Atolotr'i Radio Don Bosco

Lohahevitra : Vaovao

Naseho ny : 8 jona 2021

♦ Miabo ny zava-bitan'ny Governemanta nandritra ny tao 2020 sy ny tapany voalohany amin'ity taona 2021 ity, na teo aza ny valan'aretina Covid-19 sy ny krizy naterany. Samy nanambara izany androany na ny Praiminisitra na ny Minisitra nandaha-teny nanoloana ny Solombavam-bahoaka... ♦ Niampy dimy indray ireo marary lavon'ny Coronavirus teto Madagasikara, araka ny tatitra navoakan'ny Ministeran'ny Fahasalamam-bahoaka. Niisa 16 ireo voamarina fa mitondra ny tsimok'aretina tamin'ny fitiliana 587 natao...

Tohiny...

Atolotr'i Radio Don Bosco

Lohahevitra : Ampela mihary

Voadika amin'ny fiteny :      

Naseho ny : 9 jona 2021

Mila hery sy fahavononana ny fanatràrana ny tanjona. Tokony ialana ilay fomba fisainana hoe "azo maimaimpoana" satria ireny dia tsy maharitra. Ny fahasalamana dia ilay fahafahana miaina tsy misy sakatsakana izay miankina amin'ireto andry lehibe ireto : sakafo, torimaso, fahaizana miala sasatra, fandanjalanjàna ny fiankanjoana, ary ny fampiasam-batana. Ny fitozohana ny fampiasana vatana dia fitozoana amin'ny fahatràrana tanjona ara-pahasalamana... 

Tohiny...

Atolotr'i Radio Don Bosco

Lohahevitra : Vaovao

Naseho ny : 8 jona 2021

♦ Hifanatrika amin'ireo solombavambahoaka manomboka anio ireo mpikamban'ny governemanta. Hisantàrana izany ny Praiministra tatitra... ♦ Tsy nisy ny dinika mialoha sy tatitra nataon'ny solombavambahoakan'i Betafo, nialohan'ny nanolorany ilay tolo-dalàna momba ny zom-pirenena, hoy ny mponina any an-toerana. Voalaza fa manahy mafy momba ny taniny izy ireo... ♦ Tsy eken'ireo mpanolontsaina avy amin'ny KOMBA ny fanomezana vola 10 000 000 000Ariary ho an'ny kaominina Antananarivo amin'ny alalan'ny FDL... 

Tohiny...

Atolotr'i Rafaralahimboa Justolat Eulethère

Lohahevitra : Tenin'ny Tompo

Naseho ny : 11 jona 2021

Zoma 11 jona 2021 — Ny Fo Masin'i Jesoa — Avia aty amiko ianareo rehetra mitondra fahoriana sy vesaram-pijaliana fa hanamaivana anareo Aho, hoy ny Tompo — Evanjely Masina nosoratan'i Masindahy Joany 19, 31-37

Tohiny...

Atolotr'i Radio Don Bosco

Lohahevitra : Vaovao

Naseho ny : 8 jona 2021

♦ Nitaraina ireo mpisolovava fa tsy misy antony intsony tokony hitazomana ireo voarohirohy tamin'ilay raharaha famonoana  karana teny Ivandry. Naverina am-ponja indray moa izy ireo... ♦ Nitondra fanazavàna ny teo anivon'ny zandarimariam-pirenena, manoloana ilay raharaha fisakanana ny fiara nitondra ny mpitarika ny mpanohitra, Marc Ravalomanana... ♦ Efa tafavory eto Antananarivo avokoa nanomboka omaly ireo mpilalao mandrafitra ny Barea hiatrika fampivondronana... 

Tohiny...

Atolotr'i Rafaralahimboa Justolat Eulethère

Lohahevitra : Tenin'ny Tompo

Voadika amin'ny fiteny :      

Naseho ny : 10 jona 2021

Alakamisy 10 jona 2021 — Herinandro fahafolo mandavantaona — Omeo fahalalana aho, ry Tompo, hitandremako ny lalànao, ary hanarahako azy amin’ny foko tontolo — Evanjely Masina nosoratan'i Masindahy Matio 5, 20-26

Tohiny...

Atolotr'i Radio Don Bosco

Lohahevitra : Vaovao

Naseho ny : 7 jona 2021

♦ Tsy mazava ary tsy ara-dalana ny mbola hitazonana ireo olona efatra voarohirohy tamin'ny raharahan'ilay teratany karana hita faty teny Ivandry, hoy ireo mpisolovava niaro azy ireo, androany... ♦ Mpilalao enina tamin'ireo 35 nantsoin'ny mpanazatra ny Barean'i Madagasikara, Eric Rabesandratana, no tsy tonga. Mbola mikasa ny hiresaka mivantana amin'i Bolida kosa ity mpanazatra ity...

