Lohahevitra : Vaovao

♦ Namoaka hafatra ny Fivondronamben'ny Evekan'i Madagasikara, omaly. Nasian'izy ireo teny avokoa ireo tranga mahazo ny fiaraha-monina sy ny toe-draharaham-pirenena ankehitriny... ♦ Tsy mila tetezamita ny Rodoben'ny Mpanohitra, araka ny fanambarana ôfisialy nataon'izy ireo. Mitaky ny amoahan'ny fitondrana ny datim-pifidianana ihany koa ny RMDM, tamin'ny fanambarany... ♦ Noroahana eo anivon'ny Tafika Malagasy, ireo miaramila enin-dahy nikasi-tànana sivily teny Avaradoha. Mamo izy ireo, rehefa avy nisotrosotro, ka nanakorontana sy nandratra olon-tsotra anankiroa...

Lohahevitra : Vaovao

♦ Hatao eto Antananarivo ny 26 hatramin'ny 30 jolay 2023, ny andiany fahatelo amin'ny Fihaonambe Nasiônalin'ny Ankizy eto Madagasikara. Notanterahana androany ny fiantsoana ireo ankizy hanatrika ny JNE, avy amin'ny Fivondronamben'ny Eveka eto Madagasikara... ♦ Nampiantrano ny Filankevitry ny Minisitra mpikambana ao amin'ny Vaomieran'ny Ranomasimbe Indiana na ny COI, andiany faha-37, tetsy amin'ny CCI Ivato androany, i Madagasikara...

Lohahevitra : Miara-dalana
Voadika amin'ny fiteny :  Français (France)   English (United Kingdom) 

Hafatry ny Fivondronamben’ny Eveka eto Madagasikara. “Nikely aina mandrakariva koa aho mba tsy hotsinin’ny feon’ny fieritrertako, na eo anatrehan’Andriamanitra, na eo anatrehan’ny olombelona” (Asa 24, 16)

Lohahevitra : Vaovao

♦ Hifarana afaka 14 andro ny fisoratana anarana ao anatin'ny lisitry ny mpifidy, amin'izao fanavaozana tanteraka ny lisi-pifidianana izao, ka manentana ny olom-pirenena hanao izany ny eo anivon'ny CENI... ♦ Vola 9,5 tapitrisa Euros no nomen'ny Governemanta Frantsay, ho an'ny Governemanta Malagasy. Hampiasain'ny Minisiteran'ny Toekarena sy ny Minisiteran'ny Tontolo Iainana... ♦ Nidina ifotony nanazava ny momba ny tetikasa télépherique, teny amin'ireo sekoly handalovan'ny Zotra Volomboasary, ny teknisiana avy amin'ny Sekretariam-panjakana miadidy ny Tanàna vaovao sy ny Toeram-ponenana...

Lohahevitra : Vatsim-panahy
Voadika amin'ny fiteny :  Français (France)   English (United Kingdom) 

Vehivavy mitia tanteraka amin'ny fitiavana marina i Maria. Tamim-pirehetam-po sy an-kafaliana, hainy ny nanokana ny fiainany mantolo ho an'Ilay Tena Fitiavana. Rehefa mibanjina azy isika dia haintsika ny manavaka ny tena fitiavana, amin'ireo ankoso-pitiavana sandoka, ary mazava amintsika io lafiny tena manan-daja lehibe amin'ny fiainantsika io, mitaha amin'ny azy. Hasivianandro fiomanana amin'ny fetin'i Masina Maria Vonjin'ny Kristianina. Andro fahefatra.

Lohahevitra : Vaovao

♦ Nahatratra hatrany amin'ny 1,1 miliara Euros, ny fifanakalozana ara-barotra teo amin'i Madagasikara sy i Frantsa, tamin'ny taon-dasa, izay ambony indrindra teo amin'ny tantaran'ny fifandraisan'ny firenena roa tonta... ♦ Famonjena ny firenena amin'ny tsy fahampian'ny tolotra arak'asa ho an'ny Malagasy sy ho fametrahana ny indostria ho fototry ny fampandrosoana, no tanjon'ny fanavaozana ny làlana mifehy ny fampiasam-bola eto Madagasikara, izay efa lany tamin'ny asam-baomiera teny Tsimbazaza...

Lohahevitra : Vaovao

♦ Tsy manaiky ny hisian'ny fitondrana tetezamita ny Solombavam-bahoaka avy amin'ny antoko TIM. Manohana ny dinika eo amin'ny hery velona samihafa mialoha ny hirosoana amin'ny fifidianana kosa izy ireo... ♦ Natomboka androany ny hetsika fanaovam-bakisiny miaro amin'ny lefakozatra. Zaza latsaky ny 5 taona, maherin'ny 3 hetsy sy 5 tapitrisa, no kendrena ho vita vakisiny amin'ny Faritra 23, mandritra ny efatra andro... ♦ Nitsidika ny AFT eny Andavamamba, ny Sekreteram-panjakana frantsay, miadidy ny fampandrosoana, ny frankôfônia ary ny fiaraha-miombona antoka iraisam-pirenena...

