Lohahevitra : Vaovao

♦ Mitaky ny handravàna ny Ceni, ka hananganana rafitra vaovao mikarakara ny fifidianana ny antoko Otrikafo. Aty amin'ny firenena afrikàna nozanahan'ny Frantsay ihany no misy Ceni izany hoy izy ireo... ♦ Manaitra ny fitondram-panjakàna ireo fiaraha-monim-pirenena any amin'ny Faritra Sava amin'ny fahapotehan'ny lalam-pihariana Lavanila, misy aretina mpahazo tiy voly ity... ♦ Nitsoaka ary nihazo ny tanànan'i Farafangàna ireo olona an-jatony traboina tamin'ny fanafihan-dahalo nitranga tao Manambotra-Atsimo, tanàna, trano maro, sekoly lasa lavenona... 

Lohahevitra : Lahatsoratry ny Evanjely
Voadika amin'ny fiteny :  Français (France)   English (United Kingdom) 

Tamin’izany andro izany, dia nifidy roa amby fitopolo lahy hafa koa ny Tompo ka naniraka azy tsiroaroa hialoha Azy, any amin’ny tanàna sy ny tany rehetra izay halehany. Ary hoy Izy tamin’izy ireo: "Be ny vokatra, fa ny mpijinja no vitsy; koa mangataha amin’ny tompom-bokatra mba hanirahany mpiasa hijinja ny vokany. Mandehana; indro Aho maniraka anareo tahaka ny zanak’ondry eo afovoan’ny amboadia. Aza mitondra kitapom-bola na kitapo hafa, na kiraro, ary aza miarahaba olona akory eny an-dalana. Amin’izay trano hidiranareo, dia milazà aloha hoe: ‘Fiadanana anie ho amin’itý trano itý’; ka raha misy zanaky ny fiadanana ao, dia ho ao aminy ny fiadanana lazainareo; fa raha tsy misy kosa, dia hiverina aminareo ihany izany. Ary mitoera amin’izany trano izany, ka mihinàna sy misotroa izay misy ao, fa mendrika ny karamany ny mpiasa. Aza mifindrafindra trano. Ary amin’izay tanàna idiranareo, raha mandray anareo ny olona, dia hano izay atolony anareo; ary sitrano ny marary izay ao, ka lazao hoe: ‘Efa mby akaiky anareo ny fanjakan’Andriamanitra.’ Fa amin’izay tanàna idiranareo kosa nefa tsy mandray anareo ny olona, dia mankanesa eny an-kianja ka lazao hoe: ‘Na ny vovoky ny tanànanareo nipetaka tamin’ny tongotray aza dia ahintsanay hiampanga anareo; fantaro anefa fa efa akaiky ny fanjakan’Andriamanitra.’ Lazaiko aminareo fa amin’izay andro izay, dia ho moramora kokoa ny ho amin’i Sôdôma noho ny ho amin’izany tanàna izany."

Lohahevitra : Lahatsoratry ny Evanjely
Voadika amin'ny fiteny :  Français (France)   English (United Kingdom) 

Tamin’izany andro izany, nahita an’i Natanaely tamy nanatona Azy i Jesoa, dia nilaza azy hoe: "Io no tena Israelita tokoa, izay tsy misy fitaka." Ka hoy i Natanaely taminy: "Ahoana no nahalalanao ahy?" Ary hoy ny navalin’i Jesoa azy: "Talohan’ny niantsoan’i Filipo anao, dia hitako teo ambanin’ny aviavy ianao." Dia namaly Azy i Natanaely, ka nanao hoe: "Raby ô, Ianao no Zanak’Andriamanitra, Ianao no Mpanjakan’i Israely." Ary hoy i Jesoa taminy: "Mino ianao, satria nilazako fa hitako tao ambanin’ny aviavy ianao; mbola hahita zava-dehibe noho izany aza ianao." Dia hoy koa Izy: "Lazaiko marina dia marina aminareo fa hahita ny lanitra misokatra sy ny Anjelin’Andriamanitra miakatra sy midina eo ambonin’ny Zanak’olona ianareo."

Lohahevitra : Lahatsoratry ny Evanjely
Voadika amin'ny fiteny :  Français (France)   English (United Kingdom) 

Nony efa antomotra ny andro tsy maintsy hanalàna an’i Jesoa eto amin’izao tontolo izao, dia nanapa-kevitra hankany Jerosalema Izy ka nandefa iraka nialoha Azy. Dia nandeha ireo ka niditra tao amin’ny tanàna anankiray tany amin’ny Samaritanina, mba hanomana ny fandraisana Azy; fa tsy nisy nandray Azy ny olona, satria olona hankany Jerosalema no fijeriny Azy. Nony nahita izany i Jakôba sy i Joany mpianany dia nanao hoe: "Tompoko, tianao va raha asainay ilatsahan’ny afo avy any an-danitra izy handevona azy?" Fa nitodika Izy ka nananatra azy mafy hoe: "Tsy fantatrareo manko izay tokony ho fanahinareo. Ny Zanak’Olona anie tsy tonga hamery olona fa hamonjy azy." Dia nankany amin’ny vohitra hafa izy ireo.

