Atolotr'i Radio Don Bosco

Lohahevitra : Vaovao

Naseho ny : 1 septambra 2021

♦ Vonona ny handresy an'i Bénin ny Barean'i Madagasikara amin'ny lalao hatao rahampitso. Ao anatin'ny tanjaka avokoa ireo mpilalao rehetra, hoy ny mpanazatra... ♦ Misy ny tapakila amidy, ho an'ny lalao baolina kitra rahampitso eny Mahamasina, ankoatra ireo efa nozaraina... ♦ Nisantatra ny famoahana ny voka-panadinana bakalôrea kosa ny tany Toamasina. Nahatratra 42,19% ny taham-pahafahana...

Tohiny...

Atolotr'i Radio Don Bosco

Lohahevitra : Tontolo meva

Voadika amin'ny fiteny :      

Naseho ny : 2 septambra 2021

♦ Ny Ong MICET na Madagascar Institut pour la Conservation des écosystèmes Tropicaux dia  misehatra sy miaro ny tontolo iainana. Ny MICET dia noforonina tamin'ny taona 1997 ary nisehtra tamin'ny lafin-javatra maro : fanabeazana, fahasalamana, fampandrosoana ny tontolo eny ambanivohitra... ♦ Ny sakamalao na sakaitany dia zava-maniry fanao amin'ny sakafo ary azo hitsaboana. Ny tetiandro hiotazana ny vokatra dia enim-bolana. Ny sakamalao dia manana anarana ara-tsiantifika : Zingember officinale...

Tohiny...

Atolotr'i Radio Don Bosco

Lohahevitra : Vaovao

Naseho ny : 1 septambra 2021

♦ Olona miisa 19 no nahitàna trangana pesta aretin-tratra tany Arivonimamo, hatramin'ny afak'omaly alatsinainy... ♦ Miverina an-tsekoly manomboka androany 01 septambra ireo mpianatra amin'ny sekoly miankina amin'ny fanjakàna, araka ny tetiandro napetraky ny ministeran'ny fanabeazam-pirenena... ♦ Manomboka izao, dia tsy maintsy manazava tsara ny didim-pitsarana avoakan'ny mpitsara, hoy ny ministry ny fitsaràna, raha nihaona voalohany tamin'ireo mpitsara tao Anosy omaly...

Tohiny...

Atolotr'i Radio Don Bosco

Lohahevitra : Mba ho vanona

Voadika amin'ny fiteny :      

Naseho ny : 2 septambra 2021

Mila mahay manome fitiavana sy mandray fitiavana isika. Mila fandinihantena izany rehefa mifarana ny tontolo andro. Tena fanazarantena ilaina izany hanatsara ny fiainantsika sy ny manodidina antsika, ary mamporisika antsika hifandray amin'Andriamanitra amin'ny alalan'ny vavaka. Fandraharana "Mba ho vanona" iarahana amin'i Jeneraly Désiré Philippe Ramakavelo.

Tohiny...

Atolotr'i Ranaivomanantsoa Harilanto

Lohahevitra : Radio Don Bosco

Voadika amin'ny fiteny :      

Naseho ny : 1 septambra 2021

Atolotr'i Radio Don Bosco

Lohahevitra : Vaovao

Naseho ny : 1 septambra 2021

♦ Neken'ny CAF ny hijeren'ny vahoaka Malagasy ny lalao hifanandrinan'ny Barea sy ny ekipan'ny Ecureuil avy any Bénin rahampitso alakamisy, ka mpijery 10.000 isa no afaka mijery izany... ♦ Mahazo laka indray tato ho ato ny asan-dahalo ato amin'ny faritra Analamanga, isan'ny lasibatra ny eto amin'ny distrika Ambohidratrimo... ♦ Manana ny paik'ady sy drafitra matotra entina  hanarenana ny seham-pitanterana anabakabaka eto Madagasikara, indrindra ny kaompania Air Madagasikara ny Ministra Tinoka Roberto...

Tohiny...