Tohiny...

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 7 jona 2021

Tamin’izany andro izany, nony efa tonga teny am-pita tamin’ny tanin’ny Geraseny i Jesoa, dia nisy lehilahy roa nidiran’ny demony, nivoaka avy tamin’ny fasana, ka namantana taminy; masiaka loatra izy ireo, ka tsy nisy sahy nihazo izany lalana izany. Ary indreo izy niantso hoe: "Mifampaninona izahay sy Ianao, ry Jesoa Zanak’Andriamanitra? Hampijaly anay alohan’ny fotoana va no nalehanao atý?" Ary nisy kisoa betsaka iray dia, nihinana teny lavidavitra Azy teny, ka nihanta tamin’i Jesoa ny demony nanao hoe: "Raha dia roahinao hiala eto àry izahay, mba alefaso amin’iretsy andian-kisoa iretsy." Ary hoy Izy taminy: "Mandehana." Dia nivoaka ireo, ka niditra tamin’ny kisoa; niaraka tamin’izay, nirifatra nivarina any anaty ranomasina ny kisoa rehetra, ka maty tany anaty rano. Ary nandositra ny mpiandry azy: ka nony tonga tany an-tanàna, dia nilaza izany rehetra izany, sy ny amin’ireo olona roa nidiran’ny demony. Dia indreny ny mponina rehetra tao an-tanàna nivoaka nitsena an’i Jesoa, ka nony nahita Azy, dia niangavy taminy mba hiala amin’ny faritaniny.

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 7 jona 2021

Tamin’izany andro izany, nony hitan’i Jesoa ny hamaroan’ny olona nanodidina Azy, dia nasainy hampitaina eny an-dafin-drano Izy. Ary nisy mpanora-dalàna anankiray nanatona nilaza taminy hoe: "Mpampianatra ô, hanaraka Anao aho na aiza na aiza alehanao." Ary hoy i Jesoa taminy: "Ny amboahaolo manan-davaka, ary ny voromanidina manana akany, fa ny Zanak’Olona tsy mba manana izay hampandriany ny lohany." Ary ny anankiray tamin’ny mpianany koa nilaza taminy hoe: "Tompoko, avelao aho aloha handeha handevina ny raiko"; fa hoy i Jesoa taminy: "Manaraha Ahy, fa avelao ny maty handevina ny maty ao aminy."

Atolotr'i Radio Don Bosco

Lohahevitra : Vaovao

Naseho ny : 7 jona 2021

♦ Miantso vonjy ireo mponina any amin'ny Kaominina Ivondro, Lavaraty eto aloha, any Midongy-Atsimo, fa tsy misy mihitsy ny masoandro mihiratra ho azy ireo noho ny asan-dahalo... ♦ Ny votoatin'ny fanambarana iraisana momba ny teti-bolam-panjakana 2021 asiam-panitsiana, tamin'ny faran'ny herinandro teo nataon'ny vondrona fiaraha-monim-pirenena maromaro teto Madagasikara... ♦ Vadintany iray indray no niharan'ny fandrahonana hampiharana fitsaram-bahoaka noho ny fanatanterahana ny asany tany Antsirabe... 

Tohiny...

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 7 jona 2021

Tamin’izany andro izany, dia niondrana tamin’ny sambo kely i Jesoa ka nony tafita, dia nitangoronan’ny vahoaka teo amoron-dranomasina Izy. Dia avy ny anankiray amin’ny lehiben’ny sinagôga atao hoe Jaïra, ka nony nahita Azy dia niankohoka tamin’ny tongony izy, sady nihanta mafy taminy nanao hoe: "Marary efa ho faty ny zanako vavy, ka andeha re mba hametra-tanana aminy Ianao, mba ho sitrana sy ho velona izy". Dia nandeha niaraka taminy Izy ary be ny vahoaka nanaraka Azy sy nifanety taminy.

