Lohahevitra : Tantara

Tsy afaka niangona i Dera rehefa reraky ny fiaretan-tory tamin'ny fiandrasana ny fatin'ny rain'ny mpiara-miasa aminy sy ny divay nosotroiny, ka namorona aretina tsy fidiny. Famoronana aretina izay niafara tamin'ny zavatra tsy mbola fahitany hatramin'izay nahitany masoandro. Nakan'i Vola mpitsabo ho ao an-trano izy, ary efa nakany fotoana tamin'ny mpitsabo nify ihany koa ny ampitso maraina.

Lohahevitra : Tantara

Vita ny fanamasinana ny fanambadian'i Dera sy i Vola. Samy nahazo andro tsy fiasana herinandro izy ireo ka tany Ambatomainty no nandaniana izany. Herin-taona sy tapany taorian'ny nivadian'izy ireo dia niteraka lahy kely ry zareo. Nanomboka teo ny andram-piainana tsy mbola natao mihitsy izay niteraka angano.

Lohahevitra : Tantara

Tafapetraka tamin'ny toerana ho mpanampy ny lehiben-taokaonty i Dera rehefa nahazo ny filazam-pahaizana rehetra nataony. Faly sy niarahaba azy noho izany i rainy, fa reniny kosa ny hampody azy any an-tanàna amin'izay no noventiventesiny satria vita hono ny natao, ary ny an'i Vola : fanambadiana avy hatrany.

Lohahevitra : Tantara

Nampiakarina tany Antananarivo i Dera mba hiasa sy hianatra. Roa taona niainana tao anatin'ny tsy fisian'ny fotoana na dia ny hihinanan-kanina aza vokatr'izany. Tetsy an-daniny tsy nitsahatra ny fanampian'i Vola an'i Dera tamin'izay fianarana natao rehetra. Nisy vokany tsara tokoa izany : tsy loha-laharana fotsiny i Dera fa mba tsara toerana hatrany.

[Miara-dàlana] Alatsinainy 29 aprily 2024

♦ Nanatanteraka fivoriana fikatsahana ny fampandehanana ny asa pastôraly, ireo kômity mpitantana ny Vikaria Betsiboka, ny faran'ny herinandro teo... ♦ Nanatanteraka hetsika maro sosona ny Aumônerie Catholique Universitaire an'ny Arsidiôsezin'Antsiranana izay ao antin'ny faha-40 taona nijoroany... ♦ Hitsidika an'i Madagasikara ireo Equipe Notre-Dame avy atsy amin'ny nosy La Réunion, ny 12 mey 2024. Fanirian'izy ireo ny hampahafantatra sy hampijoro izany eto Madagasikara...

Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...