Atolotr'i Radio Don Bosco

Lohahevitra : Vaovao

Naseho ny : 31 aogositra 2021

♦ Miantso vonjy amin'ny fahefana mahefa ny mponina ao amin'ny Fokotany Imerinavaratra, Kaominina Manjakavaradrano, ato amin'ny Distrikan'Ambohidratrimo. Nanjakan'ny dahalo nandritra ny ora iray mahery izy ireo ny alin'ny alahady hifoha ny alatsinainy lasa teo... ♦ Voasambotry ny mpitandro ny filaminana tamin'ity herinandro ity ny olona roa nampiasa didim-pitsarana hosoka. Ny sehatry ny fananan-tany, ny fadin-tseranana ary ny fisaraham-panambadiana no maro mpanao hosoka ho an'ny ao amin'ny Fitsarana Ambaratonga Voalohany, ao Antananarivo Renivohitra...

Tohiny...

Atolotr'i NJAKATIANA Tafitasoa Fabien

Lohahevitra : Provinsy MDG

Voadika amin'ny fiteny :      

Naseho ny : 31 aogositra 2021

Notanterahina ny 2 hatramin’ny 27 aogositra lasa teo ny "FY DON BOSCO" tamin’ity taona 2020-2021 ity. Lohahevitra nodinihana manokana tamin’izany ny hoe "Entanin’ny fanantenana isika", "indro havaoziko ny zavatra rehetra" (Ap 21, 5). Isan-taona, ny tontolo salezianina eto Madagasikara dia mikarakara an’io hetsika "FY DON BOSCO" io, atao mandritra ny fialan-tsasatra.

Tohiny...

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 31 aogositra 2021

Tamin’izany andro izany, i Jesoa nanao izao fanoharana izao tamin’ny mpianany: "Moa ny jamba mahatari-dalana ny jamba va? Moa tsy hiara-mianjera any an-kady va izy roa? Ny mpianatra tsy mihoatra noho ny mpampianatra, fa izay mpianatra tapi-pianarana no hoatra ny mpampianatra azy ihany. Nahoana no ny sombim-bozaka amin’ny mason’ny rahalahinao jerenao, nefa ny sakamandimby ao amin’ny masonao tsy hitanao? Ary ataonao ahoana no filaza amin’ny rahalahinao hoe: ‘Ry rahalahy, aoka hoesoriko ny sombim-bozaka amin’ny masonao’ nefa ny sakamandimby ao amin’ny masonao aza tsy hitanao? Ry mpihatsaravelatsihy, esory aloha ny sakamandimby amin’ny masonao; izay vao ho hitanao ny hanesoranao ny sombim-bozaka amin’ny mason’ny rahalahinao."

Atolotr'i Radio Don Bosco

Lohahevitra : Vaovao

Naseho ny : 31 aogositra 2021

♦ Nigadona ny antoandro teo tety Ivato ireo iraky ny Kônfederasiôna afrikànan'ny baolina kitra, izay hijery ny kianjaben'i Mahamasina.... ♦ Naneho ny heviny ny kômity hamerina ny hasin'ny baolina kitra malagasy, manoloana ny zava-misy nanomboka omaly. Mitsabaka loatra amin'ny asan'ny federasiôna ny fitondràna hoy ny K2HB... ♦ Nametraka fitarainana any amin'ny manam-pahefana ny "Agence routière", mpanara-maso ny fanamboarana azy, misy maka sahady ny vy samihafa amin'ny lalam-baovao... 

Tohiny...

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 31 aogositra 2021

Tamin’izany andro izany, i Jesoa niteny tamin’ny mpianany nanao hoe: "Izao no lazaiko aminareo izay mihaino Ahy: Tiavo ny fahavalonareo, manaova soa an’izay mankahala anareo, misaora an’izay manozona anareo ary mivavaha ho an’izay manisy ratsy anareo. Raha misy mamely ny takolakao anankiray, dia atolory azy koa ny ilany ary raha misy maka ny lambanao, aza sakanana na alainy mbamin’ny akanjonao aza. Omeo izay rehetra mangataka aminao, ary raha misy mifaoka ny anananao, dia aza mitaky izany aminy intsony.

Izay tianareo hataon’ny olona aminareo, no mba ataovy amin’ny olona koa. Raha izay tia anareo ihany no tianareo, fankasitrahana inona no tokony ho anareo? Fa na dia ny mpanota aza tia izay tia azy koa. Raha izay manisy soa anareo ihany no asianareo soa, fankasitrahana inona moa no tokony ho anareo? Fa na dia ny mpanota aza mba manao toraka izany ihany koa. Ary raha izay antenainareo hanonitra ihany no ampisamborinareo, fankasitrahana inona moa no tokony ho anareo? Fa na dia ny mpanota koa aza, mampisambotra ny mpanota ihany, mba handraisany toraka izany. Fa ianareo kosa, tiavo ny fahavalonareo, manaova soa ary mampisambora tsy manantena valiny: dia ho lehibe ny valisoanareo, ary ianareo ho zanaky ny Avo indrindra, dia Ilay tsara fo amin’ny tsy mpankasitraka sy ny ratsy fanahy.

