Lohahevitra : Raki-tsarobidy
Voadika amin'ny fiteny :  Français (France) 

Ny Eveka no mpandimby ny Apôstôly sy Mpitandrina izay miara-miasa akaiky amin’ny Vikeran’i Kristy. Mpiara-miombon’antoka amin’ny famahanana ny ondriny ny Eveka, tsy mpiasa izy ireo fa tena tompony izay nanankinan’i Kristy fahefana hanamasina ny olony. Tao anatin'ny vavaka tamin'ny Rainy no niantsoan'i Jesoa Kristy ireo Apôstôly 12 mba hiaraka aminy sy hirahiny. Katesizy momba ny fiangonana, iarahana amin'i P. Rafidison Abdon.

Lohahevitra : Raki-tsarobidy
Voadika amin'ny fiteny :  Français (France) 

Ny Eveka dia miantoka ny fitoriana ny Evanjely mandrapahatapitr'izao tontolo izao. Ny pretra dia mpanampy mahatoky sy mahefa indrindra an'ny Evekany, ka raisin'ny eveka ho toy ny zanaka sy sakaiza. Ny mihaino azy ireo dia mihaino an'i Kristy ary izay manamavo azy ireo dia manamavo an'i Kristy sy tsy manaraka azy. Katesizy momba ny fiangonana, iarahana amin'i P. Rafidison Abdon.

Lohahevitra : Raki-tsarobidy
Voadika amin'ny fiteny :  Français (France) 

Araka ny anjara raharaha omen'ny Eveka hiandraiketany, ny Diakra dia afaka manao batemy, mitsodrano mariazy, mizara Kôminio, mikarakara ny Latabatra Masina, mamaky ny Soratra Masina, miahy ny mahantra. Amin'ny anaran'ny Eglizy no hanatanterahany izany fanompoana masina izany. Lehilahy tsara laza, feno Fanahy Masina ary fahendrena ny olona voafidy ho Diakra. Katesizy momba ny fiangonana, iarahana amin'i P. Rafidison Abdon.

Lohahevitra : Raki-tsarobidy
Voadika amin'ny fiteny :  Français (France) 

I Jesoa, Mpiandry ondry tsara, no nanorina ny Eglizy ary nataon'ny rafitra antanatohatra izany fa tsy demôkratika. Ny Papa dimbin'i Piera no Filohan'ny Eglizy sady Vikeran'i Kristy. Ny Eveka izay dimbin'ny apôstôly no Mpiandry Ondry miara-miasa akaiky amin'ny Vikeran'i Kristy. Ny Pretra dia mpanampy mhatoky sy mahefa indrindra ho an'ny Evekany. Ny Diakra dia lehilahy feno fahendrena. Katesizy momba ny fiangonana, iarahana amin'i P. Rafidison Abdon.

Lohahevitra : Raki-tsarobidy
Voadika amin'ny fiteny :  Français (France) 

Araka ny fampianaran'ny Eglizy hita ao amin'i Foto-pampianarana momba ny Fiangonana Fahazavan'izao tontolo izao, ny antsoina hoe "laika" dia ny kristiana rehetra tsy nandray ny sakramentan'ny Filaharana ary tsy anatin'ny fikambanan-drelijiozy ankatoavin'ny Eglizy. Vita batemy ao amin'i Kristy izy ireo ary misy zavatra manandrify azy noho ny anjara toerany sy ny adidiny. Katesizy momba ny fiombonan'ny vita batemy, iarahana amin'i P. Rafidison Abdon.

Lohahevitra : Raki-tsarobidy
Voadika amin'ny fiteny :  Français (France) 

Voalazan'i Masindahy Paoly fa isika rehetra dia tsy maintsy manaraka ny marina am-pitiavana, ka hitombo hatrany amin'ny zavatra rehetra, amin'ny firaisana amin'ny Loha dia i Kristy. Izy no iankinan'ny tena manontolo, ka mahatonga ny ratsam-batana rehetra hilamina fatratra, hitambatra mafy, hifanampy hatrany, samy miasa araka ny anjarany tena amin'ny fitiavana. Katesizy momba ny fiombonan'ny vita batemy, iarahana amin'i P. Rafidison Abdon.