Lohahevitra : Lahatsoratry ny Evanjely
Voadika amin'ny fiteny :  Français (France)   English (United Kingdom) 

Tamin’izany andro izany, nisy hevitra tonga tao an-tsain’ireo mpianatra, dia ny amin’izay lehibe aminy. Fantatr’i Jesoa ny hevitra tao am-pony, ka naka zaza kely anankiray Izy napetrany teo anilany, dia hoy Izy tamin’izy ireo: "Na iza na iza mandray itony zaza kely itony amin’ny Anarako dia mandray Ahy, ary na zovy na zovy mandray Ahy dia mandray Ilay naniraka Ahy; fa izay kely indrindra eo aminareo rehetra dia izy no lehibe." Dia niteny i Joany nanao hoe: "Ry Mpampianatra ô, nahita olona anankiray nandroaka demony tamin’ny Anaranao izahay, ka noraranay, satria tsy namantsika izy." Fa hoy i Jesoa taminy: "Aza raràna, fa izay tsy manohitra anareo dia momba anareo."

Lohahevitra : Vaovao

♦ Miverina indray ny fanakanan-dalana amin'ny Lalam-pirenena faha-7, ankehitriny. Taxi-brousse 50 nanao "caravane" no nosakan'ny jiolahy tany Ilaka Centre Ambositra, fiara 5 voaroba... ♦ Tafakatra any amin'ny dingana manaraka ny CFFA nisolotena an'i Madagasikara amin'ny fiadiana ny amboaran'ny CAF... ♦ Very olomanga ny tontolon'ny mozika Raggae eto Madagasikara. Nodimandry omaly tatsy La Réunion ilay mpanakanto Sammy Rastafanahy...

Lohahevitra : Vaovao

♦ Tinapaka nandritra ny COPRIES fa ny 04 oktobra izao ny daty fidirana ho an'ny Oniversite... ♦ Tsy mbola hiroso amin'ny fitakiana hetra amin'ireo sekoly tsy miankina ny fanjakàna, hoy ny ministry ny toe-karena sy ny fitantanam-bola... ♦ Hikarakara hetsika fifanohanana sy fifanampiana eny amin'ny Esca Antanimena ny fikambanana Mada-Triso amin'ny sabotsy heriny anio... 

Lohahevitra : Andriano ny fahasalamana
Voadika amin'ny fiteny :  Français (France)   English (United Kingdom) 

Ny aretina pesta dia efa nisy teto ambonin'ny tany 20 000 taona lasa izay, fa tamin'ny taona 1894 kosa vao fantatra mazava tamin'ny alalan'ny fikarohana nataon'i Dr Alexandre Yersin. Tamin'ny taona 1898 no tafiditra teto Madagasikara ny peste noho ny fidiran'ny olona nararin'ny pesta avy any ivelany tamin'ny alalan'ny sambo...

Lohahevitra : Vaovao

♦ Mitaky amin'ny filoha ny tokony handraisana fepetra ny fisiana mpikambana ao amin'ny governemanta mahatonga savorovoro sy resa-be eto amin'ny firenena ny filohan'ny HCDDED... ♦ Nakaton'ireo mpianatry ny Oniverisite avy any amin'ny faritra Amoron'i Mania, mianatra eto Antananarivo ny biraon'ny CROUA eny Ankatso...  ♦ Velon-taraina ireo tanora 24 mianadahy nasain'ny orinasa Base Toliara niofana tany Kenya. Vita fianarana izy ireo anefa tsy misokatra indray ity orinasa ity...

Lohahevitra : Vaovao

♦ Tapaka ny lalana manodidina an'i Mahamasina anio noho ny famindràna fibaikoana ataon'ny Zandarimariam-pirenena eny an-toerana... ♦ Ho tanterahana anio Zoma ny Copries izay hamaritana ny daty fidirana eny anivon'ny Oniversitem-panjakàna, nisy ny soso-kevitra naroson'ny SECES... ♦ Miantso ny filohan'ny repoblika mba handray fepetra manoloana ny resabe amin'ny mpikamban'ny governemanta ny HCDDED...

Lohahevitra : Vaovao

♦ Mivory ao Sambava mandinika ny olana mampikatso ny sehatry ny lavanila amin'izao fotoana izao ny vondrona iarahan'ireo mpisehatra rehetra "GPAS"... ♦ Ny hevitry ny fiaraha-monim-pirenena manoloana ny fifidianana izay ho solontenany ao amin'ny CENI... ♦ Efa ho efatra taona no tsy nisitraka ny tambikaramany ireo mpampianatra mpikaroka efa nisotro ronono kanefa mbola manohy ny asa...

Lohahevitra : Vaovao

♦ Miroso miandalana any amin'ny fananganana fotodrafitr'asa manaraka ny fenitra iraisam-pirenena handraisana ny voafonja i Madagasikara, isan'izany ny etsy Imerintsiatosika... ♦ Rindrambaiko e-GP : Hampiarina manomboka amin'ny taona 2022 ny tsy fampiasàna atontataratasy amin'ny dingana arahina amin'ny tsena-baro-panjakàna... ♦ Miantso ny fitondram-panjakàna hamoaka didy, hanafoana ny femerana ny vidiny lavanila any ivelany ny avy any amin'ny Faritra Sava sy Analanjirofo...

Sous-catégories

Malagasy

[Miara-dàlana] Zoma 30 mey 2025

• Notanterahana androany ny Andron'ny Sekoly Katolika teto amin'ny Diosezin'Antananarivo, ka Eokaristia Masina notarihan'ny Arseveka no nanombohana izany... • Notanterahana ny 27 hatramin'ny 29 mey 2025, ny fihaonan'ireo mpanabe eo anivon'ny seminera, tao amin'ny Arsidiosezin'Antsiranana... • Antso voalohany ho antsika ny ho olombelona. Io no fampianarana nentin'ny Papa Léon XIV, nandritra ny Audience générale, ny alarobia teo...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...