy. Lasa nirintona i Setra rehefa avy nikafarafara tamin'i Anja fa hoe boribory ny tany ka mbola hifankahita. Efatra ambinifolo no isan'ny olona voaendrikendrika ho mpamosavy, efatra lehilahy, folo vehivavy, ary isan'ireny i Anja.

Lohahevitra : Tantara

Nanaiky ny fangatahan'i Haja i ramatoa Razay, dia ny handresy lahatra an'i Ranja mba hanaiky hanambady an'i Haja. Latsa-pitia amin'i Mialy izay anabaviny aloha hatreto i Tefy. Sahiran-tsaina mafy noho izany izy. Torak'izany koa i Mialy, latsa-pitia aminy. Diso fanantenana tamin'ny toky nolazain'i Haja taminy i Tiana. Noteren'i Haja indray izy hanisy poizina ny sakafon'i Mialy, toy izay efa nataon'izy ireo tamin'i Rivo.

Lohahevitra : Tantara

Tsy mbola namboraka ny zava-nanjo azy tamin’ikaky Rakonka mianaka i Anja. Nanomboka teo dia tebiteby sy ahiahy lava no niainany isan’andro. Hisy fampinomam-be hotanterahana ao an-tanàna, hanafoanana ireo izay mikasa hanisy ratsy na hanao toetra tsy mendrika amin’ny mpiara-belona aminy. Anisan’izany i Anja efa noahiahian’ny iray tanàna ho mpamosavy. Tsy andriny ny fotoana, hanaporofoany amin’ny olon-drehetra fa olo-marina izy.

Lohahevitra : Tantara

Nandaitra ny sary mihetsika  nifanarahan'i Ranja sy Tiana, i Ranja miaro ny rambony tsy ho tapaka, i Tiana manantena ny hamokaran'ny tambin'ny fanginany. Niangavy tamin-drainy i Mialy ny tsy handroahana an'i Tiana fa ny mba hitazonana azy ihany. Mahamahana nefa i Rivo fa tena misy zavatra hafenin-dRanja mihitsy. Tonga i Razay haka ny anjarany nifanarahany tamin'i Ranja, ary tsy manaiky fa nandrahona mihitsy raha tsy manatanteraka izany ao anatin'ny fotoana voafetra i Ranja.

[Miara-dàlana] Zoma 26 aprily 2024

♦ Notanterahana ny sabotsy 20 aprily 2024 ny fanamasinana ho Eveka an'i S.E. Mgr le Cardinal Ángel Fernández Artime, Lehiben'ny Fikambanana Salezianin'i Don Bosco maneran-tany... ♦ Tao anatin'ny telo andro no nankalazan'ny Arsidiôsezin'i Fianarantsoa ny fetin'i Jesoa Mpiandry Ondry Tsara, teo amin'ny Kianjan'i Masindahy Josefa, Ambozontany, sady fanokafana ny taom-bolafotsy naha Eveka an'i Mgr Fulgence Rabemahafaly... ♦ Mandalo eto Madagasikara indray ny Hetsika Focolari, vondrona miaina sy mampiaina ny Evanjely amin'ny alalan'ny hira sy ny dihy ary indrindra ny vavaka...

Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...