Lohahevitra : Fankalazana ny Paka
Voadika amin'ny fiteny :  Français (France)   English (United Kingdom) 

Vakiteny voalohany

Boky mitantara ny Asan’ny Apôstôly (Asa 3, 13-15. 17-19)

Novonoinareo ny Tompon’ny aina, fa natsangan’Andriamanitra ho velona Izy.

Tamin’izany andro izany,
dia niteny tamin’ny vahoaka i Piera nanao hoe:

“Ny Andriamanitr’i Abrahama sy i Isaaka ary i Jakôba,
Andriamanitry ny razantsika, no nanome voninahitra an’i Jesoa Zanany,
izay natolotrareo sy nolavinareo, teo anatrehan’i Pilaty,
na dia nataony halefa aza Izy.
Ny Masina sy ny Marina nolavinareo,
fa ny lehilahy mpamono olona no nangatahanareo famelana.
Ianareo namono ny Tompon’ny aina;
fa Andriamanitra kosa nanangana Azy ho velona
ary izahay ireto no vavolombelon’izany.
Ary ankehitriny, ry hava-malala,
fantatro tsara fa ny tsy fahalalana no nanaovanareo izany,
toy izany koa ireo lehibenareo,
fa notanterahin’Andriamanitra tamin’izany kosa izay voalazany rahateo
amin’ny vavan’ny mpaminany rehetra, fa hijaly i Kristy.
Koa mivaloza, ary mibebaha, mba hovonoina ny helokareo”.

— Izany àry ny tenin’ny Tompo.

Salamo fandinihana

Sal. 4, 2. 4. 7. 9

Aidino aminay, ry Tompo, ny hazavan’ny Tavanao.

Raha miantso aho, mba valio,
ry Andriamanitra mpanamarina ahy.
Ry mpanalalaka amin’ny tery ô,
iantrao aho, henoy vavaka.

Fantaro ny ataon’ny Tompo ity sakaizany:
vao miteny aho, dia henony avy hatrany.
Iza, hoy ny maro, no mba hahasambatra azy?
Ny hazavan’ny Tavanao, Tompo, aidina aminay!

Izaho vantany vao mandry
dia matory amim-piadanana:
Ianao irery no fananako
mahafeno toky ahy!

Vakiteny faharoa

Taratasy voalohan’i Masindahy Joany Apôstôly (1 Jo. 2, 1-5a)

Izy no sorom-pifonana mahafaka ny fahotantsika ary tsy ny antsika ihany fa ny an’izao tontolo izao koa.

Anaka, nanoratra aminareo aho, mba tsy hanotanareo.
Ary raha misy nanota, manana mpisolo vava ao amin’ny Ray isika,
dia i Jesoa Kristy, Ilay marina.
Izy no sorom-pifonana mahafaka ny fahotantsika;
ary tsy ny antsika ihany, fa ny an’izao tontolo izao koa.
Ary izao no ahafantarantsika fa mahalala Azy isika,
dia raha mitandrina ny didiny isika.
Izay milaza ho mahalala Azy, nefa tsy mitandrina ny didiny,
dia mpandainga, ary tsy ao anatiny ny marina.
Fa izay mitandrina ny didiny,
no manana ny fitiavana an’Andriamanitra lavorary ao aminy tokoa.

— Izany àry ny tenin’ny Tompo.

Evanjely

Aleloia. Aleloia.

Voasy aminay ny Soratra Masina, ry Jesoa Tompo; ataovy mirehidrehitra ny fonay rehefa miresaka aminay Ianao.

Aleloia.

Evanjely Masina nosoratan’i Masindahy Lioka (Lk. 24, 35-48)

Tsy maintsy hijaly i Kristy, fa hitsangan-ko velona amin’ny andro fahatelo.

