Atolotr'i Ratovoarivelo Ndrasantsoa Marie Frédeline

Lohahevitra : Raki-tsarobidy

Voadika amin'ny fiteny :      

Naseho ny : 13 aogositra 2021

Sitrak'Andramanitra ny fifampiankinan'ny zavaboary. Ny masoandro, ny volana, ny sedera sy ny voninkazo, ny voromahery sy ny fody : ny fahitana ny hamaroan'ny karazana sy ny tsy fitovian'izy ireo no midika fa tsy misy zavaboary na iray aza mahavita tena. Manana anjara toerana sy adidy manoloana ny hafa ny olombelona tsirairay. Katesizy momba ny firotsahana amin'ny fikambanana hikatsahana ny soa iombonana, iarahana amin'i P. Ranaivozanany Tina Jeannot.

Tohiny...

Atolotr'i Ratovoarivelo Ndrasantsoa Marie Frédeline

Lohahevitra : Raki-tsarobidy

Voadika amin'ny fiteny :      

Naseho ny : 12 aogositra 2021

Ny herisetra atao amin'ny zavaboary dia herisetra manohitra ny olombelona ary fahotana manohitra an'Andriamanitra, noho izany, misy fomba fandinika sy fandraisana ny zavatra rehetra tokony hanaja ny nandaharan'Andriamanitra azy ireny tsirairay. Katesizy momba ny firotsahana amin'ny fikambanana hikatsahana ny soa iombonana, iarahana amin'I P. Ranaivozanany Tine Jeannot.

Tohiny...

Atolotr'i Ratovoarivelo Ndrasantsoa Marie Frédeline

Lohahevitra : Raki-tsarobidy

Voadika amin'ny fiteny :      

Naseho ny : 11 aogositra 2021

Teny roa no atambatra ny hoe " soa iombonana", maneho zavatra tsara azon'ny rehetra andraisana anjara na ampiasaina ary natao ho an'ny rehetra. Ohatra : ny arabe, ny rivotra madio, ny sekoly, ny trano fiangonana, ny hôpitaly. Hoy ny Pape Ray Masina : ny soa iombonana dia ireo noharin'Andiamanitra ka nankininy tamin'ny olombelona. Katesizy momba ny firotsahana amin'ny fikambanana hikatsahana ny soa iombonana, iarahana amin'i P. Ranaivozanany Tina Jeannot.

Tohiny...

Atolotr'i Ratovoarivelo Ndrasantsoa Marie Frédeline

Lohahevitra : Raki-tsarobidy

Voadika amin'ny fiteny :      

Naseho ny : 10 aogositra 2021

Fanamby ho an'ny taranak'olombelona manontolo ny fitandrovana sy ny fanajàna ary fikatsahana ny soa iombonana ary adidy iaraha-misalahy sy ilàna fahasahiana. Ny Papa Ray Masina dia manentana izao tontolo izao amin'ny fitandrovana sy fitahirizana ny soa iombonana, indrindra manoloana ny fiovana misy amin'izao. Katesizy momba ny firotsahana amin'ny fikambanana hikatsahana ny soa iombonana, iarahana amin'i P. Ranaivozanany Tina Jeannot.

Tohiny...

Atolotr'i Radio Don Bosco

Lohahevitra : Vaovao

Naseho ny : 4 aogositra 2021

♦ Manoso-kevitra amin'ny fahefana mpanatanteraka ny antenimieram-pirenena, mba hanomezana hasina kokoa ity andrim-panjakàna ity amin'ny fandraisana fanapahan-kevitra goavana... ♦ Manainga ny malagasy hitandro ny firaisan-kina, fototry ny fihavanana ny filohan'ny antenimieran-doholona, manoloana ny fikasàna hifofo ny ain'ny filoham-pirenena... ♦ FIER Mada 22: Ho ambohi-pihaonan'ny mpamokatra, ny teknisiana, ny mpandraharaha sy ny tompon'andraikitra maro, manomboka anio, eny amin'ny kianja Maki Andohatapenaka...

Tohiny...

Atolotr'i Radio Don Bosco

Lohahevitra : Vaovao

Naseho ny : 3 aogositra 2021

♦ Nanomboka androany ny fivoriana tsy ara-potoana faharoan'ny Andrim-panjakana mpanao lalana eto Madagasikara. Lahadinika miisa dimy no voafaritra anatin'ny fivoriana, isan'izany ny fandaniana ny volavolan-dalana mifehy ny famatsiam-vola sivifolo sy efajato tapitrisa dolara, avy amin'ny Banky Iraisam-pirenena... ♦ Hitombo avo roa heny ny mpanjifan'ny orinasa JIRAMA ao anatin'ny dimy taona. Ny mpanjifa izay velon-taraina indray manoloana ny fidangan'ny faktioran'izy ireo tato ho ato...

Tohiny...

Atolotr'i Radio Don Bosco

Lohahevitra : Vaovao

Naseho ny : 3 aogositra 2021

♦ Mitaky ny hivoahan'ny marina momba ny raharaha fikasàna hamono ireo olom-panjakàna ambony eto amin'ny firenena ny Antenimieram-pirenena, nasongadin'ny filohany izany androany maraina... ♦ Mandrahona hampiakatra saran-dalana ireo mpitatitra amin'ny zotra nasiônaly, indrindra amin'izao fialan-tsasatra izao... ♦ Hisy fiandrasan-draharaha eny anivon'ny Ôfisin'ny bakalôrea hatramin'ny alahady izao ; lamina izy ity , mba hitsinjovana ireo mpiadina tsy nahazo taratasy fiantsoana... 

Tohiny...

