Lohahevitra : Vaovao

♦Nihazo an'i Rôma omaly alahady 19 nôvambra ny Birao maharitry ny Fivondronamben'ny Eveka eto Madagasikara hihaona amin'ny Papa Ray Masina... ♦ Tsy hanaiky ny vokam-pifidianana hivoaka eo ny antoko HVM ary nilaza fa mbola hanohy ny tolona hatrany... ♦ Hisokatra ôfisialy rahampitso talata ny fotoam-piotazana Litchis ho an'ny Faritra Atsinanana sy Analanjirofo... ♦ Nahafatesana olona 21 farafahakeliny ny ora-nikija tao anatin'ny 2 andro tany amin'ny Repoblika Dominicaine...

Lohahevitra : Filira

Araka ny lalan-tsaina noentin'ny Mpanoratra, Mpampianatra, Akademisianina. Andriamalala Emilson Daniel Tsiferana dia misy lafiny telo no afahana mihatrika ny fanagasiana dia ny ara-toe-tsaina, ara-pampianarana, ary farany ara-toe-karena. Ny fanagasiana amin'ny lafiny fampianarana dia mitaky zavatra maromaro afahana miady amin'ny tosiky ny teny vahiny toy ny : fampitaovana izay enti-mampianatra, ny fampiofanana, ny rafitra, azo heverina ihany koa ny fametrahana politikan'ny fanabeazana ka ho teny enti-mampianatra ny teny malagasy. Fakafakaina tsara ny lafiny tsenan'asa satria misongadina loatra ny hoe ilaina ny fahafehezana ny teny frantsay ary tombony ny teny anglisy..

Lohahevitra : Vaovao

♦ Nihazo an'i Rôma omaly alahady 19 nôvambra ny Birao maharitry ny Fivondronamben'ny Eveka eto Madagasikara hihaona amin'ny Papa Ray Masina... ♦ Nanaraka ny fenitra iraisam-pirenena ny fanatanterahana ny fifidianana tamin'ny 16 nôvambra teo, hoy ny mpanara-maso iraisam-pirenena, avy amin'ny UJ CEMAC... ♦ Nodimandry omaly teo amin'ny faha-56 taonany i Ninie Donie, mpanakanto malaza teo amin'ny gadona Salegy... ♦ Mitohy ny fanelanelanana ataon'ny Qatar mba hamotsorana ireo Israeliana ataon'ny Hamas Palestiniana takalon'aina nanomboka tamin'ny 7 ôktôbra lasa teo...

Lohahevitra : Andriano ny fahasalamana
Voadika amin'ny fiteny :  Français (France)   English (United Kingdom) 

Misy ary matetika mitranga ny tsy fahatomombanan'ny ahitra mandritra ny vohoka. Aty amin'ny tany an-dalam-pandrosoana dia maro ireo vehivavy no maty eo am-piterahana, ary io no mahatonga ny ministeran'ny fahasalamana mba hiterahan'ny vehivavy any amin'ny tobim-pahasalamana ; nampiofana ihany koa ireo reninjaza. Ny ahiatra dia taova mandalo, izay ny lalan-dra no mameno azy ka io no isan'ny mampifandray ny zanaka sy ny reniny mandritra ny vohoka. Ny asan'ny ahitra dia miantoka ny famatsiana ny rivotra ho an'ny zaza ary mamoaka ireo rivotra tsy ilain'ilay zaza, io taova io no mampiasa tsikelikely ny voa sy ny atin'ny zaza, io ihany koa no miaro ilay zaza amin'ny aretina na fanafihana hafa... 

Lohahevitra : Vaovao

♦ Biraom-pifidianana 5011 no efa namoahan'y CENI voka-pifidianana vonjimaika hatramin'ny androany maraina... ♦ Voaporofo ary marina ny fisian'ny hosoka tamin'ny fifidianana ny alakamisy teo hoy ny kandidà Paraina Auguste. Lasa nisy nanana delegué any amin'ny biraom-pifidianana sasany ny vondron'ireo kandidà anefa tsy nisy ny toromarika hoy izy... ♦ Tsy hisy intsony ny fandeferana amin'izay mety ho fidinana an-dalambe tsy nahazoana alalana, hoy ny filoham-panjakàna Richard Ravalomanana omaly. Nilaza ny hanome toromarika ny tenany handraisana fepetra amin'ireo izay minia mitarika izany... ♦ Resy tamin'ny fifidianana tany Libéria ny filoha teo aloha Georges Weah...

Lohahevitra : Hono hoy aho Mompera ?
Voadika amin'ny fiteny :  Français (France)   English (United Kingdom) 

Ny voalohany dia ny hatanterahan'ny faminanian'i Simeona : ho tanterahin-tsabatra ny fonao ; ny faharoa ny fandosirana tany Ejipta ; fahatelo dia i Jesoa very tao an-tempoly tamin'ny faharoa ambin'ny folo taoanan'i Jesoa ary nalahelo izy ; ny fahaefatra dia i Jesoa mitondra ny hazo fijaliana, ontsa ny fony nahita ny fijalian'ny zanany i Masina Maria ;  fahadimy Masina Maria nijoro teo am-pototry ny hazo fijaliana ka nandre ny tenin'i Jesoa hoe : rahavehivavy indro ny zanakao, ary tamin'ny mpianany hoe : indro ny reninao ; ny fahaenina dia ny nampidinana ny fatin'i Jesoa teo amin'ny hazo fijaliana ka nandraisan'i Masina Maria azy teo an-tratrany ; ny fahafito dia ny fandevenana an'i Jesoa tao am-pasana.

