Lohahevitra : Tsotra Mandavantaona
Voadika amin'ny fiteny :  Français (France)   English (United Kingdom) 

Vakiteny voalohany

Bokin’i Izaia Mpaminany (Iz. 56, 1. 6-7)

Ny zanaky ny vahiny hoentiko eo an-tendrombohitro masina.

Izao no lazain’ny Tompo:
Tandremo ny hitsiny ary araho ny rariny,
fa efa akaiky ny famonjeko, ary efa hiseho ny fahamarinako.
Ary ny hafa firenena izay mifikitra amin’ny Tompo:
mba hanompo Azy sy ho tia ny Anarany, ary ho mpanompony;
izay rehetra mitandrina ny sabata fa tsy mandika azy,
sy miraikitra mafy amin’ny fanekeko,
dia hoentiko ao an-tendrombohitro masina,
sy hampifaliako ao an-tranoko fivavahana,
hankasitrahina eo ambony ôtely ny sorony dorana aman-tsorony:
fa ny tranoko hatao hoe:

“Trano fivavahana ho an’ny firenena rehetra”.

— Izany àry ny tenin’ny Tompo.

Salamo fandinihana

Sal. 66, 2-3. 5. 6 sy 8

Hidera Anao ny vahoaka, Andriamanitra, hidera Anao anie ny vahoaka rehetra.

Andriamanitra anie hiantra sy hitso-drano;
hampamiratiny amintsika anie ny Tavany:
ka ny herinao ho fantatra eran-tany,
ho hain’ny firenen-drehetra ny vonjinao!

Hifaly sy hihoby anie ny fokom-pirenena,
satria Ianao mitsara ny tany ara-drariny
mitsara ny vahoaka amim-pahamarinana,
mitondra ny fokom-pirenena eto an-tany.

Hidera Anao ny vahoaka, ry Andriamanitra,
hidera Anao anie ny vahoaka rehetra!
Andriamanitra anie hitahy antsika hatrany,
ny vazan-tany rehetra anie hatahotra Azy!

Vakiteny faharoa

Taratasin’i Masindahy Paoly Apôstôly ho an’ny kristianina tany Rôma (Rôm 11, 13-15. 29-32)

Tsy misy anenenany ny fanomezan’Andriamanitra sy ny fiantsoany an’i Israely.

Aminareo Jentily havana no itenenako:
amin’ny maha-Apôstôlin’ny Jentily ahy,
dia manome voninahitra ny fandraharahana nomena ahy aho,
mba hahavelom-pialonana amin’ireo tapako,
sy hamonjy ny sasany amin’izy ireo, raha azo atao.
Raha ny fanariana azy àry no fampihavanana an’izao tontolo izao,
hanao ahoana kosa ny fandraisana azy:
tsy ho fitsanganan-ko velona va?
Satria tsy misy anenenany ny fanomezan-tsoa sy ny fiantsoan’Andriamanitra.
Fa ianareo fahiny mba tsy nanaiky an’Andriamanitra ihany,
nefa noho ny naneken’izy ireny dia nahazo famindram-po ankehitriny.
Toy izany koa izy ireny ankehitriny,
tsy manaiky an’Andriamanitra izy,
nefa noho ny famindram-po azonareo,
dia hahazo famindram-po toraka izany koa.
Fa samy nohidian’Andriamanitra tamin’ny tsy fanekena ny olona rehetra,
mba samy hamindrany fo avokoa.

— Izany àry ny tenin’ny Tompo.

Evanjely

Aleloia. Aleloia.

Ny ondriko mihaino ny feoko, hoy ny Tompo: Izaho mahalala azy ary izy manaraka Ahy.

Aleloia.

Evanjely Masina nosoratan’i Masindahy Matio (Mt. 15, 21-28)

Ravehivavy, lehibe ny finoanao.

Tamin’izany andro izany,
i Jesoa dia nankany amin’ny faritanin’i Tira sy i Sidôna.
Ary indro nisy vehivavy Kananeanina anankiray nivoaka avy amin’izany tany izany,
niantsoantso mafy nanao hoe:

“Mamindrà fo amiko,
ry Tompo Zanak’i Davida,
fa ampijalian’ny demony mafy loatra ny zanako vavy”.

Fa tsy namaly azy i Jesoa na dia indraim-bava aza.
Dia nanatona niangavy taminy ny mpianany nanao hoe:

“Roahy izy, fa mikiakiaka manaraka antsika”.

Ary hoy ny navaliny azy:

“Tsy nirahina afa-tsy ho an’ny ondry very amin’ny taranak’i Israely Aho”.

Fa nanatona ihany ravehivavy ka niankohoka teo anatrehany,
ary nanao hoe:

“Tompo ô, vonjeo aho!”

Nefa novaliany hoe:

“Tsy mety raha ny mofon-jaza no alaina ka atsipy ho an’ny amboa”.

Ary hoy ravehivavy:

“Marina izany, Tompoko,
nefa ny amboakely mba mihinana ny sombintsombiny latsaka avy amin’ny latabatry ny tompony ihany”.