Atolotr'i Radio Don Bosco

Lohahevitra : Vaovao

Naseho ny : 3 aogositra 2021

♦ Hanomboka anio ny fivoriana tsy ara-potoana faharoa ho an'ireo parlemanta mpanao lalàna. Fivoriana hankatoavana ilay famatsiam-bola 490 000 000 dolara nindramina tamin'ny banky iraisam-pirenena... ♦ Hitory any amin'ny fitsaràna ny sendikàn'ny Polisy SEFPONAM, raha tsy voavaha ny olana nanagiazana ny fitaovan'izy ireo. Manome fe-potoana herinandro, hamoahana ireo fitaovam-piasany ny birao nasiônaly... ♦ Misaona ny tontolon'ny zava-kanto malagasy. Nodimandry omaly ilay mpanakanto Aloma, zanak'i Henri Ratsimbazafy...

Tohiny...

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 3 aogositra 2021

Tamin’izany andro izany, i Jesoa niteny tamin’ny mpianany nanao hoe: "Raha diso taminao ny rahalahinao, dia manatona azy; ka rahefa mitokana ianareo, dia asehoy azy ny hadisoany. Raha mihaino anao izy, dia efa azonao ny rahalahinao; fa raha tsy mihaino anao izy, makà olona iray na roa hiaraka aminao mba ho tapaka noho ny teny hataon’ny vavolombelona roa na telo ny raharaha rehetra. Raha tsy mihaino azy ireo izy, dia ambarao amin’ny Eglizy; ary raha tsy mihaino ny Eglizy koa, dia ataovinao tahaka ny jentily sy ny poblikanina. Lazaiko marina aminareo fa na inona na inona hofehezinareo etý ambonin’ny tany dia ho voafehy any an-danitra; ary na inona na inona hovahanareo etý ambonin’ny tany, dia ho voavaha any an-danitra. Ary izao koa no lazaiko aminareo: raha misy roa aminareo mifanaiky etý ambonin’ny tany, na inona na inona angatahiny dia ho azony avy amin’ny Raiko izay any an-danitra izany. Fa na aiza na aiza iangonan’ny olona roa na telo amin’ny Anarako, dia eo afovoany Aho."

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 3 aogositra 2021

Tamin’izany andro izany, i Jesoa nanao tamin’ny mpianany hoe: "Lazaiko marina dia marina aminareo fa raha tsy maty ny voam-bary nafafy tamin’ny tany, dia mitoetra foana izy: fa raha maty kosa izy, dia mahavokatra be. Izay tia ny ainy no hahavery azy; fa izay mankahala ny ainy amin’izao fiainana izao no hitahiry azy ho amin’ny fiainana mandrakizay. Raha misy manompo Ahy dia aoka izy hanaraka Ahy, ary izay itoerako no hitoeran’ny mpanompoko koa. Raha misy manompo Ahy, dia homen’ny Raiko voninahitra izy."

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 3 aogositra 2021

Tamin’izany andro izany, raha nitety an’i Galilea i Jesoa sy ny mpianany, dia hoy i Jesoa taminy: "Efa hatolotra eo an-tanan’ny olona ny Zanak’Olona, ary hovonoina Izy, nefa hitsangana amin’ny andro fahatelo." Dia nalahelo mafy izy ireo.

Nony tonga tany Kafarnaôma izy ireo, dia nanatona an’i Piera ny mpamory ny hetra dragma roa, ka nanao hoe: "Moa tsy mba mandoa ny dragma roa va ny Mpampianatra anareo?" Dia hoy i Piera: "Mandoa Izy." Ary raha niditra tao an-trano izy, dia notsenain’i Jesoa nilazany hoe: "Ahoana ny hevitrao, ry Simôna? Iza moa no angalan’ny mpanjaka etý an-tany hetra sy hajia, ny zanany sa ny olon-kafa?" Hoy i Piera taminy: "Ny olon-kafa." Dia hoy i Jesoa: "Raha izany àry, dia afaka ny zanany. Kanefa sao manafintohina azy isika, ka mandehana manjono any amin’ny ranomasina ianao, dia raiso ny hazandrano azonao voalohany ka sokafy ny vavany, fa hahita vola dragma efatra ao ianao, ka alao, dia aloavy ho Ahy sy ho anao."

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 3 aogositra 2021

Tamin’izany andro izany, nimonomonona tamin’i Jesoa ny Jody satria Izy nanao hoe: "Izaho no mofo velona izay nidina avy any an-danitra". Hoy izy ireo: "Moa tsy i Jesoa zanak’i Jôsefa va ity, izay fantatsika ny rainy aman-dreniny? Ka ahoana àry no anaovany hoe: "Nidina avy any an-danitra Aho?" Fa namaly i Jesoa ka nanao taminy hoe: "Aza mimonomonona ianareo. Tsy misy olona mahay manatona Ahy akory raha tsy taomin’ny Ray izay naniraka Ahy, ary Izaho hanangana azy amin’ny farandro. Voasoratra ao amin’ny Mpaminany hoe: ‘Hampianarin’Andriamanitra izy rehetra’. Koa izay rehetra nahare tamin’ny Ray ka nianatra taminy no manatona Ahy. Tsy dia hoe nisy nahita ny Ray akory: fa Ilay avy amin’Andriamanitra no hany nahita ny Ray. Lazaiko marina dia marina aminareo: Izay mino Ahy no manana ny fiainana mandrakizay. Izaho no Mofon’aina. Ny razanareo nihinana ny mana tany an’efitra, nefa maty ihany; tsy toy izany ny Mofo nidina avy any an-danitra, fa tsy ho faty izay mihinana azy. Izaho no Mofo velona izay nidina avy any an-danitra: raha misy mihinana ity Mofo ity dia ho velona mandrakizay izy, ary ny Mofo izay homeko dia ny Nofoko ho fiainan’izao tontolo izao".