Atolotr'i Radio Don Bosco

Lohahevitra : Vaovao

Naseho ny : 13 janoary 2024

♦ Mila mahay maka lesona ny filoha Andry Rajoelina hoy ny mpamakafaka pôlitika Soalihy Moussa, mba hahafahany mamita am-pitoniana ny fe-potoam-piasany faharoa... ♦ Efa nahatratra 18 ireo tranga fanolanana zaza latsaky ny 15 taona nandalo teny anivon'ny fampanoavana eny amin'ny fitsarana ambaratonga voalohany Antananarivo hatramin'ny fiandohan'ny taona 2024... ♦ Voamarina fa alika mpirenireny no nanaikitra ireo omby tany Brickaville tamin'ity herinandro ity hoy ny tale jeneralin'ny fiompiana... ♦ Nandray fepetra ny any Colombie manoloana ireo gadra tafatsoaka any Equateur...

Tohiny...

Atolotr'i Ratovoarivelo Ndrasantsoa Marie Frédeline

Lohahevitra : Raki-tsarobidy

Voadika amin'ny fiteny :      

Naseho ny : 13 janoary 2024

Mila antsika taranaka mifandimby ireo zokiolona. Lesona ho an'ny taranaka ny fitondran-tena sy ny fihetsika ataon'ny zokiolona. Manome fahamatorana ny taranaka dieny mbola tanora ihany koa ny zokiolona. Katesizy momba ny fiaraha-monina sy ny taranaka mifandimby, iarahana amin'i P. Rakotondramanana Soloniaina J. Emilien. 

Tohiny...

Atolotr'i Radio Don Bosco

Lohahevitra : Vaovao

Naseho ny : 12 janoary 2024

♦ Niarahaba ireo manamboninahitry ny foloalindahy Malagasy izay nanamarika ny 12 janoary ; andron'ny manamboninahitra ny filohan'ny Repoblika Andry Rajoelina... ♦ Manohana ny tantsaha hisitraka ny zony amin'ny fananan-tany any amin'ny faritra iasany ny fandaharan'asa DEFIS, eo ambany fiahian'ny ministeran'ny fambolena sy ny fiompiana... ♦ Lehilahy roa no niakatra fampanoavana androany, ary nalefa eny amin'ny fonjan'i Tsiafahy noho ny fanolanana zaza latsaky ny 15 taona... ♦ Miantso sy manentana ny mponina any Equateur ny fivondronamben'ny Eveka any an-toerana mba hahay hiray hina sy hampanjaka ny fandriam-pahalemana...

Tohiny...

Atolotr'i Radio Don Bosco

Lohahevitra : Vaovao

Naseho ny : 12 janoary 2024

♦ Mbola eo am-pamolavolana ireo tetiandrom-pifidianana sy ny fomba enti-manatanteraka izany ny CENI ankehitriny. Mbola tsy nisy araka izany ny tetiandro navoakany... ♦ Ny 51,95% amin'ireo voafonja manerana ny nosy no misitraka ny fanalefahan-tsazy avy amin'ny filohan'ny repoblika raha ny antontanisa vonjy maika voaray... ♦ Distrika telo amin'ireo Distrika efatra ao Amoron'i Mania no mbola ahitàna "Peste". Olona iray no ahiana ho matin'ity valanaretina ity ao Ambositra... ♦ Tafajoro ny governemanta vaovao tarihin'ny praiministra Gabriel Attal any Frantsa. Misy amin'ireo ministra teo aloha no tafaverina mandrafitra izany...

Tohiny...

Atolotr'i Radio Don Bosco

Lohahevitra : Vaovao

Naseho ny : 12 janoary 2024

♦ Efa eny am-pelatanan'ny filohan'ny Repoblika Andry Rajoelina ny tolo-kevitra amin'ny anaran'ireo ministra hotendrena ao anatin'ny Governemanta vaovao. Andrasana ny famoahana ôfisialy ireo mpikambana handrafitra izany...  ♦ Miandrandra fihaonana amin'ny vondron'ireo mpampiasa ny FISEMARE manoloana ny fampiakarana ny karama ho an'ny sehatra tsy miankina... ♦ Miisa 280 reo boky novokarin'ny faribolana Sandratra tao anatin'ny 35 taona nijoroany... ♦ Nihoatra ny 200% ny tahan'ny fisondrotry ny vidim-piainana tany Argentine tamin'iny taona 2023 iny...

Tohiny...

Atolotr'i Ratovoarivelo Ndrasantsoa Marie Frédeline

Lohahevitra : Raki-tsarobidy

Voadika amin'ny fiteny :      

Naseho ny : 12 janoary 2024

Tsy misy fanantenana ny fiainantsika rehefa tsy misy zokiolona. Ny vehivavy dia mahari-pery, mahavita manohana ny vadiny mandrankariva. Vitsy ny lehilahy manana herim-pom-bahivavy, môdely kokoa amin'ny faharetana ny zokiolona vehivavy. Afa-mifanohana ny zokiolona rehefa misy iray mijoro. Katesizy momba ny fiaraha-monina sy ny taranaka mifandimby, iarahana amin'i P. Rakotondramanana Soloniaina J. Emilien. 

Tohiny...

