Lohahevitra : Kintan'ny finoana
Voadika amin'ny fiteny :  Français (France)   English (United Kingdom) 

07 septambra — Teraka tao Autun tao France i Reine. Teo amin’ny fahenina ambin’ny folo taonany izy no no nibebaka ho kristianina izany hoe tamin’ny taona 252. Niandry ondry teo amin’ny tendrombohitr’i Auxois izy no saika ho viravirain’ny governora romanina tao Gaule, Olibrius na Olimbrius, nefa nanohitra i Reine ary nandà ny fanambadiana mba tsy hanimbazimban’io ny finoany.

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny olombelona sasany dia tsy te hanaiky izay nanamboaran'ny nahary tany an-kibondreniny azy. Raha lahy no nahariana azy dia te ho vavy izy ; raha vavy dia te ho lahy. Ireny no lazain'ny olona hoe "gender" na "théorie du genre", miralenta. Tsy vitan'ny filàna na tombontsoa fotsiny izany fa tena fitaka no hiainana amin'izay nanamboaran'Andriamanitra ny olombelona. katesizy momba ny fianakaviana, iarahana amin'i P. Randriamanamahenina Robert Maria.

Lohahevitra : Tenin'ny Tompo
Voadika amin'ny fiteny :  Français (France)   English (United Kingdom) 

Alarobia 7 septambra 2022 — Herinandro Tsotra fahatelo amby roapolo Mandavantaona — Sambatra ireo mitana ny tenin’Andriamanitra amin’ny fo tsara sy mahitsy, ka mitandrina azy sy mamoa amin’ny faharetana — Evanjely Masina nosoratan'i Masindahy Lioka 6, 20-26

Lohahevitra : Vaovao

♦ Nodimandry androany maraina ny Evekan'Antsirabe, Mgr Philippe Ranaivomanana. Ny alakamisy tolakandro izao no hotanterahana ny Lamesa fisaorana an'Andriamanitra sy ny fanaovam-beloma azy... ♦ Tokony hisy fanadihadiana mahaleo tena hatao ao anatin'ny fotoana fohy ny raharaha tany Ikongo, hoy ny mpiandrariny miahy ny zon'ny vahoaka, Ratsirahonana Lala... ♦ Ivon'ny atrikasa notanterahan'ny OIT androany, ny momba ny dinika ara-tsosialy. Nandray anjara ny avy amin'ny Minisiteran'ny Asa, ny solontenan'ny mpampiasa ary ny sendikalista...

Sous-catégories

Malagasy

[Miara-dàlana] Alatsinainy 4 aogositra 2025

• Fandraisana an'i Kristy ho namana akaiky ary ho malina hatrany eo anatrehan'ny fisarihana manodoka ka handalina ny finoana, no nanentanan'ny Arsevekan'Antananarivo ny tanora rehetra, nandritra ny famaranana ny JMJ Diosezy tany amin'ny Distrikan'i Mahitsy... • Nanentana ny tanora rehetra ihany koa ny Papa Léon XIV, mba hifikitra mandrakariva amin'i Kristy ny tanora, nandritra ny famaranana ny Jobilin'ny Tanora izay notanterahana tany Roma... • Eo amintsika sy ao amintsika i Jesoa Tompo ao amin'ny Eokaristia, hoy ny Papa Léon XIV, ka andeha isika hisaotra ny Tompo noho ny fanomezana lehibe amin'izao andro Jobily izao. Hafatra nentiny ho an'ny tanora nandritra ny vavaka Angelus omaly...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...