Lohahevitra : Vaovao

♦ Ny voka-pifidianana vonjimaika farany avy amin'ny CENI, ny 11% amin'ny biraom-pifidianana no efa namoahana vokatra... ♦ Miantso ny hampitsaharana amin'izay ny fanenjehana lava ny zanaky ny tapany atsimo atsinanan'ny nosy ny Fikambanan'ny zanaky ny Grand Sud-Est. Nanao fanambaràna teny Tsimbazaza izy ireo omaly... ♦ Lavon'ny Kintana mainty Ghaneana tamin'ny segondra farany ny Barean'i Madagasikara ny alina teo. Tany amin'ny fe-potoana fanampiny no nampiditra baolina tokana i Ghana... ♦ Ahiana ny hisian'ny hanohanana sy tsy fisian-tsakafo intsony any amin'ny faritr'i Gaza. Tapaka ny fahafahana mamatsy sakafo ireo mponina, noho ny tsy fisian'ny solika any an-toerana...

Lohahevitra : Vaovao

♦ Mitarika ny kandidà laharana faha-3, raha ny vokatra vonjy maika tamin'ny fifidianana notanterahana omaly, navokanan'ny CENI... ♦ Vahoka matotra, ny vahoaka Malagasy, fa nahatanteraka ny fifidianana tao anatin'ny filaminana, na teo aza ny fanakanana ny fifidianana nataon'ny kandidà hafa, hoy ny mpanara-maso avy any ivelany... ♦ Tanterahana amin'izao ora izao ny fifanintsanana eo amin'ny taranja baolina kitra, handehanana any amin'ny fiadiana izay ho tompon-daka eran-tany afaka telo taona. Fifanandrinana eo amin'ny Black Star Ghana sy ny Barean'i Madagasikara...

Lohahevitra : Miara-dalana

♦ Dingam-piofanana tsy maintsy lalovana amin’ny fiofanana ho pretra ny filôzôfia… ♦ Nanentana ny tanora mba ho mpamafy fanantenana ny Papa François… ♦ Manan-danja amin’ny fitoriana ny Vaovao Mahafaly ny hafaliana…

Lohahevitra : Tenin'ny Tompo
Voadika amin'ny fiteny :  Français (France)   English (United Kingdom) 

20 nôvambra 2023 — Alatsinainy, Herinandro Tsotra fahatelo amby telopolo Mandavantaona — Alao tampina ny masoko, ry Tompo, hibanjina ny zava-mahagaga amin’ny Lalànao — Evanjely Masina nosoratan’i Masindahy Lioka (Lk. 18, 35-43)

Lohahevitra : Tsotra Mandavantaona
Voadika amin'ny fiteny :  Français (France)   English (United Kingdom) 

Vakiteny voalohany

Boky voalohan’i Makabeo (Makabeo 1, 11-16. 43-45. 57-60. 65-67)

Hatezerana mafy loatra no niantonta tamin’ny vahoaka.

Tamin’izany andro izany,
nisy solofom-paharatsiana anankiray nivoaka avy amin’ireo mpanjaka,
dia i Antiôkosa Epifana, zanak’i Antiôkosa mpanjaka,
izay natao antoka tany Rôma,
sy tonga mpanjaka tamin’ny fahafito amby telopolo amby zato taonan’ny mpanjakan’ny Greka.

Tamin’izany andro izany,
nisy taranaka mpivadika avy amin’i Israely
ka nitarika ny hafa betsaka koa, nanao hoe:

“Andeha isika hikambana amin’ireo firenena manodidina antsika
fa nidiran-doza maro isika,
hatrizay nitokanantsika lavitra an’ireo izay.”

Ary nataony ho mety harahina izany teny izany.
Ka ny sasany tamin’ny vahoaka dia rototra nanatona ny mpanjaka,
ka nomeny lalana hanaraka ny fanaon’ny firenena.
Nanorina toerana fanaovana asa tena mampatanjaka tao Jerosalema,
araka ny fanaon’ny firenena izy ireo.
Nofoanan’izy ireo ny marika amin’ny famorana azy,
dia nialany amin’izay ny fanekena masina,
ary tafakambana tamin’ny firenena sy nivaro-tena hanao ny ota izy.

Namoaka didy tamin’ny fanjakany manontolo i Antiôkosa mpanjaka,
mba hiraisan’izy rehetra ho vahoaka tokana,
fa samy hanary ny lalàny manokana.
Nanaraka ny didin’ny mpanjaka avokoa ny firenena.
Nanaiky hanaraka ny fombam-pivavahany koa ny Israelita ankamaroany;
ka nanao sorona tamin’ny sampy sy nandoto ny sabata.

