Atolotr'i Radio Don Bosco

Lohahevitra : Vaovao

Naseho ny : 19 jolay 2022

♦ Nisokatra tamin'ny fomba ôfisialy androany ny Zaikaben'ny Aumônerie Catholique des Prisons eto Madagasikara... ♦ Fikaonan-doha amin'ireo lokan'ady goavana amin'ny fampandrosoana, anatin'ny fandaharana 2030 ho an'i Afrika sy i Madagasikara. Hifantoka amin'izay indray ny fikaonan-doha iraisam-pirenena ho tanterahan'ny UCM manomboka rahampitso... ♦ Hojeren'ny FMI ny hampihenana ny trosan'ireo firenena afrikanina. Nihena ho 34 miliara dolara ihany koa, ny natokan'ny FMI hanampiana ireo firenena afrikanina amin'izao krizy misy eran-tany izao...

Tohiny...

Atolotr'i Randriamanisa Liva Niaina

Lohahevitra : Ampela mihary

Voadika amin'ny fiteny :      

Naseho ny : 20 jolay 2022

Tsy misy zavatra milamina raha tsy misy fandaminana, izay miainga amin'ny saina mba hampahomby ny taom-pianarana manaraka vaovao. Ny fialan-tsasatra alamina sa milamina no antoky ny fahombiazan'ny taom-pianarana ho avy, amin'ny fomba ahoana?. Ny fialan-tsasatra dia fialana amin'ny zavatra nahazatra na ara-tsaina na ara-batana ; miavaka amin'ny fialamboly izy io satria lava kokoa ara-potoana. Ny hamaritana fa mahomby ny zavatra hatao dia izy ahazoana tombontsoa na vokatra tsara. Ny telozorom-panabeazana no tena tokony misitraka ny fialan-tsasatra ; ireo rehetra voakasika dia mila mandamina mialoha ny saina, ny fandaniana, asongadina ny zavatra laharam-pahamehana.

Tohiny...

Atolotr'i Radio Don Bosco

Lohahevitra : Vaovao

Naseho ny : 19 jolay 2022

♦ Mila manova fanaovana politika ny fitondrana, mba tsy hifatratra any amin'ny filoham-pirenena amin'ny taona 2023 ny tsy fahombiazam-pitantanan'ny governemanta, hoy Andriamatoa Zakahely Boniface. Tokony hosoloina ny Praiministra, raha ny hevitr'ity mpanao politika ity... ♦ Nankatoavin'ny Banky Afrikana ho an'ny Fampandrosoana ny famatsiam-bola 20.000.000 Dôlara mahary ho an'i Madagasikara. Famatsiam-bola hampitomboana ny famokarana vary sy voamaina ary varim-bazaha hiatrehana ny fiantraikan'ny ady any Ukraine aty amintsika... ♦ Nakaton'ny Ministeran'ny harena an-kibon'ny tany ny fitrandrahana volamena any amin'ny kaominina Marikoro-Maevantanàna. Nogiazana ireo fitaovana, nitsoaka ireo teratany vahiny...

Tohiny...

Atolotr'i Radio Don Bosco

Lohahevitra : Vaovao

Naseho ny : 19 jolay 2022

♦ Nomena toromarika hampidina ny saran-dalana ho 600 Ariary ireo taxi-be miasa ao an-drenivohitra. Hihatra ny sazy ho an'ireo izay tsy manaraka izany, aorian'ny amin'ny Alakamisy izao... ♦ Hikarakara fihaonam-be ho an'ny fanavotam-pirenena amin'ny faran'ny herinandro izao ny Rodoben'ny Mpanohitra. Fihaonam-be iantsoan'ireo ny antoko politika, sendikà, fikambanana samihafa ary ireo mpikamban'ny fiaraha-monim-pirenena... ♦ Olona iray no tratra nanoro sy nanome valina laza adina ho an'ny mpiadina ny fanadinam-panjakàna Bakalôrea omaly. Nisy koa ireo nahatratrarana taratasy fiantsoana hosoko, ka natolotra ny mpitandro ny filaminana...

Tohiny...

Atolotr'i Radio Don Bosco

Lohahevitra : Vaovao

Naseho ny : 18 jolay 2022

♦ Hitsapa hery eny amin'ny Magro Behoririka indray ny RMDM sy ireo mitovy fomba fijery aminy amin'ny sabotsy izao, ao anatin'ilay hetsika fihaonam-be ho fanavotam-pirenena... ♦ Olona iray androany, no natolotra ny mpitandro ny filaminana rehefa tra-tehaka ho nanoro sy nanome ny valin'ny laza adina bakalorea ho an'ny mpiadina iray... ♦ Hihatra ny sazy ho an'ireo Taxibe nampiakatra saran-dalana ho 800 Ariary. Nomena hatramin'ny alakamisy izao izy ireo mba hampidinana ho 600 Ariary ny saran-dalana...