Aoka ho mpamindra fo tahaka ny Rainareo mpamindra fo ianareo. Ary aza mitsara, dia tsy hotsaraina ianareo; aza manameloka, dia tsy hohelohina ianareo; mamelà, dia havela ianareo. Manomeza dia homena ianareo; fatra tsara, mifatratra, sady mihintsana no avo loha no homena ho ao am-pofoanareo: fa izay famarana namaranareo ihany no hamarana ho anareo koa."

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 31 aogositra 2021

Filazana ny razan’i Jesoa Kristy, Zanak’i Davida, Zanak’i Abrahama: I Abrahama niteraka an’i Isaaka; i Isaaka niteraka an’i Jakôba; i Jakôba niteraka an’i Jodà mirahalahy avy; i Jodà niteraka an’i Faresa sy i Zarà tamin’i Tamara; i Faresa niteraka an’i Esrôna; i Esrôna niteraka an’i Arama; i Arama niteraka an’i Aminadaba; i Aminadaba niteraka an’i Naasôna; i Naasôna niteraka an’i Salmôna; i Salmôna niteraka an’i Bôôza tamin’i Rahaba; i Bôôza niteraka an’i Obeda tamin’i Rota; i Obeda niteraka an’i Jese; i Jese niteraka an’i Davida mpanjaka; i Davida niteraka an’i Salômôna tamin’ilay vadin’i Oria; i Salômôna niteraka an’i Rôbôama; i Rôbôama niteraka an’i Asà; i Asà niteraka an’i Jôsafata; i Jôsafata niteraka an’i Jôrama; i Jôrama niteraka an’i Oziasa; i Oziasa niteraka an’i Jôatama; i Jôatama niteraka an’i Akaza; i Akaza niteraka an’i Ezekiasa; i Ezekiasa niteraka an’i Manase; i Manase niteraka an’i Amôna; i Amôna niteraka an’i Jôsiasa; i Jôsiasa niteraka an’i Jekôniasa mirahalahy avy, tamin’ny andro nifindrana tany Babilôna. Ary rahefa nifindra tany Babilôna, i Jekôniasa niteraka an’i Salatiela; i Salatiela niteraka an’i Zôrôbabela; i Zôrôbabela niteraka an’i Abioda; i Abioda niteraka an’i Eliakima; i Eliakima niteraka an’i Azôra; i Azôra niteraka an’i Sadôka; i Sadôka niteraka an’i Akima; i Akima niteraka an’i Elioda; i Elioda niteraka an’i Eleazara; i Eleazara niteraka an’i Matàna; i Matàna niteraka an’i Jakôba; ary i Jakôba niteraka an’i Jôsefa vadin’i Maria izay niteraka an’i Jesoa, ilay natao hoe i Kristy.

Ary toy izao no nahaterahan’i Kristy: i Maria reniny dia efa fofom-badin’i Jôsefa; fa raha mbola tsy niray trano izy ireo, dia hita fa nanana anaka avy tamin’ny Fanahy Masina izy. Ary i Jôsefa vadiny, noho izy lehilahy marina, sady tsy ta-hanala baraka azy, dia nikasa hametraka azy mangingina. Nefa raha mbola nieritreritra izany izy, indro ny anjelin’ny Tompo niseho taminy, tamin’ny nofy, ka nanao hoe: "Ry Jôsefa, zanak’i Davida, aza matahotra hampakatra an’i Maria vadinao, fa ny Zaza ao an-kibony dia avy amin’ny Fanahy Masina ary hiteraka Zazalahy izy, ka ny anarany hataonao hoe Jesoa, fa Izy no hamonjy ny olony ho afaka amin’ny fahotany." Ary izany rehetra izany no tonga, dia mba hahatanteraka izay nampilazain’ny Tompo ny mpaminany hoe: "Indro ny Virjiny hitoe-jaza ka hiteraka Zazalahy, ary ny anarany hatao hoe Emanoela, izany hoe amintsika Andriamanitra."