Lohahevitra : Vaovao

♦ Misokatra ho an'ny rehetra manana ny mari-pahaizana bakalôrea ny sekoly ambony mampianatra manokana ny Filôzôfia, tantanan'ny Fikambanan'ny Salezianina "ISSAFI" any Ankofafa - Fianarantsoa... ♦ Handraisana fepetra entitra sy haingana ireo tompon'andraikitra naha-tafa-poritsaka ny kôlônely Rakotomamonjy Patrick, izay natao fanadihadiana tao amin'ny toby hoy ny filoha Malagasy Rajoelina Andry... ♦ Pôlisy amperinasa no nanome ilay "cocarde" nampiasainà teratany vahiny tsy ara-dalàna tany Behenjy Faritra Vakinankaratra hoy ny fampitam-baovaon'ny Ministeran'ny Filaminam-bahoaka... ♦ Natomboka tamin'ny alalan'ny Lamesa ny Conclave androany 7 mey...

Lohahevitra : Arofanina

Ankalazaina isaky ny 3 mey ny andro maneran-tany ho an’ny Fahalalahan’ny asa fanaovan-gazety. Ny fiantraikan’ny saina voatr’olombelona amin’ny fahalalahan’ny asa fanaovan-gazety moa no lohahevitra nanamarihana izany tamin’ity taona ity. Fahalalahan’ny asa fanaovan-gazety, tatatataina foana isan-taona. Fahalalahana, iza moa no tsy te hisitraka izany? Tsy hoe: te halalaka dia te hanana fahafahana izay tiana atao fa ny tsy hisian’ny teritery, sakatsakana. Voafetra ihany manko ny fahafahana, rehefa tsy manitsaka ny fahalalahan’ny hafa. Zo rahateo izany, hoy ny fifanarahan’ny firenen-drehetra eran’izao tontolo izao. Milaza ny heviny ny Arofanina hoe: zo io fa mbola mila angatahana foana, mbola takiana, toy ny zo hafa tokony hisitrahana ihany.

Lohahevitra : Vaovao

♦ Hanomoka anio alarobia 7 mey 2025 ny "conclave" ireo kardinal 133 hiatrika ny fifidianana izay ho Papa vaovao any Roma... ♦ Miezaka manakorontana saingy tsy misy mpihaino ny mpanohitra hoy ny filohan'ny antenimieran-doholona Richard Ravalomanana nandritra ny fanokafana ny fivoriana ara-potoanan'ireo Loholona omaly teny Anosikely... ♦ Ny alarobia 21 mey ho avy izao no  hiatrika fanadihadiana lalina momba ilay loza nahafatesan'olona miisa 4 teny By-Pass ilay teratany Sinoa voasaringotra tamin'iny loza iny, nalefa vonjimaika eny Tsiafahy izy mandra-piandry izany...

Lohahevitra : Raki-tsarobidy

Sady fanomanana ny Vaovao Mahafaly no efa fanomanan'Andriamanitra hanomezany Ilay mazava amin'ny olona rehetra hananany fiainana any am-parany ny fiainana tsara niainan'ireo olona tsy nahalala an'Andriamanitra. Ho voninahitr'Andriamanitra sy ho famonjena izao rehetra izao dia raisin'ny Fiangonana adidy ny mampandroso ny olona sy ny voaary... Katesizy momba ny Eglizy fahazavan'izao tontolo izao, iarahana amin'i P. Randriamiarantsoa Germain Thierry.

Lohahevitra : Vaovao

• Tsy nitsitsy fitenenana amin'ireo ambarany ho mpanakorontana ny firenena, ny Jeneraly Ravalomanana Richard, Filohan'ny Antenimieran-doholona androany, nandritra ny lahateny fanokafana ny fivoriana ara-potoana ho an'ny Antenimieran-doholona... • Nidoboka am-ponja vonjimaika eny Tsiafahy, ilay teratany sinoa nitondra fiara sy nanao lozam-pifamoivoizana teny amin'ny By-Pass, ka nitarika fahafatesan'olona... • 12 volana tao aorian'ny nampiharana ny lalana mifehy ny serasera no tokony nijoroan'ny ANRCM. 5 taona aty aoriana anefa, mbola mikatso eo anivon'ny Governemanta izany...

Lohahevitra : Vaovao

♦ Nosokafana ny maraina teo ny fivoriana ara-potoana voalohany ho an'ny Antenimieram-pirenena eny Tsimbazaza. Niantso ny Governemanta hijery sy hitady vahaolana amin'ny fiainan'ny Malagasy ankehitriny ny filohan'ity andrim-panjakàna ity... ♦ Mbola zara raha nidina ny vidim-bary eto Antananarivo amin'izao fararano izao. Mbola ahitàna 1.000Ariary ny iray kapoaka eny an-tsena. Miantso ny fampiharan-dalàna ireo mpiaro ny zon'ny mpanjifa... ♦ Mitaky ny hanaovana fanadihadiana mahaleontena momba ny raharaha kôlônely Patrick Rakotomamonjy ny Transparency International Initiative Madagascar...