Tamin’ny andro fahadimy ambin’ny folon’ny volana Kasleo,
taona fahadimy amby efapolo amby zato,
dia naoriny teo ambony ôtelin’ny sorona dorana
ny fahavetavetana lozan-tany.
Nanorenany ôtely koa teo amin’ny tanànan’i Jodà rehetra,
eny amin’ny manodidina.
Ary nandoro emboka teo am-baravaran’ny trano
sy teny amin’ny kianja izy ireo.
Raha mahita Bokin’ny Lalàna eny ho eny izy,
rovitiny aloha, dia dorany.
Izay nahitana Bokin’ny Fanekena,
ary izay niseho ho mbola miraikitra amin’ny lalàna,
na zovy na zovy,
dia novonoina ho faty, noho ny didin’ny mpanjaka.

Maro anefa ny Israelita no nanohitra tamin-kerimpo
sy nanao fikasana mafy tsy hihinana na inona na inona amin’izay maloto.
Naleony maty toy izay handoto tena amin’ny hanina,
sy hametaveta ny Fanekena masina;
ka dia maty izy ireny.
Hatezerana mafy loatra no niantonta tamin’i Israely fahizany.

— Izany àry ny tenin’ny Tompo.

Setriny

Salamo 118, 53 sy 61. 134 sy 150. 155 sy 158

Velomy aho, Tompo, hitandremako ny fanambaràna avy amin’ny vavanao.

Entanin’ny hatezerana aho noho ireo ratsy fanahy,
izay mandao ny lalànao.
Voan’ny fandriky ny ratsy fanahy aho;
nefa tsy manadino ny lalànao.

Avoty amin’ny fampahorian’ny olombelona aho,
mba hitandremako ny lahatrao.
Ireo mpanenjika ahy manatona heloka,
fa manalavitra ny lalànao kosa.

Lavitra ny olon-dratsy ny famonjena;
satria izy tsy mitady ny fitsipikao.
Nahita mpivadika aho: ka narikoriko;
ny didinao tsy mba tandremany.

Evanjely

Aleloia. Aleloia.

Alao tampina ny masoko, ry Tompo, hibanjina ny zava-mahagaga amin’ny Lalànao.

Aleloia.

Evanjely Masina nosoratan’i Masindahy Lioka (Lk. 18, 35-43)

Inona no tianao hataoko aminao? Mba hahiratra aho, Tompo.

Tamin’izany andro izany,
nony mby tao akaikin’i Jerikao i Jesoa,
dia nisy jamba anankiray nipetraka nangataka teo amoron-dalana.
Ary nony nandre ny vahoaka nandalo izy,
dia nanontany hoe:

“Inona izany?”

Ka nilazana fa i Jesoa avy any Nazareta no nandalo.
Dia niantso izy nanao hoe:

“Ry Jesoa Zanak’i Davida ô,
mamindrà fo amiko.”

Noraran’izay teo aloha izy mba hangina,
fa vao mainka niantso mafimafy kokoa nanao hoe:

“Ry Zanak’i Davida ô,
mamindra fo amiko e!”

Dia nijanona i Jesoa,
ka nasainy hoentina mankeo aminy izy.
Ary nony tonga teo akaikiny dia nanontaniany hoe:

“Inona no tianao hataoko aminao?”

Ary hoy izy:

“Mba hahiratra aho, Tompoko.”

Dia hoy i Jesoa taminy:

“Mahiràta, ny finoanao no nahavonjy anao.”

Niaraka tamin’izay,
dia nahiratra izy ka nanaraka Azy sy nankalaza an’Andriamanitra.
Ary ny vahoaka rehetra nahita izany koa nidera an’Andriamanitra.

— Izany àry ny tenin’ny Tompo.

Lohahevitra : Tenin'ny Tompo
Voadika amin'ny fiteny :  Français (France)   English (United Kingdom) 

19 nôvambra 2023 — Alahady Tsotra fahatelo amby telopolo Mandavantaona — Miambena ary mivavaha mandrakariva mba ho mendrika hitsangana hiseho eo anatrehan’ny Zanak’Olona ianareo — Evanjely Masina nosoratan’i Masindahy Matio (Mt. 25, 14-30)

Sous-catégories

Malagasy

[Miara-dàlana] Zoma 9 mey 2025

• Nankahery ny vahoaka maneran-tany, hampanjaka ny fiadanana sy ny fandriam-pahalemana, ny Papa Léon XIV, tamin'ny fisehoany voalohany teo amin'ny Bazilikan'i Masindahy Piera ny 8 mey 2025 tamin'ny 7 ora sy 25 minitra, ora tany Roma... • Manentana ny olon-dehibe rehetra manerana an'i Madagasikara ny avy eo anivon'ny Vovonam-pirenena Katolikan'ny Lehibe, mba tsy hiandry farany vao hisoratra anarana, ho an'izay hiatrika ny JNA any Morondava... • Fenofeno ny fandaharam-potoanan'ny Papa Léon XIV, manomboka androany zoma 9 mey hatramin'ny sabotsy 24 mey 2025...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...