Lohahevitra : Vaovao

♦ Nihaiky ny fahadisoany tsy nandray andraikitra teto amin'ny firenena hatramin'izay, ireo mpiasam-panjakana ambony eto amintsika, ary nilaza fa vonona ny hanarina ny firenena raha misy ny andraikitra homena azy ireo... ♦ Tsy tanteraka indray ny fangatahana fivoriana mikaton-trano faharoa, nokasain'ny Solombavam-bahoaka sasany natao androany... ♦ Mpamboly vary manodidina ny 1200 no hisitraka ny toha-drano lehibe vao navaozina any Sahabe, Amparafaravola. Notokanan'ny Filohan'ny Repoblika androany izany toha-drano izany...

Lohahevitra : Vaovao

♦ Kendren'ny vondrona Panorama hatolotra ireo Parlemanta mpanao lalàna amin'izao fivorian'izy ireo izao ilay volavolan-dalàna momba ny "code électorale unique". Ho vita amin'ity taona ity ihany koa, hoy ity vondrona ity, ilay fikaonandoham-pirenena hanomanana amin'ny 2023... ♦ Hovaina ny fomba fandoavana ny volan'ny mpisotro ronono amin'ny fanjakàna. Hampiasaina ilay E-poketra eo anivon'ny Paositra malagasy... ♦ Raim-pianakaviana iray no nampidirina am-ponja vonjimaika any Miarinarivo, noho ny nanambadiany ny zanany vavy. Tsy nisy sahy nitory ilay raim-pianakaviana ireo mpiray tanàna aminy, any Andrangy, Soavinandriana-Itasy, tao anatin'ny 12 taona nisian'ity tranga ity...

Lohahevitra : Filira

Ny fanorenana trano dia ilaina omena lanja ireo tanisaina ireto : ny toerana, ny fitodiky ny trano, ny fotoana hanorenana, ny ala saritraka, ary ny fomba hamoriana ny ankora entina hananganana azy. Ny toerana dia tokony manoloana ny tany voky, amin'ny toerana malalaka, tsy azon'ny rano ary tany mafy. Ny fitodiky ny trano dia kajiana mba ho miankandrefana izany hoe amin'ny lafiny andrefana no misy ny varavarana sy ny varavarankely, antony izany dia mba hatsara ny fidiran'ny masoandro sy ny rivotra. Ny fotoana fanorenana dia amin'ny andro main-tany sy araka ny vintan'ilay tompony : ny fototra dia eo anelanelan'ny fenomanana sy ny ravavolana ; ny fananganana rindrina dia eo anelanelan'ny tsinanana hatramin'ny fenomanana.

Lohahevitra : Vaovao

♦ Nahazo fiara avy amin'ny filoham-pirenena ny Vovonam-pirenena katôlikan'ny tanora, hanomanana ny JMJ Mada andiany faha-10 hotanterahina any Antsirabe. Natolotra tamin'ny fomba ôfisialy omaly ilay fiara... ♦ Handalo fankatoavana tsy ho ela eny amin'ny antenimieram-pirenena ny findramam-bola hanatanterahana ny tetik'asa PRIRTIM1. Heverina fa hahafoana tanteraka ny fahatapahan-jiro matetika ho an'Antananarivo sy ny manodidina ny fahatanterahan'izany... ♦ Mbola hanohy ny fanakatonana ny Anjerimanontolo eny Ankatso ireo mpiasa sy mpandraharahan'ny Oniversité, noho ny tsy fandraisana karama. Tsy nahafa-po azy ireo ny vahaolana nentin'ny Ministeran'ny fampianarana ambaratonga ambony...

Sous-catégories

Vaovao

Arofanina

[Miara-dàlana] Alatsinainy 4 aogositra 2025

• Fandraisana an'i Kristy ho namana akaiky ary ho malina hatrany eo anatrehan'ny fisarihana manodoka ka handalina ny finoana, no nanentanan'ny Arsevekan'Antananarivo ny tanora rehetra, nandritra ny famaranana ny JMJ Diosezy tany amin'ny Distrikan'i Mahitsy... • Nanentana ny tanora rehetra ihany koa ny Papa Léon XIV, mba hifikitra mandrakariva amin'i Kristy ny tanora, nandritra ny famaranana ny Jobilin'ny Tanora izay notanterahana tany Roma... • Eo amintsika sy ao amintsika i Jesoa Tompo ao amin'ny Eokaristia, hoy ny Papa Léon XIV, ka andeha isika hisaotra ny Tompo noho ny fanomezana lehibe amin'izao andro Jobily izao. Hafatra nentiny ho an'ny tanora nandritra ny vavaka Angelus omaly...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...