Lohahevitra : Filira

Ny "RANGO" dia karazan-dahabolana malagasy, atao an-kira amin'ny ankapobeny mitanisa ka misy ny mpiventy ary misy ny mpanaraka. Ny faritra manao ny "RANGO" dia ny anivon-tany, indrindra ny foko Merina sy ny Betsileo. Ny olona mpanao ny "RANGO" dia mety ho vondron'olona, tarika, fokonolona. Ny votoatin'ny rango dia mifantoka amin'ny loha-hevitra iray, arakaraky ny toe-java-misy ka mety ho fanakorana, fandrisiana, fandemen-tsaina ireo mpifanandrina, mety ho fankaherezana, sy fandokafan-tena. Maro ireo fomba no mety ahitana fanehoana "RANGO...

Lohahevitra : Vaovao

♦ Hivory ara-potoana voalohany manomboka anio ireo Antenimiera mpanao lalàna. Fivoriana haharitra 60 andro, handinihina tolo-dalàna sy volavolan-dalàna samihafa... ♦ Mitaky fihaonana mivantana amin'ireo Ministra eo anivon'ny Governemanta ireo Solombavambahoaka mpanohitra amin'izao fivoriana ara-potoana izao... ♦ Efa navoaka ny fonja omaly ihany ny vadin'ny Kôlônely Patrick Rakotomamonjy, taorian'ilay toromarika nomen'ny filoham-pirenena. Fahefana voafaritry ny lalàna velona izany, hoy ny mpahay lalàna... ♦Nametra-pialàna ny Praiministra any Roumanie, taorian'ny naharesy ny antokony tamin'ny fifidianana filoham-pirenena ny alahady teo...

Lohahevitra : Raki-tsarobidy

Ny Jody : mifandray amin'Andriamanitra amin'ny fivavahany sy ny finoany izy fa tsy mifandray mivantana amin'ilay Eglizy vahoakan'Andriamanitra. Ny vahoaka Jody no anisan'izay nandray ny fampanantenana ary notiavin'Andriamanitra mandrakariva noho ireo Patriarka teo aminy ; tsy narian'Andriamanitra velively ny olony hoy i Masindahy Piera Apôstôly... Katesizy momba ny Eglizy fahazavan'izao tontolo izao, iarahana amin'i P. Randriamiarantsoa Germain Thierry.

Lohahevitra : Vaovao

♦ Tsy niandry ela fa androany maraina ihany dia efa nivoaka ny fonjan'Antanimora ny vadin'ny Kôlônely Patrick rakotomamonjy. Ity manambonahitra ity izay enjehina sy karohana noho ny fametrahana cocktail molotov teny Antanimena sy 67ha... ♦ Fanadihadiana tamin'ny mpahay lalàna momba ny baiko nomen'ny filohan'ny repoblika Andry Rajoelina hamoahana ilay renim-pianakaviana teny Antanimora iny... ♦ Tsy nomen'ny birao maharitry ny antenimieram-pirenena toerana tao anatin'ny fandaharam-potoana ny lahadinika naroson'ny solombavambahoaka mpanohitra, tamin'ny fivoriana farany teo hoy ny solombavambahoaka Jean Jacques Rabeniriina...

Lohahevitra : Vaovao

♦ Namafisin'ny eo anivon'ny EMMONAT fa tena tomon'antoka tamin'ilay resaka "cocktail molotov" ny Kôlônely Patrick Rakotomamonjy. Nitafa tamin'ny mpanao gazety izy ireo, nampahafantatra izany... ♦ Hirosoana ny fitrandrahana fasimainty ataon'ny Base Tuléar, raha ny firesaky ny filoham-pirenena, omaly. Tsy hampanao sonia fifanarahana mamono ny Malagasy ny tenako hoy izy... ♦ Hiaka-dapa eny Tsimbazaza manomboka rahampitso ireo solombavambahoaka an'i Madagasikara. Hiatrika ny fivoriana ara-potoana voalohan'ny andrim-panjakàna mpanao lalàna amin'ity taona ity...

Lohahevitra : Arofanina

Nampiombona ny fitopin'ny mason'izao tontolo izao tao anatin'ny andro maromaro ny zava-misy any Vatican. Indreo fa samy niresaka, naneho hevitra, ary indrindra naminavina izay mety ho dimbin'i Md Piera ireo mpiserasera. Tsy ny mpino katôlika ihany fa na ny tany an-tokantrano, hatrany anaty fitateram-bahoaka, toeram-piasana, indrindra ireo mpampiasa tambajotran-tserasera dia voasarika tamin'ny zava-nisy tany an-toerana. "Izao no izy, tsy izany fa izao:..." tonga amin'ilay momba fiteny hoe: Katolika alohan'ny Papa mihitsy.

Sous-catégories

Vaovao

Arofanina

[Miara-dàlana] Alatsinainy 11 aogositra 2025

• Kristy, loharanon'ny fanantenana, ny fampihavanana ary ny fiadanana. Vinan'ny Fiangonana Fianakavian'Andriamanitra eto Afrika, ho an'ny 25 taona ho avy. Io no hafatra avy amin'ny Fihaonambe faha-20-n'ny Fivondronamben'y Eveka Katolika eto Afrika sy Madagasikara... • Tontosa ny 10 aogositra 2025 ny Eokaristia Masina, nametrahana an'i Mgr Marek Ochlak, teo amin'ny fiketrahana maha Evekan'ny Diosezin'i Fenoarivo Atsinanana azy... • Na aiza na aiza misy antsika, aza avela ho verivery foana ny fotoana ahafahana mitia. Io no fanentanana nataon'ny Papa Léon XIV, nandritra ny vavaka Angelus omaly...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...