Tamin’izany andro izany, dia notantarain’ny mpianatra avy tany Emaosy
tamin’ny Apôstôly iraika ambin’ny folo lahy sy ny namany tafavory
ny zavatra niseho taminy teny an-dalana
sy ny nahafantarany an’i Jesoa tamin’ny famakiana ny mofo.
Mbola niresaka toy izany eo izy ireo,
dia niseho teo afovoany i Jesoa ka nanao taminy hoe:

“Homba anareo anie ny fiadanana!
Aza matahotra, fa Izaho ihany”.

Taitra sady natahotra izy ireo, fa nataony ho matoatoa no hitany.
Ka hoy Izy taminy:

“Nahoana no mitebiteby ianareo,
ary nahoana no miahanahana ao am-ponareo?
Zahao ny tanako sy ny tongotro, fa Izaho mihitsy ity:
tsapao ka jereo, fa ny matoatoa tsy mba mana-nofo aman-taolana
tahaka izao ahitanareo Ahy izao”.

Ary rehefa nilaza izany Izy,
dia nasehony azy ny tanany sy ny tongony.
Ary ilay mbola tsy nino iny ihany izy ireo noho ny hafaliany,
sady mbola talanjona, dia hoy i Jesoa taminy:

“Moa manan-kanina eto va ianareo?”

Dia notoloran’izy ireo tapa-kazandrano voatono sy tantely Izy,
ka noraisiny dia nohaniny teo imason’izy rehetra,
ary ny sisa nomeny azy ireo.
Dia hoy Izy tamin’izy ireo:

“Izao no voalazako taminareo fony mbola teo aminareo Aho,
fa tsy maintsy ho tanteraka izay rehetra voasoratra momba Ahy
ao amin’ny Lalàn’i Môizy sy ny Mpaminany ary ny Salamo”.

Dia nosokafany ny sain’izy ireo hahafantatra ny Soratra Masina,
ka hoy Izy taminy:

“Araka ny voasoratra,
dia tsy maintsy hijaly i Kristy sy hitsangan-ko velona amin’ny andro fahatelo,
ary tsy maintsy torìna amin’ny firenen-drehetra,
miantomboka amin’i Jerosalema,
ny fibebahana sy ny famelan-keloka amin’ny Anarany.
Ianareo no vavolombelon’izany”.

— Izany àry ny tenin’ny Tompo.

Lohahevitra : Vaovao

♦ Hifarana anio alatsinainy ny fametrahana ny antontantaratasy eny amin'ny OVEC, eny anivon'ny Distrika ho an'ireo maniry ho fidiana ho solombavambahoaka amin'ny 29 mey ho avy izao... ♦ Nankalaza ny andro maneran-tany ho an'ny fahasalamana isika teto Madagasikara omaly 7 avrily... ♦ Efa manomboka midina ny vidin'ireo entana ilain'ny mponina andavanandro sasany raha ny nambaran'ny tale misahana ny varotra anatiny...  ♦ Nankalaza ny tsingerin-taona faha-30, nanombohan'ny von'olona faobe tany Rwuanda ity firenena ity omaly... ♦ Feno 6 volana katroka omaly 7 avrily ny nanombohan'ny ady ifanandrinan'i Israely sy ny vondrona Hamas Palestiniana...

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Misy endri-pinamanana môdely maro ambaran'ny Soratra Masaina : (Rota sy Nhemia) i Rota dia vinantovavin'i Nhemia ary azo inoana fa nisy fahasamihafana lehibe teo amin'izy ireo. Ankoatra izany, tsy nitovy ny fiaviany ara-kolontsaina. Na dia teo aza ireo tsy fitovian-kevitra ireo dia nanjary nifandray mafy tamin'ny fisakaizana izy ireo (Rota 1 : 16). Katesizy momba ny tanora miomana hiditra tokan-trano, iarahana amin'i P. Thierry Germain Randriamiarantsoa. 