Tohiny...

Atolotr'i Radio Don Bosco

Lohahevitra : Miara-dalana

Naseho ny : 18 jolay 2022

♦ Nitombo efatra indray ireo mpisorona ao amin'ny Diôsezin'i Morondava satria nisy fanamasinana ho pretra notontosaina tany an-toerana omaly... ♦ "Eglizy miara-dia, miombona", io no teny nifanentanana nandritra ny fivorian'ny Diôsezin'i Tsiroanomandidy, izay notanterahana tany an-toerana, nanomboka ny alarobia teo hatramin'ny omaly alahady... ♦ Nanatanteraka ny Fihaonamben'ny Ankizy, andiany voalohany, nanomboka ny 13 jolay hatramin'ny omaly alahady 17 jolay, ny tao amin'ny Faritra Androna, Diôsezin'i Port-Bergé...

Tohiny...

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 18 jolay 2022

Dia hoy i Piera taminy: "Tompoko, ho anay ihany va no ilazanao izany fanoharana izany, sa ho an’ny olona rehetra koa?" Ary hoy ny Tompo: "Iza moa no mpitandrim-pananana mahatoky sy hendry izay hotendren’ny tompony hifehy ny mpanompony mba hanome azy ny anjara variny ara-potoana? Sambatra izany mpanompo izany raha tratran’ny tompony manao tahaka izany raha avy izy. Lazaiko marina aminareo fa hotendreny ho mpitandrina ny fananany rehetra izy. Fa raha izany mpanompo izany kosa, manao anakampo hoe: ‘Ela vao ho avy ny tompoko’, ka amin’izany dia mikapoka ny ankizy lahy sy ny ankizy vavy izy, sady mihinana sy misotro ka mamo, dia ho avy amin’ny andro tsy ampoiziny sy amin’ny ora tsy fantany ny tompon’izany mpanompo izany, ka hataony rotiky ny kapoka izy, ary homeny anjara any amin’ny mpanompo ratsy. Izay mpanompo nahalala ny sitra-pon’ny tompony ihany nefa tsy niomana, na tsy nanao araka ny sitra-pony, no hokapohina imbetsaka; fa izay tsy nahalala kosa, na nanao zavatra mendri-pamaizana aza, dia hokapohina kelikely ihany. Izay nomena be no hitakiana be, ary izay nanankinana be no hadinina be koa".

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 18 jolay 2022

Tamin’izany andro izany, i Jesoa niteny tamin’ny mpianany nanao hoe: "Aza matahotra, ry ondry vitsy, fa efa sitraky ny Rainareo ny hanome anareo ny Fanjakana. Amidio izay anananareo ka anaovy fiantrana; manaova kitapom-bola tsy tontan’ny ela ho anareo, dia rakitra tsy mety lany any an-danitra, izay tsy azon’ny mpangalatra idirana sady tsy misy kalalao manimba; fa izay misy ny harenareo no hisy ny fonareo koa".

"Aoka ho voaetra ny andilanareo, ary ho voarehitra ny jironareo. Manaova toy ny olona izay miandry ny fotoana hiverenan’ny tompony avy any amin’ny fampakaram-bady, mba hamoha azy miaraka amin’izay raha vantany vao tonga sy mandondòna izy. Sambatra ireo mpanompo tratran’ny tompony miambina raha tonga izy; lazaiko marina aminareo fa hisikina ny tompony ka hampipetraka azy hihinana, ary ho avy hampihinana azy. Na tonga amin’ny fiambenana faharoa izy, na tonga amin’ny fiambenana fahatelo ka mahatratra azy manao toy izany, dia sambatra ireo mpanompo ireo. Ary fantaro tsara fa raha fantatry ny tompon-trano ny ora hiavian’ny mpangalatra, dia hiambina izy, fa tsy hamela ny tranony hotamîna. Koa mivonòna koa ianareo, fa ho avy amin’ny ora tsy hampoizinareo ny Zanak’Olona".