Ary nisy vehivavy anankiray nitsi-drà roa ambin’ny folo taona, izay efa niaritra zavatra mafy betsaka tamin’ny mpitsabo maro sy nandany ny fananany rehetra, nefa tsy nihatsara velively, fa vao mainka niharatsiratsy kokoa aza. Nony nahare ny amin’i Jesoa izy, dia nisisika tamin’ny vahoaka ka nanendry ny akanjony avy ao ivohony, fa hoy izy: "Na dia ny fitafiany ihany aza no voakasiko, dia ho sitrana aho". Dia ritra niaraka tamin’izay ny loharanon’aretiny, ka tsaroany tao amin’ny tenany fa sitrana izy. Teo no ho eo ihany dia fantatr’i Jesoa fa nisy hery nivoaka tamin’ny Tenany, ka nitodika ny vahoaka Izy nanao hoe: "Iza no nanendry ny fitafiako?" Ary hoy ny mpianany taminy: "Hitanao izao vahoaka mifanety aminao izao ka Ianao manontany hoe: Iza no nanendry Ahy?" Dia nijerijery manodidina Azy Izy hizaha ilay vehivavy izay nanao izany. Natahotra ravehivavy sy tera-kovitra satria fantany izay tonga taminy, ka nanatona Azy sy niankohoka teo anatrehany izy, dia nilaza ny marina rehetra. Ary hoy Izy taminy: "Anaka, ny finoanao no nahavonjy anao; mandehana amim-piadanana ary sitràna amin’ny aretinao". Raha mbola niteny i Jesoa, dia tonga kosa ny avy any an-tranon’ilay lehiben’ny sinagôga ka nanao taminy hoe: "Maty ny zanakao vavy, ka nahoana ianao no mbola manahirana ny Mpampianatra ihany?" Fa nony nandre izany teny izany i Jesoa dia nilaza tamin’ilay lehiben’ny sinagôga hoe: "Aza matahotra, fa minoa fotsiny ihany". Ary tsy nisy navelany hanaraka Azy afa-tsy i Piera sy i Jakôba ary i Joany rahalahan'i Jakôba.

Ary nony tonga tany an-tranon’ilay lehiben’ny sinagôga izy ireo, dia olona nikorontana sy nitomany ary ninaonaona be ihany no hitan’i Jesoa. Ary niditra Izy ka niteny tamin’ireo hoe: "Nahoana ianareo no mitabataba sy mitomany? Tsy maty razazavavy, fa matory". Dia nihomehy Azy fatratra ny olona; fa Izy kosa nandroaka azy rehetra, dia nitondra ny ray aman-drenin-drazazavavy mbamin’ireo nanaraka Azy niditra tao amin’izay niamparan-drazazavavy, ary nandray ny tanany sy nilaza taminy hoe: "Talità, komy" izany hoe: "Ry zazavavy, hoy Aho aminao: mitsangàna". Niaraka tamin’izay dia nitsangana razazavavy ka namindra, fa efa roa ambin’ny folo taona izy, dia talanjona indrindra ny olona. Fa noraràny mafy izy ireo mba tsy hatao fantatr’olona izany, ary nasainy nomen-kanina razazavavy.

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 7 jona 2021

Tamin’izany andro izany, rahefa niditra tao Kafarnaôma Jesoa, dia nisy kapiteny anankiray nanatona Azy ka nihanta taminy, nanao hoe: "Tompo ô, marary malemy mandry any an-trano ny ankizilahiko, sady mijaly mafy dia mafy." Ary hoy i Jesoa taminy: "Ho avy hanasitrana azy Aho." Fa namaly ilay kapiteny nanao hoe: "Tompoko, tsy mba mendrika ny hidiranao ao ambanin’ny tafon-tranoko aho, fa manonòna teny iray ihany, dia ho sitrana ny ankizilahiko. Fa na dia olom-pehezina aza aho, mba mifehy miaramila ihany koa, ka raha lazaiko amin’ny iray hoe: "Andeha ianao", dia mandeha izy; ary amin’ny anankiray hoe: "Avia ianao", dia avy Izy; ary ny ankiziko: "Ataovy izao", dia manao izy." Gaga i Jesoa nony nandre izany, ka hoy Izy tamin’izay nanaraka Azy: "Lazaiko aminareo marina tokoa fa tsy mbola nahita finoana lehibe tahaka izany Aho tamin’i Israely. Ary izany no ilazako aminareo fa maro ny avy any atsinanana sy avy any andrefana no hipetraka hiara-mihinana amin’ny fihinanam-be miaraka amin’i Abrahama sy i Isaaka ary i Jakôba any amin’ny fanjakan’ny lanitra, fa ny zanaky ny fanjakana kosa, dia hariana any amin’ny maizina any ivelany; any no hisy fitomaniana sy fikitroha-nify." Ary hoy i Jesoa tamin’ilay kapiteny: "Mandehana, ary aoka ho tanteraka aminao araka izay ninoanao." Dia sitrana tamin’izany ora izany ilay ankiziny.

Ary nony tonga tao an-tranon’i Piera i Jesoa, dia nahita ny rafozambavin’i Piera nandry fa nararin’ny tazo, dia notendreny ny tanany, ka niala ny tazo, ary nitsangana nisarivý azy ireo izy. Ary nony hariva ny andro, dia maro ny azon’ny demony nentina teo aminy, ka teny indraim-bava no nandroahany ny fanahy ratsy, ary nositraniny avokoa izay rehetra narary, mba ho tanteraka ilay tenin’i Izaia mpaminany hoe: Izy naka ny rofintsika, sy nitondra ny aretintsika.