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Rehefa misokatra amin'ny hafa ny zaza dia lasa manana namana. Endri-pifandraisana mamolavola azy hampihatra ny fanabeazana azo avy ao an-tokan-trano io. Ilaina hifampizaràna hafaliana sy fitiavana ny namana, ilaina hizaràna izay mety manjo araka ny salan-taona. Manefy saina hizara fitiavana amin'ny hafa ny fisokafana. Katesizy momba ny tanora miomana hiditra tokan-trano, iarahana amin'i P. Thierry Germain Randriamiarantsoa. 

Lohahevitra : Hono hoy aho Mompera ?
Voadika amin'ny fiteny :  Français (France)   English (United Kingdom) 

Misy roa karazana ny hetra : ny ara-pinoana sy ny ara-panjakàna, izay isan'ireo tokony arahina maso mba ho ara-dalàna ny fampiasana na fitantanana ireny. Ny fiangonana katolika dia sarotiny amin'ny fitantanana ny vola misy eo amin'ny fiangonana, omena famaizana izay manao ny tsy rariny. Manana adidy isika rehetra handoa ny hetra ara-pinoana sy ny hetra ara-panjakana toy ny sara sy haba, hetra trano sy tany, ny hetra ara-tsôsialy... Ny hetra dia isan'ny fomba azo hiarovana ny aina raha toa ka mandray an-tanana izany ny fanjakana mba ho fitsinjovana ny ain'ny hafa. Ny hetra sy ny fandoavana azy dia miteraka fandrosoana ho an'ny tanàna na faritra na ny fanjakana manontolo...

Lohahevitra : Vaovao

♦ Tsy mahagaga raha mbola hihidy ny famatsiam-bola ho an'i Madagasikara, taorian'ireny fihetsiky ny fitondrana tamina diplômaty vahiny ireny hoy ny VHT, tamin'ny fanehoan-kevitry ny filoha nasiônalin'ity antoko ity... ♦ Olona 400 any ho any no voarohirohy amin'ny fananana azo avy amin'ny tsy rariny ho an'ny taona 2023, araka ny tatitry ny ARAI. Maro an'isa ny fanaovana kolikoly, sy ny fanodikodinana volam-panjakàna ary ny fanaparam-pahefana... ♦ Velaran-tany an'arivony hekitara no kasaina homena orinasa vahiny any an-tampon'i Ihorombe. Tsy manaiky izany ny fikambanan'ny mpiompy omby any an-toerana ka manaitra ny fitondràna ...

Lohahevitra : Andriano ny fahasalamana
Voadika amin'ny fiteny :  Français (France)   English (United Kingdom) 

Ny mialohan'ny diabeta dia tsy misy fambara mazava ho an'ireo olona manana olana diabeta sokajy faharoa (type II), izay 5 hatramin'ny 10 taona eo ny fihomboany. Ny "pré-diabète" dia amin'ny alalan'ny fitiliana no hamantarana azy ; ireto misy tokony ho fantatra : ny voalohany manao "glicemie à jeûne" tsy misakafo ao anatin'ny 8ora ka [1,10g/l - 1,25g/l] na [6,1mmol/l - 7,1mmol/l ] ny taha, ny faharoa fitiliana "intolerance au glucose".  Fandaharana "andriano ny fahasalamana" iarahana amin'ny Radio Don Bosco.

Lohahevitra : Vatsim-panahy
Voadika amin'ny fiteny :  Français (France)   English (United Kingdom) 

Alahady faharoan'ny Paka sady alahadin'ny famindram-pon'Andriamanitra : mahery ny finoana omban’ny fanantenana sy fitiavana ; nino ianao, ry Tômà, satria nahita Ahy, fa sambatra izay tsy nahita ka nino. Isika Kristiana dia mitovy amin'ny Thomas, indraindray isika dia tsy mbola matotra amin'ny finoana, sarotra ho antsika ny mino tanteraka ny tenin'Andriamanitra. Ny toetra nananan'i Thomas amin'ny finiavana handalina ny marina momba ny finoana no tokony ho amin'ny kristiana ka mba hazoto handalina ny finoana amin'ny alalan'ny katesisy... Ilana ezaka maro ny maha olom-pinoana...