Lohahevitra : Raki-tsarobidy
Voadika amin'ny fiteny :  Français (France) 

Manana fahamendrehana ny lahika noho izy ao anatin'ny vahoakan'Andriamanitra mitovy zo sy hasina eo anatrehan'Andriamanitra sy ny Eglizy. Tokana ny vahoaka nofidin'Andriamanitra : tsy misy afa-tsy Tompo iray, finoana iray, batemy iray. Noho izany, iombonana ny fahamendrehana satria samy nateraka indray tao amin'i Kristy. Tsy misy eo amin'ny Kristy sy ny Eglizy ny fanavakavahana. Katesizy momba ny fiombonan'ny vita batemy, iarahana amin'i P. Rafidison Abdon.

Lohahevitra : Raki-tsarobidy
Voadika amin'ny fiteny :  Français (France) 

Ny mpitondra ao amin'ny Eglizy dia mahatsapa sy mahalala tsara fa mavesa-danja ny anjara asan'ny lahika eo amin'ny fanasoavana ny Eglizy manontolo. Io anjara asa io dia ny fandraisana anjara amin'ny asan'i Kristy Mpisorona, Mpaminany sy Mpanjaka, ary misahana araka ny tandrify azy ny asan'ny vahoaka kristiana manontolo eo amin'ny Eglizy sy eo amin'izao tontolo izao. Nantsoina hizaka ny zavatry ny tany ny lahika. Katesizy momba ny fiombonan'ny vita batemy, iarahana amin'i P. Rafidison Abdon.

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Mandray anjara amin'ny maha Mpaminany sy Vavolombelon'i Kristy ny lahika ka mahazo fanampiana sy fahasoavana hanambara ny Vaovao Mahafaly eo amin'ny mpianakavy sy ny mpiara-monina. Mandray anjara amin'ny fahamendrehana maha Mpanjaka ihany koa ny lahika. Manjakan'ny zava-boahary ny olombelona.  Katesizy momba ny fiombonan'ny vita batemy, iarahana amin'i P. Rafidison Abdon.

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Lehibe tokoa ny anjara toeran'ny lahika ao amin'ny Eglizy sy eo amin'izao tontolo izao. Koa tsy maintsy mahay mifandray tsara amin'ny mpitondra izy ireo, indrindra eo amin'ny lafiny fiaraha-miasa. Asa vadidrano ny fanasoavana ny Eglizy ka tsy maintsy hifandrombonan'ny Mpitondra sy ny Kristiana izay entiny. Afaka manambara malalaka ny heviny ny lahika amin'ny fanatsarana ny Eglizy.  Katesizy momba ny fiombonan'ny vita batemy, iarahana amin'i P. Rafidison Abdon.

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny lahika dia Kristiana vita Batemy rehetra tsy nandray ny Sakramentan'ny Filaharana ary tsy anatin'ny fikambanan-drelijiozy ankatoavin'ny Eglizy. Manana ny fahamendrehana ny lahika noho izy ao anatin'ny vahoakan'Andriamanitra mitovy zo sy hasina eo anatrehan'Andriamanitra sy ny Eglizy. Mila mahay miara-miasa amin'ny Mpitondra ny lahika ary manaiky sy manaja ny rafitra. Katesizy momba ny fiombonan'ny vita batemy, iarahana amin'i P. Rafidison Abdon.

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny Batemy : fankatoavana ny Ray sy ny maha olona. Ny Batemy noraisina dia mahatonga ny lahika hanana anjara toerana eo amin'ny Eglizy sy ny fiaraha-monina. Ny Batemy no tandidon'ny fiombonana ao amin'ny samy lahika na dia ao anaty sampana maro mandrafitra ny Eglizy aza, ary mandrisika ny lahika handray anjara amin'ny asam-pamonjena. Katesizy momba ny fianakaviana sy ny Sakramentan'ny Batemy, iarahana amin'i P. Rafaralahimboa Justolat.

Sous-catégories

Tenin'ny Tompo

Hono hoy aho Mompera ?

[Vaovao manokana] Alakamisy 17 avrily 2025

Notendren’ny Papa François ho Eveka’ny Diosezin’i Fenoarivo-Atsinanana i P. Mareck Ochlak, Lehiben’ny Fikambanana Oblats de Marie Immaculée, ao amin’ny Province Pologne amin’izao fotoana izao.

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...