Lohahevitra : Vaovao

♦ Manamafy ireo mpanara-dia ny fitondrana fa tsy mitombina ny firosoana amin'ny fitondrana tetezamita. Tsy fitadiavan-tseza fa fanolorana vahaolana, hisorohana krizy ao aorian'ny fifidianana, ny fitakiana izany, hoy ny vovonana Gasy Leo... ♦ Mikisaka mianatsimo somary andrefana ao amin'ny Ranomasimbe Indiana, ilay rivodoza Fabien amin'izao. Araha-maso ny fivoarany, na dia mbola tsy ahiana hisy fiantraikany amin'ny toetry ny andro eto Madagasikara aza aloha ny fisiany... ♦ Tena misy ny olana ara-tsakafo any amin'ireo kaominina maromaro any amin'ny Distrikan'i Manakara sy Ikongo, ankehitriny...

Lohahevitra : Ampela mihary
Voadika amin'ny fiteny :  Français (France)   English (United Kingdom) 

Na mbola tsy mahalala kolikoly aza ny zaza dia efa misy fanabeazana azo atao mba tsy hitodika amin'izany izy. Na tsy resahana ny zaza àry ny hoe kolikoly dia ny fomba fihetsika manoloana azy mihitsy no mila tandremana mba tsy hampirona azy amin'izany. Tsy ny resa-bola ihany no endrika isehoan'ny kolikoly fa maro ary isan'izany ny fomba fiteny, ka eo indrindra no miditra ny fanabeazana ny toe-tsain'ny zaza dieny mbola kely izy...

Lohahevitra : Ampela mihary
Voadika amin'ny fiteny :  Français (France)   English (United Kingdom) 

Ilàna fiomanana ny fanambadiana fa tsy atao fahatany, toraka izany koa ny firosoana amin'ny firaisana ara-nofo. Raha hiresaka amin'ny olona manana olana, dia tsy maintsy fantarina aloha ny antony nisian'ny olana, amin'ny alalan'io no hamaritana ny vahaolana, izany hoe mila faharesen-dahatra. Na inona na inona zava-mahadomelina raisin'ny ray aman-dreny mandritra ny fahariana ilay zanany dia tsy maintsy misy fiatrakiny amin'ilay zanany izany.

Lohahevitra : Ampela mihary
Voadika amin'ny fiteny :  Français (France)   English (United Kingdom) 

Ezaka no hatao hanampiana sahady ny tovovavy hiatrika ny ho reny sy ho renim-pianakaviana. Manoloana ny fahasahiranan'ny reny, amin'izao fotoana izao, dia mampanahy ny fiatrehan'ireo tovovavy ho reny, aoriana ao, ny fiainana. Raha hisafidy ny hoe reny ny tovovavy iray dia tokony ho fantany izay manodidina ny fananahana. Ny reny dia ireo niteraka sy nanabe ara-batana ; ny renim-pianakaviana kosa ireo manabe ny saina sy ny fo, ny fanahy, ny maha olona manontolo. 

Lohahevitra : Ampela mihary
Voadika amin'ny fiteny :  Français (France)   English (United Kingdom) 

Ny fiainan'ny olona dia mitohy hatrany, avy nandranto fianarana dia mitohy any amin'ny sehatry ny asa na sehatra hafa, indrindra ny sehatry ny fanambadiana. Ny fitiavana dia : fahasamihafana, fifamenoana, fifanekena, fifaliana, tebiteby, fiainana lava be. Ny olona mifankatia dia mampisongadina ny fahasamihafàna ary tonga amin'ny fifamenoana, ary mifanaiky hifampitantana amin'ny fiainana. Ny dingam-piainana isan-karazany dia ampy hanefy ny olona ara-po hatanty ny ratram-po.

Sous-catégories

Malagasy

Hafatra avy amin'ny Eveka eto am-pamaranana ny Fivahiniana Masina

Ry kristianina havana tafavory marobe eto amin’izao Pelerinazy nasionaly izao sy ianareo maraca izany any an-trano amin’ny haino aman-jery. Velom-pankasitrahana anareo rehetra izahay Evekan’I Madagasikara, Raiamandreninareo, amin’izao havoriana maro be namalianareo ny antso avy aminay sy ny fiainanareo ny aim-panahy jobily natoron’I Papa Fransoa izao. Miaraka aminareo izahay mbola mamerina ny tononkiran’I Maria hoe “mankalaza ny Tompo ny Fanahiko” sy ny hoe “inona no havaliko ny Tompo fa maro dia maro ny soa nataony?”....

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...