Lohahevitra : Vaovao

♦ Hifarana afaka 3 andro ny fe-potoana fanaterana antotantaratasy ho an'ireo hirotsaka ho fidiana ho solombavambahoaka amin'ny 29 mey 2024. Mbola tsy misy afa-tsy kandidà 1 na 2 no efa nanatitra izany eny anivon'ny OVEC... ♦ Tsy mandeha ny fiainan'ny orinasa JIRAMA, hoy ireo mpiasa ka ilaina ny fanendrena maika tale jeneraly vaovao. Nanao fanambaràna mitaky izany teny Ambohijatovo ambony ireo mpiasa sy ireo sendikàn'ny mpiasa am-polony, omaly... ♦ Efa voavaha ny olana ara-teknika an'ny famatsian-dranon'ny JIRAMA eny Mandroseza. Hiverina anio farafahatarany ny famatsiana ho an'ireo toerana tsy nisitraka izany teto Antananarivo hoy ny Ministry ny rano...

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Mahalala kokoa ny toetr'olona sady efa manana traik'efam-piainana ny ray aman-dreny ka manan-jo hametraka arofanina ho an-janany amin'ny fisokafana amin'ny hafa. Eglizy amin'ny endriny somary kely ny fianakaviana, manana adidy hampianatra ny finoana sy hampita fahalalana. Katesizy momba ny tanora miomana hiditra tokan-trano, iarahana amin'i P. Thierry Germain Randriamiarantsoa. 

Lohahevitra : Vaovao

♦ Amin'ny 6 mey izao no hanomboka ny andrana amin'ilay fitaterana an-tariby, ho an'ny ampahany voalohany amin'ny Zotra Volomboasary, mampitohy an'Anosy sy Soarano... ♦ Kandidà maro no nametraka ny antotan-taratasy filatsahan-ko fidiana teny amin'ny OVEC misy ny Distrika hilatsahan'izy ireny, androany... ♦ Efa voavaha ny olana ara-teknika teny Mandroseza, nahatonga ny fahatapahan'ny famatsian-drano, ka hiverina rahampitso ny famatsian-drano ho an'ireo tsy nahazo izany tao Antananarivo Renivohitra...

Lohahevitra : Miara-dalana

♦ Notanterahana ny 2 sy ny 3 aprily 2024, teny amin'ny Episcopat Ambatoroka, ny asa famondronana ny hevitra avy amin'ny Diôsezy, famaliana ireo fanontaniana nivoitra tamin'ny Sinaodin'ny Eveka, andiany voalohany, natao tany Rôma ny volana ôktôbra 2023... ♦ Manatanteraka ny “Chapitre Provincial”, andiany faha-11, ety amin'ny Miason Don Bosco Ivato, nanomboka ny alarobia 3 aprily 2024, ny fikambanan-drelijiozy Salezianin'i Don Bosco...

Sous-catégories

Malagasy

[Miara-dàlana] Zoma 9 mey 2025

• Nankahery ny vahoaka maneran-tany, hampanjaka ny fiadanana sy ny fandriam-pahalemana, ny Papa Léon XIV, tamin'ny fisehoany voalohany teo amin'ny Bazilikan'i Masindahy Piera ny 8 mey 2025 tamin'ny 7 ora sy 25 minitra, ora tany Roma... • Manentana ny olon-dehibe rehetra manerana an'i Madagasikara ny avy eo anivon'ny Vovonam-pirenena Katolikan'ny Lehibe, mba tsy hiandry farany vao hisoratra anarana, ho an'izay hiatrika ny JNA any Morondava... • Fenofeno ny fandaharam-potoanan'ny Papa Léon XIV, manomboka androany zoma 9 mey hatramin'ny sabotsy 24 mey 2025...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...