Dia namaly i Jesoa ka nanao taminy hoe:

“Ravehivavy, lehibe ny finoanao,
aoka ho tanteraka aminao araka izay irinao”.

Dia sitrana tamin’izany ora izany ihany ny zanany vavy.

— Izany àry ny tenin’ny Tompo.

Lohahevitra : Vaovao

♦ Mibaribary ny sakatsakana atao amin'ny antoko pôlikita tsy mitovy hevitra amin'ny fitondrana manoloana ny fanehoan-kevitra ataony hoy ny filoha teo aloha Hery Rajaonarimampianina, nandritra ny tatitra nataony tamin'ny mpanoa gazety ny fitsidiham-paritra nataony no nanehoany izany omaly... ♦ Hanomboka ny 22 aogositra izao ny fanontàna ny kara-pifidianana araka ny tetiandron'ny CENI. Hifarana amin'ny alahady izao ny fanitsiana ireo tsy fahatomombanana anatin'ny lisitry ny mpifidy... ♦ Hihamafy ny endrika fitokonana ho ataon'ny SECES sampana Antananarivo. Hiala nenina farany izy ireo araka ny tapaka nandritra ny fivoriambe natao teny Ankatso, omaly...

Lohahevitra : Vaovao

♦ Kandidà fito hatramin'izao no efa nilaza tamin'ny fomba ôfisialy ny hirotsahany hofidiana ho Filoham-pirenena amin'ny 9 nôvambra 2023. Hisokatra amin'ny herinandro ny fandraisana ny antontan-taratasin'ireo hirotsaka amin'izany fifidianana izany... ♦ Hanomboka ny 22 aogositra 2023 ny fanontana ny kara-pifidianana, araka ny tetiandro napetraka. Hifarana tsy ho ela kosa ny fanitsiana ireo tsy fahatomombanana madinika ao amin'ny lisi-pifidianana... ♦ Hihamafy amin'izay ny fitokonan'ny SECES Sampana Antananarivo. Hiala nenina farany izy ireo, satria hafana ny hetsika manomboka amin'ny zoma izao, raha toa tsy handray andraikitra ny mpitondra fanjakana...

Lohahevitra : Vaovao

♦ Nivoitra tamin'ny fakan-kevitra nataon'ireo fiaraha-monim-pirenena, mahakasika ny fitrandrahana harena an-kibon'ny tany any Mandena any amin'ny Faritra Anosy, ny fametrahana sehatra fifanakalozana sy fifampidinihana hialana amin'ny disadisa ary ahatonga ny fitrandrahana hampandroso ara-toe-karena sy sôsialy any amin'ny faritra misy azy... ♦ Miroso amin'ny fitetezam-paritra ankehitriny ireo mpanao pôlitika heverina fa hirotsaka hofidiana amin'ny fifidianana filoham-pirenena. Tany Fiaranantsoa ny Mi firaisankinan'ny Tia Taninndrazana sy ny MIHAVA Tour... ♦ Mitohy ny fifidianana ny filohan'ny ligy any amin'ny isam-paritra eo amin'ny taranja baolina kitra. Taorian'ny tany Amoron'i Mania dia vita ihany koa ny tany Matsiatra ambony...

Lohahevitra : Vaovao

♦ Nankalaza ny nampiakarana an'i Masina Maria tany an-danitra tamin'ny Eokaristia Masina omaly ny Eglizy katôlika Romana maneran-tany... ♦ Isan'ny sehatra hiaraha-miasa eo amin'i Inde sy Madagasikara ny fanatanterahana ny fifidianana madio sy mangarahara, araka ny nambaran'ny masoivohony eto Madagasikara, omaly, raha nanamarika ny faha-77 taona nahazoany ny fahaleovan-tena niaraka tamin'ireo solon-tena avy amin'ny fitondrana Malagasy, teny Ivandry, ireo tera-tany Indiana omaly...  ♦ Ho tonga eto Antananarivo amin'ny 23 aogositra ny afo tsy matin'ny lalaon'ny nosy, mialoha izany, i Toliary no handray azy amin'ny zoma izao... 

Lohahevitra : Vaovao

♦ Nampahafantatra ny teo anivon'ny Fiadidiana ny Repoblika fa nesorina tamin'ny andraikitra maha Talen'ny Kabinetra azy teo anivon'ity Andrim-panjakana ity, Ramatoa Romiary Andrianarisoa... ♦ Mpandraharaha vahiny roa, no namoahan'ny Fitsarana didy figadrana an-tranomaizina, miampy lamandy 90 miliara Ariary. Mitaraina amin'ny fomba nitsarana azy ireo ny mpisolovavany androany... ♦ Nahazo ivon-toerana famokarana angovo azo avy amin'ny herin'ny masoandro, ny any Antsiranana...