Dia hoy i Piera taminy: "Tompoko, ho anay ihany va no ilazanao izany fanoharana izany, sa ho an’ny olona rehetra koa?" Ary hoy ny Tompo: "Iza moa no mpitandrim-pananana mahatoky sy hendry izay hotendren’ny tompony hifehy ny mpanompony mba hanome azy ny anjara variny ara-potoana? Sambatra izany mpanompo izany raha tratran’ny tompony manao tahaka izany raha avy izy. Lazaiko marina aminareo fa hotendreny ho mpitandrina ny fananany rehetra izy. Fa raha izany mpanompo izany kosa, manao anakampo hoe: ‘Ela vao ho avy ny tompoko’, ka amin’izany dia mikapoka ny ankizy lahy sy ny ankizy vavy izy, sady mihinana sy misotro ka mamo, dia ho avy amin’ny andro tsy ampoiziny sy amin’ny ora tsy fantany ny tompon’izany mpanompo izany, ka hataony rotiky ny kapoka izy, ary homeny anjara any amin’ny mpanompo ratsy. Izay mpanompo nahalala ny sitra-pon’ny tompony ihany nefa tsy niomana, na tsy nanao araka ny sitra-pony, no hokapohina imbetsaka; fa izay tsy nahalala kosa, na nanao zavatra mendri-pamaizana aza, dia hokapohina kelikely ihany. Izay nomena be no hitakiana be, ary izay nanankinana be no hadinina be koa".

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 18 jolay 2022

Tamin’izany andro izany, i Jesoa nilaza tamin’ny mpianany nanao hoe: "Raha misy ta-hanaraka Ahy, aoka izy handà ny tenany, sy hitondra ny hazofijaliany, ka hanaraka Ahy. Fa izay ta-hamonjy ny ainy no hahavery azy, ary izay hahafoy azy noho ny amiko no hahazo azy. Inona no soa azon’ny olona raha mahazo izao tontolo izao izy, nefa very ny fanahiny? Ary inona no homen’ny olona ho takalon’ny fanahiny? Fa ny Zanak’Olona dia ho avy amin’ny voninahitry ny Rainy miaraka amin’ny anjeliny, ka amin’izay dia hamaly ny olona araka ny nataony Izy. Lazaiko aminareo marina tokoa, fa ny sasany eto, dia tsy hanandrana fahafatesana, raha tsy efa mahita ny Zanak’Olona avy amin’ny fanjakany."

Atolotr'i Rakotoarisoa Sedera Joseph

Lohahevitra : Tenin'ny Tompo

Voadika amin'ny fiteny :      

Naseho ny : 23 jolay 2022

Sabotsy 23 jolay 2022 — Herinandro fahenina ambin'ny folo mandavantaona — Raiso amim-pahalemem-panahy ny teny voafafy aminareo, izay mahavonjy ny fanahinareo — Evanjely Masina nosoratan'i Masindahy Matio 13, 24-30

Tohiny...

Atolotr'i Radio Don Bosco

Lohahevitra : Vaovao

Naseho ny : 18 jolay 2022

♦ Nanova ny fomba fijeriny momba ny asa fitrandrahana fasi-mainty ataon'ny Orinasa Base-Toliara ao amin'ny Faritra Atsimo-andrefana ny ankamaroan'ireo olona nanohitra ny asa fitrandrahana, roa taona sy tapany taorian'ny fampihatoana ny sehatr'asan'izany orinasa izany tao Toliara... ♦ Nahaliana ireo tantsaha sy izay misehatra manokana amin'ny sehatry ny fiompiana ny andro natokan'ny Malagasy Professionnel d'Elevage na ny MPE nivoizana ny lafiny teknika momba ny fiompiana ny faran'ny herinandro teo... ♦ Fifindramonina anatiny : Tsy nisy afa-tsy ny famahana ny olana eny ifotony amin'ny faritra hisian'ny fifindra-monina ihany no vahaolana, tsy hisian'izany eto amintsika hoy ny antoko Otrikafo...

Tohiny...

Atolotr'i DIMBINIAINA Tsilavina Jules

Lohahevitra : Filira

Naseho ny : 19 jolay 2022

NY famadihana dia famindrana toerana ny razana iray natao anirotra na avy amin'ny fasana hafa na ihany koa avy amin'ny faritra hafa ho amin'ny fasana iray. Ny fotoana fanaovana ny famadihana dia amin'ny vanim-potoana ririnina, izany hoe eo anelanelan'ny volana jona sy septambra, ka ny famongarana dia amin'ny faharavan'ny volana ary ny fanitrihana dia amin'ny tsinam-bolana. Ny fitaovana tena ilaina rehefa manatanteraka ny famadihana dia ny tsihy sy ny lamba. Misy dinga maromaro atao amin'ny fanatanterahana famadihana : ny fanomanana, fiantsoana ambiroa, famongarana, fanitrihana...  Ireo dingana hisandratan'ny olona manomboka amin'ny fahafatesana : Maty (vatana mangatsiaka), an-dalana maha razana, aorian'ny famadihana dia lasa ho razana mitahy ary mety ho tonga amin'ny hoe zanahary.

Tohiny...