Atolotr'i Radio Don Bosco

Lohahevitra : Vaovao

Naseho ny : 11 janoary 2024

♦ Nanolotra ireo tolo-keviny any amin'ny filoham-pirenena momba ireo ministra hotendrena anaty Governemanta vaovao ny Praiministra androany, raha ny efa voafaritra. Haneho ny heviny eto momba izay fanendrena ministra izay ireo mpanao politika... ♦ Namoaka naoty ny eo anivon'ny Ministeran'ny fahasalamam-bahoaka manoloana ny fihanak'ilay areti-maso "conjonctivite". Efa ahitàna io trangan'aretina io ihany koa eto Antananarivo amin'izao raha ny tatitra azo... ♦ Tsy maintsy hisy ny fisondrotan-karama ho an'ny mpiasa amin'ny sehatra tsy miankina amin'ity taona ity, hoy ny FISEMARE. Handefa taratasy any amin'ny vondron'ny mpampiasa izy ireo, hisian'ny fihaonana handinihana izany amin'ity volana ity...

Tohiny...

Atolotr'i Radio Don Bosco

Lohahevitra : Miaina sy mitia

Voadika amin'ny fiteny :      

Naseho ny : 12 janoary 2024

Firy taona aty aorian'ny nahazoana ny fahaleovantena, tsy mbola hita taratra ihany ny fahatomombanan'ny fandrosoan'ny firenena Malagasy. Eo amin'ny tontolo pôlitika fotsiny ohatra, ny fanomanana fifidianana izay miteraka olana miverimberina, ary mitovy foana. Izany indrindra no niresahana ireo zavatra na toe-javatra tokony atao laharam-pahamehana hanorenana ny firenena ka hisian'ny fandrosoana marina. Fandaharana "miaina sy mitia" iarahana amin'ny ivon-toerana Arrupe Madagasikara sy ny sampan'asa fandraisana anjara amin'ny maha-olom-pirenena sy fahombiazana ara-toekarena...

Tohiny...

Atolotr'i Rakotoarison James Daniel

Lohahevitra : Hirika

Voadika amin'ny fiteny :      

Naseho ny : 12 janoary 2024

Miabo ny voka-bary azon'ny PAPRIZ fahatelo nandritra ny taom-pambolena farany teo. Vokatra mitondra mankany amin'ny fitomboana sy ny firoboroboan'ny voka-bary eto Madagasikara. Maherin'ny5 taonina isaky ny Hektara ny salan'isan'ny vokatra niakatra ho an'ireo Faritra 11 teo aloha iasan'ny tetik'asa. Niampy 50 mahery ny isan'ny lemaka voatondraka niasana. Maherin'ny 37.000 ny tantsaha niofana...

Tohiny...

Atolotr'i Radio Don Bosco

Lohahevitra : Vaovao

Naseho ny : 11 janoary 2024

♦ Mitaky ny hanatanterahana ny fifidianana Ben'ny Tanàna sy ny mpanolon-tsaina ny RMDM. Tapitra omaly ny fe-potoan-kiasany... ♦ Manampy an'i Madagasikara noho ny fandalovan'ny rivo-doza Alvaro farany teo i Etazonia. Fanampiana 4,7 taonina no natolotry ny amerikana... ♦ Mbola misy telo herinandro vao vita ny asa fanamboarana ny lalana Ankadimbahoaka mandalo ny Fasan'ny Karana hatreny Anosizato ao Antananarivo renivohitra. Nijery ny fizotry ny asa ny ekipan'ny ministeran'ny asa vaventy... ♦ Hitory an'i Israely any amin'ny Fitsaràna Iraisam-pirenena i Afrika Atsimo. Ambaran'ny ao Pretoria renivohitra ho hetsika fandringanan'olona no ataon'ny Israeliana any amin'ny faritr'i Gaza ankehitriny...

Tohiny...

Atolotr'i Radio Don Bosco

Lohahevitra : Mba ho vanona

Voadika amin'ny fiteny :      

Naseho ny : 11 janoary 2024

Ny safidy dia mampivoatra ny maha olona. Mampivoatra ny maha-izay avy amin'ilay atao hoe "développement personnel" na fampivoarana sy fanatsarana ny maha-izay eo amin'ny sehatra izay misy dia isan'ny tena ilaina indrindra amin'ny sehatry ny asa, mikendry ny hampitombo sy hanatsara ny vokatra azo. Fandaharana "mba ho vanona" iarahana amin'ny jeneraly Désiré Ramakavelo.

Tohiny...

Atolotr'i Radio Don Bosco

Lohahevitra : Vaovao

Naseho ny : 11 janoary 2024

♦ Manova paik'ady indray ny dahalo ao amin'ny Distrika Ankazobe amin'ny fanafihana ataony. Manentana ny vahoaka sy ny mpitondra eny ifotony ho mailo, hoy ny solombavambahoaka Rija Rasoava Rakotoarisoa... ♦ Maherin'ny 200 ireo voafonja afaka nivoaka ny fonjan'Antanimora omaly nahazo ny fanalefan-tsazy avy amin'ny filohan'ny Repoblika... ♦ Nanokatra ny taona 2024 omaly ny RMDM. Vonona hiady amin'ny tsy rariny sy ny tsy fanajàna ny lalàna izy ireo. Mitohy ny tolona hoy ny mpitondra teniny Pasitera Edouard Tsarahame... ♦ Nanambara ny Praiministra israeliana fa tsy hihazona maharitra an'i Gaza eo am-pelantanany izy ireo. Ny hamongorana ny Hamas no tanjon'izy ireo...

Tohiny...