Lohahevitra : Miara-dalana

♦ Fararanom-pahasoavana ny volana aogositra satria amin'io fotoana io no atokan'ny Fiangonana Katôlika, hanamasinana ho pretra sy diakra ireo zanaky ny Fiangonana. Nanatanteraka izany tamin'ny sabotsy teo ny tao amin'ny Diôsezin'i Tsiroanomandidy... ♦ Nanatanteraka fivahinianana masina nanamarihana ny nahatongavan'ny Misiônera Montfortains teto Madagasikara, nankalazana nihany koa ny faha-350 nahaterahan'i Masindahy Louis-Marie Grignon de Montfort...

Lohahevitra : Vaovao

♦ Voasambotra tany Londres, noho ny fitakiana vola tamin'ny orinasa iray mpitrandraka harena an-kibon'ny tany, ny Talen'ny Kabinetran'ny Fiadidiana ny Repoblika, Romy Andrianarisoa... ♦ Nanambara ôfisialy ny hirotsahany ho kandidà Filoham-pirenena, Andriamatoa Rolland Ratsiraka... ♦ Miombon-kevitra sy manamafy ny fitakian'ny SECES Sampana Antananarivo, ny ENS. Miato avokoa ny asa rehetra eny Ampefiloha...

Lohahevitra : Vaovao

♦ Hihaona amin'i Papa François ao Vatican ny filoham-pirenena Andry Rajoelina amin'ny alakamisy ho avy izao. Isan'ny nambarany tamin'ny fitsidihana any amin'ny faritra avaratry ny nosy omaly izany... ♦ Andrasana ao Antsiranana ny fahatongavan'ny afon'ny lalaon'ny nosy aty amin'ny ranomasina indiana.  Tontosa omaly tatsy amin'ny nosy Maorisy ny lanonana famindrana ny afo ho an'i Madagasikara... ♦ Velon-taraina amin'ny haratsian'ny lalana amin'ireo kaominina miisa 5 amin'ny ilan'ny atsinanan'ny distrikan'Antsirabe-II ny tantsaha sy ny mpandraharaha ary ny mpitatitra ny vokatra amin'ireo kaominina ireo... ♦ Tsy eken'ny rosiana tanteraka ny fikasan'ny CEDEAO hampiasa hery amin'i Niger...

Lohahevitra : Vaovao

♦ Hotanterahana ny 29 hatramin'ny 31 aogositra izao ny fihaonambe karakarain'ny FFKM. Miantso an'ireo hery velona samihafa handray anjara amin'izany ireo filoham-piangonana efatra mirahalahy... ♦ Handray anjara amin'ny fifidianana ho avy ny Antoko UNDD araka ny nambaran'izy ireo saingy hiara-hiasa amin'ny Antoko hafa kosa amin'ny fanohanana sy ny fanolorana olona amin'ny fifidianana ho filoham-pirenena... ♦ Niabo ny voka-bary tohanan'ny PAPRIZ fahatelo nandritra ny taom-pambolena farany teo. Maherin'ny 5 taonina isaky ny Hektara ny salan'isan'ny vokatra niakatra ho an'ireo faritra 11 teo aloha iasan'ny tetik'asa... 

Lohahevitra : Miara-dalana

♦ Manatanteraka fiofanana ireo katesista ao amin'ny Diôsezin'i Port-Bergé, ka ao amin'ny "Centre d'accueil" Mandritsara no hanatanterahana izany... ♦ Notontosaina nanomboka ny faha-9 ary hifarana ny alatsinainy 13 aogositra 2023, ny Filankevitra Nasiônaly, tanterahan'ny Vovonam-pirenena Katôlika'ny Lehibe, eny amin'ny Akany Mariazy Mirindra Ambohipo... ♦ Hotontosaina ny alahady 13 aogositra 2023, ny fandraisana an'i Mgr Jean Nicolas Rakotojaona eto ami'ny Diôsezin'Antananarivo sy ny Distrikan'i Namehana, toerana izay nahabe azy...

Lohahevitra : Vaovao

♦ Ho hentitra amin'ny fanaraha-maso ny fananan'ny Filoha ankehitriny zom-pirenena Malagasy, ny antoko MMM, amin'ny fifidianana ho avy io... ♦ Miroso ny fanamboarana ny ampahan-dàlana ratsy ao an-drenivohitra, hoy ny Minisiteran'ny Asa Vaventy... ♦ Takin'ny sendikà SECES, Sampana Antananarivo, ny hanatrarana sy hamoahana ny anaran'ireo tompon'andraikitra voalohany tamin'ny hosoka, nandritra ny Bakalôrea farany teo...

Sous-catégories

Malagasy

[Miara-dàlana] Zoma 23 mey 2025

• Hotanterahana ny 16 sy 17 aogositra 2025 ao amin'ny ESCA Antanimena, ny taon-jobily ho an'ny olom-boatokana... • Ny alahady 25 mey 2025 no hiombonan'ny diosezin'Antananarivo manotolo amin'ny fanohanana ny Seminera Zandriny Ambohipo... • Hitarika ny Consistoire voalohany amin'ny maha Papa azy, ny 13 jona 2025 ao amin'ny Lapa Apostolikan'i Vatican, ny Papa Léon XIV...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...